କନକ ବ୍ୟୁରୋ : ଝାରଖଣ୍ଡ ଧାନବାଦଠାରେ ଜିଲ୍ଲା ଜଜ୍ ଉତ୍ତମ ଆନନ୍ଦଙ୍କ ମୃତ୍ୟୁ ମାମଲାର ସିବିଆଇ ଯାଂଚ ଦାବି କରିଛି ସୁପ୍ରିମକୋର୍ଟ ବାର ଆସୋସିଏସନ । ଆସୋସିଏସନର ପ୍ରମୁଖ ବିକାଶ ସିଂ କହିଛନ୍ତି କି ନ୍ୟାୟପାଳିକାର ସ୍ୱତନ୍ତ୍ର ଓ ନ୍ୟାୟିକ ଅଧିକାରୀମାନେ ସୁରକ୍ଷିତ ରହିବା ଆବଶ୍ୟକ । ଜଜ୍ ଉତ୍ତମ ଆନନ୍ଦଙ୍କ ଦୁର୍ଘଟଣା ଜନିତ ମୃତ୍ୟୁର ସିସିଟିଭି ଫୁଟେଜ ଦେଖିଲେ ତାହା ସ୍ପଷ୍ଟ ଯେ ତାଙ୍କୁ ସୁନିୟୋଜିତ ଭାବେ ହତ୍ୟା କରାଯାଇଛି । ଏଭଳି ଅଭିଯୋଗ ଆଣି ବିକାଶ ସିଂ ଏହି ମାମଲାର ସିବିଆଇ ଯାଂଚ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିକାଶ ସିଂ କହିଛନ୍ତି କି ଏହି ଦୁର୍ଘଟଣାର ସିସିଟିଭି ଫୁଟେଜ ଦେଖିଲେ ସ୍ପଷ୍ଟ ଦେଖାଯାଉଛି କି ସଡକ କଡରେ ଚାଲୁଥିବା ଜଜ୍ ଙ୍କୁ ଅଟୋ ଡ୍ରାଇଭର ଜାଣିଶୁଣି ଧକ୍କା ଦେଇଛି । ଜଷ୍ଟିସ୍ ଡି,ୱାଇ ଚନ୍ଦ୍ରଚୁଡ ଏହି ମାମଲାକୁ ସୁପ୍ରିମକୋର୍ଟର ମୁଖ୍ୟବିଚାରପତିଙ୍କ ନିକଟରେ ଉପସ୍ଥାପନ କରିବାକୁ ବିକାଶ ସିଂଙ୍କୁ ପରାମର୍ଶ ଦେବା ସହ ଏନେଇ ସେ ମୁଖ୍ୟ ବିଚାରପତିଙ୍କ ସହ ଆଲୋଚନା କରିବେ ବୋଲି କହିଛନ୍ତି ।
Senior lawyer & former Additional Solicitor General Vikas Singh mentions the alleged killing of a Dhanbad district judge before the Supreme Court
Singh, appearing for Supreme Court Bar Association asks the court to take suo motu cognisance of the incident pic.twitter.com/wWaw9Euhz6
— ANI (@ANI) July 29, 2021
ଅନ୍ୟପଟେ ଜଜ୍ ଉତ୍ତମ ଆନନ୍ଦଙ୍କୁ ଧକ୍କା ଦେଇଥିବା ଅଟୋ ଡ୍ରାଇଭର ଓ ତାର ଦୁଇଜଣ ସହଯୋଗୀଙ୍କୁ ଅଟୋ ସହ ଗିରିଡିହ ଠାରେ ଗିରଫ୍ କରାଯାଇଥିବା କୁହାଯାଇଛି ।
ସୂଚନା ଥାଉକି ବୁଧବାର ସକାଳେ ଉତ୍ତମ ଆନନ୍ଦ ପ୍ରାତଃ ଭ୍ରମଣରେ ଯାଇଥିବା ବେଳେ ତାଙ୍କୁ ଏକ ଅଟୋ ପଛରୁ ଧକ୍କା ଦେଇଥିଲା । ଏହାପରେ ସ୍ଥାନୀୟ ଲୋକମାନେ ତାଙ୍କୁ ଗୁରୁତର ଅବସ୍ଥାରେ ମେଡିକାଲ ନେଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଥିଲା । ଏହି ଘଟଣା ପରେ ସିସିଟିଭି ଫୁଟେଜ ଯାଂଚ ହୋଇଛି । ଏହି ଫୁଟେଜରୁ ତାଙ୍କୁ ଜାଣିଶୁଣା ଧକ୍କା ଦିଆଯାଇଥିବା ଅନୁମାନ କରାଯାଉଛି । ଜଜ୍ ଉତ୍ତମ ଆନନ୍ଦ କିଛି ଗ୍ୟାଙ୍ଗଷ୍ଟରଙ୍କ ଜାମିନ ଖାରଜ କରିଦେଇଥିବାରୁ ସେହିମାନେ ଯୋଜନା କରି ଜଜ୍ ଙ୍କୁ ହତ୍ୟା କରିଥିବା ଅନୁମାନ କରାଯାଉଛି ।