ସ୍ୱଦେଶୀ ଜ୍ଞାନକୈାଶଳରେ କ୍ୱିକ୍ ରିଆକ୍ସନ୍ ସରଫେସ ଟୁ ଏୟାର ମିଜାଇଲର ସଫଳ ପରୀକ୍ଷଣ । ଅସ୍ତ୍ରଶସ୍ତ୍ର ବ୍ୟବସ୍ଥାକୁ ଠାବ କରିବା ସହିତ ଦ୍ରୁତଗାମୀ ଲକ୍ଷ୍ୟଭେଦ କରିବାକୁ ସକ୍ଷମ ଏହି ମିଜାଇଲ୍
କନକ ବ୍ୟୁରୋ : ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ ବା ଡିଆରଡିଓ ସ୍ୱଦେଶୀ ଜ୍ଞାନକୌଶଳରେ କ୍ୱିକ୍ ରିଆକ୍ସନ୍ ସରଫେସ ଟୁ ଏୟାର ମିଜାଇଲର ସଫଳ ପରୀକ୍ଷଣ ହୋଇଛି । ଡିଆରଡିଓ ଓ ଭାରତୀୟ ସେନା ପକ୍ଷରୁ ମିଳିତ ଭାବେ ଏହି ପରୀକ୍ଷଣ କରାଯାଇଛି । ଓଡ଼ିଶା ଉପକୂଳସ୍ଥିତ ଚାନ୍ଦିପୁରର ଇଂଟିଗ୍ରେଟେଡ ଟେଷ୍ଟ ରେଞ୍ଜରେ ଏହି ପରୀକ୍ଷଣ କରାଯାଇଛି । ଭାରତୀୟ ସେନା ଓ ଡିଆରଡିଓ ପାଇଁ ଏହା ଏକ ବଡ଼ ସଫଳତା । ଏହାର ସମସ୍ତ ସବ୍ ସିଷ୍ଟମ ଭାରତରେ ନିର୍ମାଣ କରାଯାଇଛି, ଯେଉଁଥିରେ ସ୍ୱଦେଶୀ ମିଜାଇଲ ଆରଏଫ୍ ସିକର, ମୋବାଇଲ ଲଂଚର, ସମ୍ପୂର୍ଣ୍ଣ ସ୍ୱୟଂଚାଳିତ କମାଣ୍ଡ ଓ କଂଟ୍ରୋଲ ସିଷ୍ଟମ, ସର୍ଭିଲାନ୍ସ ଉପକରଣ ଓ ବହୁମୁଖୀ ରାଡାର ସାମିଲ୍ ଅଛି ।
Kanak News is now on WhatsApp
Join and get latest news updates delivered to you via WhatsApp
ଏହି ମିଜାଇଲର ବିଶେଷତ୍ୱ ହେଉଛି ଏହା ଅସ୍ତ୍ରଶସ୍ତ୍ର ବ୍ୟବସ୍ଥାକୁ ଠାବ କରିବା ସହିତ ଦ୍ରୁତଗାମୀ ଲକ୍ଷ୍ୟଭେଦ ମଧ୍ୟ କରିପାରିବ । ଏହାକୁ କମ ଦୂରତାରେ ମଧ୍ୟ ନିକ୍ଷେପ କରାଯାଇପାରିବ । ଏହି ମିଜାଇଲ ପ୍ରକ୍ରିୟାରେ ସମସ୍ତ ପ୍ରକାର ସ୍ୱଦେଶୀ ଉପକରଣ ବ୍ୟବହୃତ ହୋଇଛି । ଏହି ସିଷ୍ଟମ ଏବେ ସେନା ବେଳାଭୂମିରେ ସାମିଲ୍ ହେବା ପାଇଁ ପ୍ରସ୍ତୁତ ଥିବା ସେନା ପକ୍ଷରୁ କୁହାଯାଇଛି । ଏହି ସଫଳ ପରୀକ୍ଷଣ ପାଇଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଡିଆରଡିଓ ଏବଂ ଭାରତୀୟ ସେନାକୁ ଅଭିନନ୍ଦନ ଜଣାଇଛନ୍ତି ।