ଭାରତରୁ ଭ୍ୟାକସିନ୍ କିଣିବ ଶ୍ରୀଲଙ୍କା । କରୋନା ଟିକାର ୩ ମିଲିୟନ୍ ଡୋଜ୍ କିଣିବ ଶ୍ରୀଲଙ୍କା ।

163

କନକ ବ୍ୟୁରୋ : ଭାରତରୁ କରୋନା ଟିକାର ୨-୩ ମିଲିୟନ ଡୋଜ କିଣିବ ଶ୍ରୀଲଙ୍କା । ସେରମ ଇନଷ୍ଟିଚ୍ୟୁଟ ତିଆରି କରୁଥିବା କରୋନା ଟିକା କୋଭିସିଲ୍ଡକୁ ଆଗାମୀ ୨ଦିନ ମଧ୍ୟରେ ଶ୍ରୀଲଙ୍କା କିଣିବ ବୋଲି ଜଣାପଡ଼ିଛି । ଆସନ୍ତାକାଲି ଭାରତର କୋଭିସିଲ୍ଡ ଟିକା ଶ୍ରୀଲଙ୍କାରେ ପହଞ୍ଚିବ ଏବଂ କଲମ୍ବୋ ଅନ୍ତର୍ଜାତୀୟ ବିମାନବନ୍ଦରରେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ ଏହାକୁ ଗ୍ରହଣ କରିବେ । ମୋଟ ୨୫୦,୦୦୦ ଲୋକ, ମୁଖ୍ୟତଃ ସ୍ୱାସ୍ଥ୍ୟକର୍ମୀ, ପୁଲିସ କର୍ମୀ ଏବଂ ଗୁରୁତର ରୋଗରେ ପୀଡ଼ିତ ଥିବା ବୃଦ୍ଧଙ୍କୁ ଏହି ଟିକା ଦିଆଯିବ ।

ଭ‌ାରତ ସମେତ ଚୀନରୁ ୩,୦୦,୦୦୦ ମାଗଣା ଟିକା ଆସିବା ସହ ଟିକା ପାଇଁ ଶ୍ରୀଲଙ୍କା ସରକାର ଋଷକୁ ମଧ୍ୟ ଅନୁରୋଧ କରିବେ ବୋଲି ଜଣାପଡ଼ିଛି । ତେବେ ଜାନୁଆରି ୨୬ପର୍ଯ୍ୟନ୍ତ ଶ୍ରୀଲଙ୍କାରେ ପାଖାପାଖି ୬୦,୦୦୦ଜଣ କରୋନା ଆକ୍ରାନ୍ତ ହୋଇଥିବା ବେଳେ ୨୮୮ଜଣଙ୍କର ମୃତ୍ୟୁ ଘଟିଛି ।

ଭାରତ ଶ୍ରୀଲଙ୍କା ସମେତ ଭୁଟାନ, ମାଲଦ୍ୱୀପ, ନେପାଳ, ବାଂଲାଦେଶ, ମିଆଁମାର, ମରିସସ୍କୁ କରୋନା ଟିକା ପଠାଇ ସାରିଥିବା ଜଣାପଡ଼ିଛି । ଭାରତରେ ଦୁଇଟି କରୋନା ଟିକା କୋଭିସିଲ୍ଡ ଏବଂ କୋଭାକ୍ସିନକୁ ଜରୁରୀକାଳିନ ବ୍ୟବହାର ପାଇଁ ଅନୁମତି ମିଳିବା ପରେ ଏବେ ବିଶ୍ୱରେ ଏନେଇ ଚର୍ଚ୍ଚା ଆରମ୍ଭ ହୋଇଛି ।

Comments are closed.