ବଲାଙ୍ଗୀର ବିଲେଇସର୍ଡା ଗ୍ରାମପଞ୍ଚାୟତରେ ସରପଞ୍ଚ ପଦ ନିଲାମୀ ପ୍ରସଙ୍ଗ । ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଲେ ରାଜ୍ୟ ନିର୍ବାଚନ କମିଶନର ।
କନକ ବ୍ୟୁରୋ: ବଲାଙ୍ଗୀର ଜିଲ୍ଲା ବିଲେଇସର୍ଡା ଗ୍ରାମ ପଞ୍ଚାୟତରେ ସରପଞ୍ଚ ପଦବୀ ନିଲାମ ଘଟଣାରେ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ନିର୍ବାଚନ କମିଶନର । ସରପଞ୍ଚ ପଦ ପାଇଁ ଇଚ୍ଛା ରଖିଥିବା କୌଣସି ବ୍ୟକ୍ତି ଯେପରି ବିନା କୌଣସି ଅସୁବିଧାରେ ନିର୍ବାଚନରେ ଭାଗ ନେଇପାରିବେ ସେନେଇ ବ୍ୟବସ୍ଥା କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି । ଖାଲି ସେତିକି ନୁହେଁ, କୌଣସି ଆଶାୟୀ ଯେମିତି ନୋମିନେସନ ଭରିବାରେ ଅସୁବିଧା ଅନୁଭବ ନକରନ୍ତି ସେ ନେଇ ଦେଖିବାକୁ ରାଜ୍ୟ ନିର୍ବାଚନ କମିଶନର ବଲାଙ୍ଗୀର ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗୀର ସରପଞ୍ଚ ପଦ ନିଲାମୀ ପ୍ରସଙ୍ଗ
ବଲାଙ୍ଗୀର ଜିଲ୍ଲାପାଳଙ୍କୁ ରାଜ୍ୟ ନିର୍ବାଚନ କମିଶନରଙ୍କ ନିର୍ଦ୍ଦେଶ
‘ଇଚ୍ଛୁକ ବ୍ୟକ୍ତିଙ୍କ ନାମାଙ୍କନରେ ଯେମିତି ସମସ୍ୟା ନଉପୁଜେ’
ବିଲେଇସର୍ଡା ପଞ୍ଚାୟତ ପାଇଁ ଯିଏ ଚାହିଁଲେ ନାମାଙ୍କନ ଦାଖଲ କରିପାରିବେ
ସରପଞ୍ଚ ପଦ ୪୪ ଲକ୍ଷ ଟଙ୍କାରେ ନିଲାମ ନେଇ ହୋଇଥିଲା ଅଭିଯୋଗ @ECISVEEP #KanakNews pic.twitter.com/NpmXlyCicj— Kanak News (@kanak_news) January 20, 2022
ତେବେ ବଲାଙ୍ଗୀର ଜିଲ୍ଲା ବିଲେଇସର୍ଡା ଗ୍ରାମ ପଞ୍ଚାୟତରେ ଏଥର ସରପଞ୍ଚ ପଦବୀ ୪୪ ଲକ୍ଷ ଟଙ୍କାରେ ନିଲାମ ହୋଇଥିବା ଖବର ସାମ୍ନାକୁ ଆସିଥିଲା । ଗ୍ରାମର କିଛି ମୁରବୀ ଶ୍ରେଣୀର ଲୋକ ଇଛୁକ ପ୍ରାର୍ଥୀମାନଙ୍କ ସହ ବୈଠକ କରି ଇଲେକ୍ସନ ବଦଳରେ ସିଲେକ୍ସନ କରିଥିବା ଜଣାପଡିଥିଲା । ଏହି ଖବରକୁ ନେଇ ରାଜ୍ୟରେ ଚର୍ଚ୍ଚା ସୃଷ୍ଟି ହେବା ପରେ ଏବେ ଏହାକୁ ନେଇ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ନିର୍ବାଚନ କମିଶନର ।