କନକ ବ୍ୟୁରୋ: ଦୁଇଟି ଆସନରୁ ଲୋକସଭା କିମ୍ବା ବିଧାନସଭା ନିର୍ବାଚନ ଲଢିବା ଉପରେ ରୋକ ଲଗାଇବାକୁ ନେଇ ହୋଇଥିବା ଆବେଦନ ନେଇ ସୁପ୍ରିମକୋର୍ଟରେ ଶୁଣାଣି ହୋଇଛି । କୋର୍ଟ ଏହି ଜନହିତ ଆବେଦନକୁ ଖାରଜ କରିଛନ୍ତି । ମୁଖ୍ୟ ବିଚାରପତି କହିଛନ୍ତି, ଏହା ବିଧାନ ନୀତିର ମାମଲା । ଆବେଦନକାରୀଙ୍କ ଓକିଲ କହିଛନ୍ତି, ଏହା ଏଥିପାଇଁ ଭୁଲ ଯେ କୌଣସି ବ୍ୟକ୍ତି ଯଦି ଗୋଟିଏ ଆସନରୁ ବିଜୟୀ ହେବା ପରେ ସେହି ଆସନ ଛାଡି ଦେଉଛି ତେବେ ସେଠାରେ ଭୋଟରଙ୍କୁ ପୁଣିଥରେ ଭୋଟ ଦେବାକୁ ପଡିବ । ଏହା ଧାରା ୧୯ର ଉଲ୍ଲଘଂନ ଅଟେ ।
Kanak News is now on WhatsApp
Join and get latest news updates delivered to you via WhatsApp
ସିଜେଆଇ ଆହୁରି ମଧ୍ୟ କହିଛନ୍ତି ଯେ, ନିର୍ବାଚନ ଲଢୁଥିବା ବ୍ୟକ୍ତି ଜାଣିନଥାନ୍ତି ଯେ, ସେ ଦୁଇ ଆସନରୁ ବିଜୟୀ ହେବେ । ଏହା ନୀତିଗତ ମାମଲା । ଓକିଲ କହିଥିଲେ ବିଧି ଆୟୋଗ ଏହା ଉପରେ ନିଜର ରିପୋର୍ଟ ଦେଇଛନ୍ତି । ଏହା ଉପରେ ସିଜେଆଇ କହିଥିଲେ, ଗୋଟିଏ ଥର ସଂସଦ ଦୁଇ ଆସନରୁ ନିର୍ବାଚନ ଲଢିବାର ସୀମା ନିର୍ଦ୍ଦାରଣ କରିଦେଇଥିଲେ । ଯଦି ତାଙ୍କୁ ଲାଗିବ ତେବେ ଆମେ ପଦକ୍ଷେପ ଗ୍ରହଣ କରିବୁ । କୋର୍ଟ ସିଧାସଳଖ କାହିଁକି ହସ୍ତକ୍ଷେପ କରିବେ, ଯେତେବେଳେ କି ଏହା ଏକ ବିଧେୟକ ସମ୍ବଳିତ ମାମଲା ।
ଏହାକୁ ନେଇ ଓକିଲ କହିଛନ୍ତି, ଦକ୍ଷିଣ ପୂର୍ବ ଏସିଆ ସମେତ ଅଧିକାଂଶ ଦେଶରେ ସ୍ଥାପିତ ହୋଇଥିବା ଲୋକତନ୍ତ୍ରରେ ଗୋଟିଏ ଆସନରେ ନିର୍ବାଚନ ଲଢିବାର ନିୟମ ରହିଛି । ଆବେଦନକାରୀଙ୍କ ପକ୍ଷରୁ ଅନୁଚ୍ଛେଦ ୩୨ ଅନୁଯାୟୀ ଜନପ୍ରତିନିଧି ଆଇନ-୧୯୫୧ର ଧାରା ୩୩(୭)ର ସାମ୍ବିଧାନିକତାକୁ ଚ୍ୟାଲେଞ୍ଜ କରାଯାଇଥିଲା । ଏଥିରେ କେନ୍ଦ୍ର ଏବଂ ନିର୍ବାଚନ ଆୟୋଗଙ୍କୁ ନିର୍ଦ୍ଦେଶ ଦେବା ପାଇଁ ଦାବି କରାଯାଇଥିଲା ।