ପୁଣି ଦିଲ୍ଲୀ ସରକାର ଉପରେ ବର୍ଷିଲେ ସୁପ୍ରିମକୋର୍ଟ: କହିଲେ, ଯଦି ପଦକ୍ଷେପ ନିଆଯାଉଛି ତେବେ ପ୍ରଦୂଷଣ କମୁନି କାହିଁକି?
କନକ ବ୍ୟୁରୋ: ଦିଲ୍ଲୀରେ ବଢୁଥିବା ପ୍ରଦୂଷଣକୁ ନେଇ ପୁଣି ଚିନ୍ତା ପକଟ କଲେ ସୁପ୍ରିମକୋଟ । ନିର୍ଦ୍ଧେଶ ଦେବା ସତ୍ୱେ ମଧ୍ୟ ଫଳ ଶୂନ୍ୟ ବୋଲି କହି କେନ୍ଦ୍ର ଓ ରାଜ୍ୟ ସରକାରଙ୍କୁ ଭର୍ତ୍ସନା କରିଛନ୍ତି ସବୋର୍ଚ୍ଚ ନାୟାଳୟ । ପଞ୍ଜାବ, ହରିଆଣା, ଉତରପ୍ରଦେଶ ଓ ଦିଲ୍ଲୀ ସରକାରଙ୍କୁ ଏୟାର କ୍ୱାଲିଟି ମାନେଜମେଂଟ କମିସନଙ୍କ ନିର୍ଦ୍ଦେଶନାମାକୁ ପାଳନ କରିବାକୁ କହିଛନ୍ତି ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ରାଜ୍ୟ ସରକାର ମାନେ ପ୍ରଦୂଷଣ ନିୟନ୍ତ୍ରଣ କରିବା ଦିଗରେ କଣ ପଦେକ୍ଷପ ନେଇଛନ୍ତି ସେନେଇ ରିପୋର୍ଟ ଦାଖଲ କରିବାକୁ କହିଛନ୍ତି କୋର୍ଟ । ମୁଖ୍ୟ ବିଚାରପତି ଏନ.ଭି ରମଣାଙ୍କୁ ନେଇ ଗଠିତ ଖଣ୍ଡପିଠ ଏ ମାମଲାର ଶୁଣାଣି କରିଛନ୍ତି । କେନ୍ଦ୍ର ସରକାର ରାଜ୍ୟ ଗୁଡିକୁ ଭଲ ନିର୍ଦ୍ଦେଶ ଦେଉଛନ୍ତି କିନ୍ତୁ ଫଳାଫଳ ଆସିଲା ବେଳକୁ ଶୂନ ବୋଲି କହିଛନ୍ତି ମୁଖ୍ୟ ବିଚାରପତି ଏନ.ଭି ରମଣା ।
ସେହିପରି ଦିଲ୍ଲୀରେ କେଉଁ କେଉଁ ଜାଗାରେ କଣ ନିର୍ମାଣ କାମ ଚାଲିଛି ତାର ଏକ ବିବରଣୀ ଦେବାକୁ କେନ୍ଦ୍ର ସରାକାରଙ୍କୁ ନିର୍ଦ୍ଧେଶ ଦେଇଛନ୍ତି ସୁପ୍ରିମକୋର୍ଟ । ଅନ୍ୟପଟେ ଆଜିଠୁ ଦିଲ୍ଲୀରେ ଥିବା ସମସ୍ତ ସରକାରୀ ଶିକ୍ଷାନୁଷ୍ଠାନକୁ ଖୋଲି ଦିଆଯାଇଛି । ସ୍କୁଲ ପରିସରରେ ମାସ୍କ, ସାନିଟାଇଜର ସହିତ ସାମାଜିକ ଦୂରତା ମାନିବା ବାଧ୍ୟତାମୂଳକ କରାଯାଇଛି ।