ଶ୍ରୀଲଙ୍କାକୁ ବିଶ୍ୱ ବ୍ୟାଙ୍କର ୧୬ କୋଟି ଡଲାର ସହାୟତା । ତେଲ କିଣିବାରେ ଖର୍ଚ୍ଚ ହେବନାହିଁ ସମସ୍ତ ଟଙ୍କା : ୱକ୍ରିମସିଂଘେ
କନକ ବ୍ୟୁରୋ : ସୁଧୁରିପାରୁନାହିଁ ଶ୍ରୀଲଙ୍କାର ଆର୍ଥିକ ସ୍ଥିତି । ଘୋର ସଙ୍କଟ ଦେଇ ଗତି କରୁଥିବା ଦେଶକୁ ବିଶ୍ୱ ବ୍ୟାଙ୍କ ୧୬ କୋଟି ଡଲାର ପ୍ରଦାନ କରିଛି । ପ୍ରଧାନମନ୍ତ୍ରୀ ରାନିଲ ୱକ୍ରିମସିଂଘେ କହିଛନ୍ତି ଏହି ଟଙ୍କାରେ ଦେଶରେ ଯେଉଁ ପରିସ୍ଥିତି ସୃଷ୍ଟି ହୋଇଛି ସେଥିରେ ଇନ୍ଧନ, ଗ୍ୟାସ କିଣିବା ପାଇଁ କିଛି ଟଙ୍କା ଖର୍ଚ୍ଚ କରାଯିବ । ବୁଧବାର ସଂସଦରେ ପ୍ରଧାନମନ୍ତ୍ରୀ କହିଛନ୍ତି ବିଶ୍ୱ ବ୍ୟାଙ୍କର ଏହି ଟଙ୍କାର କିଛି ଅଂଶ ଆମେ ସମସ୍ୟାର ସମାଧାନ ପାଇଁ ଖର୍ଚ୍ଚ ପାଇଁ ଚିନ୍ତା କରୁଛୁ ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଯେଉଁ ବିରୋଧ ପ୍ରଦର୍ଶନ ଚାଲିଛି ଏହାକୁ ଦେଖି କେଉଁଭଳି ଆଉ କେତେ ପରିମାଣର ଟଙ୍କା ଖର୍ଚ୍ଚ ହେବ ସେ ନେଇ ଚିନ୍ତା କରାଯାଉଛି । ସୋମବାର ଜଣାପଡିଥିଲା ଯେ ଦେଶରେ କେବଳ ଗୋଟିଏ ଦିନ ପାଇଁ ପଟ୍ରୋଲ ରହିଛି । ପ୍ରଧାନମନ୍ତ୍ରୀ ରାନିଲ ୱକ୍ରିମସିଂଘେ ପ୍ରଥମରୁ କହିଛନ୍ତି ତାଙ୍କର ପ୍ରଥମ ଲକ୍ଷ୍ୟ ଦେଶକୁ ବଞ୍ଚାଇବା । କୌଣସି ବ୍ୟକ୍ତି କିମ୍ବା ପରିବାରକୁ ବଞ୍ଚାଇବା ମୋର ଦାୟିତ୍ୱ ନୁହେଁ ।
ବିଶ୍ୱ ବ୍ୟାଙ୍କରୁ ମିଳିଥିବା ଟଙ୍କାର କଣ ହେବ?
ୱକ୍ରିମସିଂଘେ କହିଛନ୍ତି, ବିଶ୍ୱବ୍ୟାଙ୍କରୁ ୧୬ କୋଟି ଡଲାର ସହାୟତା ମିଳିଛି । ଏସିଆ ବିକାଶ ବ୍ୟାଙ୍କରୁ ମଧ୍ୟ ସହାୟତା ମିଳିବାର ଆଶା ରହିଛି । ସେ କହିଛନ୍ତି ବିଶ୍ୱବ୍ୟାଙ୍କରୁ ମିଳୁଥିବା ଟଙ୍କା ଇନ୍ଧନ କିଣିବାରେ ବ୍ୟବହାର କରାଯାଇପାରିବ ନାହିଁ । ୱକ୍ରିମସିଂଘେ ଆହୁରି ମଧ୍ୟ କହିଛନ୍ତି ଆମେ ଚିନ୍ତା କରିଛୁ ଏହି ଟଙ୍କାର କିଛି ଅଂଶ ଆମେ ଇନ୍ଧନ କିଣିବାରେ ଆମେ ଖର୍ଚ୍ଚ କରିପାରିବୁ କି ।
ସୋମବାର ଦେଶକୁ ସମ୍ବୋଧନ ବେଳେ ୱକ୍ରିମସିଂଘେ କହିଥିଲେ ଭାରତ ପାଖରୁ ମିଳିଥିବା ପେଟ୍ରୋଲ ଚଳିତ ସପ୍ତାହରେ କିମ୍ବା ୨୯ ମେ ସୁଦ୍ଧା ଆସିବ । ଇନ୍ଧନ ଏବଂ ଗ୍ୟାସର ଅଭାବ କାରଣରୁ ଦେଶରେ ବିରୋଧ ପ୍ରଦର୍ଶନ ଜାରି ରହିଛି । ବୁଧବାର ଏହାକୁ ନେଇ ରାସ୍ତାରୋକ ମଧ୍ୟ ଦେଖିବାକୁ ମିଳିଥିଲା । ସେ ଦେଶବାସୀଙ୍କୁ କହିଛନ୍ତି ଆଗାମୀ କିଛି ଦିନ ଆମମାନଙ୍କ ପାଇଁ କଷ୍ଟ ସମୟ । ମୁଁ କୌଣସି କଥା ଜନତାଙ୍କ ଠାରୁ ଲଚାଇବାକୁ ଚାହୁଁ ନାହିଁ , ତାଙ୍କୁ ମିଛ କହିବା ବି ମୋର ଉଦ୍ଦେଶ୍ୟ ନୁହଁ ।
ଶ୍ରୀଲଙ୍କାରେ ଘୋର ଆର୍ଥିକ ସଙ୍କଟ
ଶ୍ରୀଲଙ୍କା ସରକାରକୁ ଖର୍ଚ୍ଚ ଚଳାଇବା ପାଇଁ ୨.୪ ଟ୍ରିଲିୟନ ଶ୍ରୀଲଙ୍କା ମୁଦ୍ରାର ଆବଶକତା ରହିଛି । ସେପଟେ କିନ୍ତୁ ଶ୍ରୀଲଙ୍କାକୁ ମାତ୍ର ୧.୬ ଟ୍ରିଲିୟନ ରାଜସ୍ୱ ମିଳିଥାଏ । ଦେଶରେ ସଙ୍କଟ ଦେଖାଦେବା ପରେ ସରକାର ପ୍ରଥମ ଥର ଏହି ସତକୁ ସ୍ୱୀକାର କରିଛନ୍ତି । କେବଳ ଏତିକି ନୁହେଁ ଦେଶର ବିଦେଶୀ ମୁଦ୍ରା ଭଣ୍ଡାର ଶେଷ ହେବାର ସତ ମଧ୍ୟ ସରକାର ସ୍ୱୀକାର କରିଛନ୍ତି । ଏହି କାରଣରୁ ତେଲ ଏବଂ ଅନ୍ୟ ଜରୁରୀ ଜିନିଷ କିଣିବାରେ ଅସୁବିଧା ହେଉଛି ।