କନକ ବ୍ୟୁରୋ : ସରିଲା ପ୍ରଚାର , ଆଗକୁ ଭୋଟ୍ । ଆଜି ଶେଷ ଦିନରେ କ୍ୟାମ୍ପସରେ ଜମିଛି ଭୋଜିଭାତ । ଆଶାୟୀ ପ୍ରାର୍ଥୀମାନେ ଛାତ୍ରଛାତ୍ରୀ ସୁଆଦିଆ ମଟନ୍ ବିରିୟାନୀ ଓ ଚିକେନ୍ ବାଂଟିଛନ୍ତି । ଏବଂ ତା ବଦଳରେ ଭୋଟ ଦେବାକୁ ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉତ୍କଳ ବିଶ୍ୱବଦ୍ୟାଳୟ, ବିଜେବି ବିଶ୍ୱବିଦ୍ୟାଳୟରେ ନିର୍ବାଚନ ବାତିଲ ହୋଇଯାଇଥିବାରୁ ସମସ୍ତଙ୍କ ଆଖି ଏବେ ରାଜଧାନୀର ରମାଦେବୀ ମହିଳା ବିଶ୍ୱବିଦ୍ୟାଳୟ ଉପରେ । ଏଥିପାଇଁ ତିନି ପ୍ରମୁଖ ରାଜନୈତିକ ଦଳ ନିଜର ପତିଆରା ଜାହିର କରିବାକୁ ଏଠାରେ ସବୁଯାକ ଦମ ଲଗାଇ ଦେଇଛନ୍ତି । ଲଗାତାର ଭାବେ କଲେଜ କ୍ୟାମ୍ପସରେ ଆୟୋଜନ ହୋଇଛି ଭୋଜିଭାତର ଆସର ।
କ୍ୟାମ୍ପେନିଂ ଶେଷ ହୋଇଥିବା ବେଳେ ଆସନ୍ତାକାଲି ହ୍ୱାଇ ଆଇ ଷ୍ଟାଣ୍ଡ ଫର ମିଟିଂ ଏବଂ ୨୩ ତାରିଖରେ ହେବ ନିର୍ବାଚନ । ଲିଙ୍ଗଡୋ କମିଶନଙ୍କ ନିୟମ ଅନୁଯାୟୀ କୌଣସି ପ୍ରାର୍ଥୀ ୫ହଜାରରୁ ଅଧିକ ଟଙ୍କା ଖର୍ଚ୍ଚ କରିପାରିବେ ନାହିଁ, କିନ୍ତୁ ଏହି ନିୟମକୁ ଖୋଲା ଉଲଂଘନ କରୁଛନ୍ତି ପ୍ରାର୍ଥୀମାନେ ।