ପୁଣି ଅଶାନ୍ତ ସୁନ୍ଦରଗଡ । ସିଏଏ ସମର୍ଥକ ଓ ବିରୋଧୀ ଗୋଷ୍ଠୀ ମଧ୍ୟରେ ଉତେଜନା : ପୂର୍ବରୁ ରାଲି ବେଳେ ଦୁଇ ଗୋଷ୍ଠୀ ମଧ୍ୟରେ ହୋଇଥିଲା ଗଣ୍ଡଗୋଳ
କନକ ବ୍ୟୁରୋ : ସୁନ୍ଦରଗଡରେ ପୁଣି ଦେଖା ଦେଇଛି ବିବାଦ । ଗତ ସଂଧ୍ୟାରେ ସିଏଏ ପ୍ରସଙ୍ଗରେ ପୁଣି ଥରେ ମୁହାଁ ମୁହିଁ ହୋଇଛନ୍ତି ଦୁଇ ଗୋଷ୍ଠୀ । ଫଳରେ ସ୍ଥାନୀୟ ଅଂଚଳରେ ଉତେଜନା ଲାଗି ରହିଛି । ଖବର ପାଇ ଘଟଣା ସ୍ଥଳରେ ଏସପି ସୌମ୍ୟା ମିଶ୍ର ପହଂଚି ସ୍ଥିତିର ଅନୁଧ୍ୟାନ କରିଛନ୍ତି । ତଥାପି ଅଂଚଳରେ ଚାପା ଉତେଜନା ଲାଗି ରହିଛି । ପୂର୍ବରୁ ନାଗରିକ ସଂଶୋଧନ ଆଇନ୍କୁ ନେଇ ସୁନ୍ଦରଗଡରେ ସାମ୍ମାସାମ୍ନି ହୋଇଥିଲେ କଂଗ୍ରେସ କର୍ମୀ ଓ ସପକ୍ଷବାଦୀ ଗୋଷ୍ଠୀ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ପକ୍ଷରୁ କେନ୍ଦ୍ର ସରକାରଙ୍କ ଆଇନ ବିରୋଧରେ ରାଲି ଚାଲିଥିବା ବେଳେ ସମାନ ଭାବେ ସିଏଏ ସପକ୍ଷରେ ଅଭିଯାନ ଚାଲିଥିଲା । ଏଭଳି ସ୍ଥିତିରେ ଡିଆରଡିଏ ଛକରେ ସପକ୍ଷବାଦୀ ଓ ବିପକ୍ଷବାଦୀ ମୁହାଁମୁହିଁ ହୋଇଥିଲେ ଏବଂ ଗଣ୍ଡଗୋଳ ସ୍ଥିତି ଉପୁଜିଥିଲା । ଉତେଜନା ବଢିବା ସହ ରଣକ୍ଷେତ୍ର ପାଲଟିଯାଇଥିଲା ସ୍ଥାନୀୟ ଅଂଚଳ । ପରେ ପୋଲିସ ସ୍ଥିତି ନିୟନ୍ତ୍ରଣ କରିଥିଲା ।