ରାବଣର ପୁଷ୍ପକ ବିମାନ ଉପରେ ଆରମ୍ଭ ହେବ ଗବେଷଣା, ସହାୟତା ପାଇଁ ଭାରତକୁ ଅନୁରୋଧ
କନକ ବ୍ୟୁରୋ : ରାବଣର ପୁଷ୍ପକ ବିମାନ ଉପରେ ପୁଣି ଗବେଷଣା ଆରମ୍ଭ କରିବେ ଶ୍ରୀଲଙ୍କା ସରାକର । କୋଭିଡ-୧୯ କଟକଣା ଯୋଗୁଁ ସ୍ଥଗିତ ରହିଥିବା ଏହି ଗବେଷଣା ପୁଣିଥରେ ଆରମ୍ଭ ହେବାକୁ ଯାଉଥିବା ଶ୍ରୀଲଙ୍କା ସରକର ସୂଚନା ଦେଇଛନ୍ତି । ରାଜା ରାବଣ କେବଳ ଜଣେ କାଳ୍ପନିକ କାହାଣୀ ପୁରାଣର ଚରିତ୍ର ନଥିଲେ, ସେ ଜଣେ ସୁଦକ୍ଷ ବିମାନ ଚାଳକ ଥିବା ନେଇ ଦାବି ଉଠିବା ପରେ ଶ୍ରୀଲଙ୍କା ସରକାର ରାବଣରୁ ପୁଷ୍ପକ ବିମାନ ଉପରେ ଗବେଷଣା କରିବାକୁ ସ୍ଥିର କରିଥିଲେ । ଏନେଇ ଶ୍ରୀଲଙ୍କା ସରକାର ୨୦୧୯ ମସିହାରେ ୫୦ ଲକ୍ଷ ଟଙ୍କା ବି ମଞ୍ଜୁର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାବଣର ଏହି ପୁଷ୍ପକ ବିମାନ ପ୍ରସଙ୍ଗ ‘ରାମାୟଣ କାବ୍ୟ’ ସଂ ସଂଶ୍ଳିଷ୍ଟ ଥିବାରୁ ଏହି ଗବେଷଣାରେ ଭାରତ ବି ଯୋଗଦେଉ ବୋଲି ଶ୍ରୀଲଙ୍କା କହିଛି । ଐତିହାସକମାନଙ୍କ ସହ ଶ୍ରୀଲଙ୍କାର ଅନେକ ଲୋକ ବିଶ୍ୱାସ କରନ୍ତି ଯେ ରାବଣ କେବଳ ଜଣେ ପୌରାଣିକ ପାତ୍ର ନୁହଁନ୍ତି, ସେ ଜଣେ ପଣ୍ଡିତ ଓ ଲଙ୍କାକୁ ଶାସନ କରୁଥିବା ଜଣେ ମହାନ ବ୍ୟକ୍ତି ।
ଏନେଇ ଶ୍ରୀଲଙ୍କାର ଲୋକ ଓ ଐତିହାସିକମାନେ ବାରମ୍ବାର ଦାବି କରିବା ପରେ ଶ୍ରୀଲଙ୍କା ସରକାର ଏହା ଉପରେ ଗବେଷଣା କରିବା ଆରମ୍ଭ କରିଦେଇଥିଲେ । ହେଲେ କୋଭଡ କଟକଣା ଯୋଗୁଁ ଉକ୍ତ ଗବେଷଣାକୁ ସ୍ଥଗିତ ରଖାଯାଇଥିଲା । ଏବେ କ୍ରମଶଃ ସ୍ଥିତି ସ୍ୱଭାବିକ ହେଉଥିବାରୁ ପୁଣି ଗବେଷଣା ଆରମ୍ଭ କରିବାକୁ ଶ୍ରୀଲଙ୍କା ସରକାର ସ୍ଥିର କରିଛନ୍ତି ଓ ୨୦୨୨ ପ୍ରାରମ୍ଭରେ ଏହା ଉପରେ ଅଧ୍ୟୟନ ଆରମ୍ଭ ହେବ ବୋଲି ଆଶା କରାଯାଉଛି ।
‘ଶ୍ରୀଲଙ୍କୀୟ ବିମାନ ଚଳାଚଳ କର୍ତ୍ତୃପକ୍ଷ’ର ପୂର୍ବତନ ଉପାଧ୍ୟକ୍ଷ ଶଶୀ ଦନତୁଙ୍ଗେ କହିଛନ୍ତି ଯେ, ଏହି ଗବେଷଣା ନିମନ୍ତେ ରାଜପକ୍ଷେ ନେତୃତ୍ବାଧୀନ ଶ୍ରୀଲଙ୍କୀୟ ସରକାର ବିଶେଷ ଆଗ୍ରହ ଦେଖାଇଛନ୍ତି। ଆଗାମୀ ବର୍ଷ ପ୍ରାରମ୍ଭରେ ଏହି ଅଧ୍ୟୟନ ଆରମ୍ଭ ହେବ ବୋଲି ସେ କହିଛନ୍ତି।