କଳାଧନ ମହଜୁଦକାରୀଙ୍କ ପାଇଁ ହେଲା କାଳ : କୋଲକୋତା ଗଲ୍ଫ କ୍ଲବ ପାଖରୁ ମିଳିଲା ବ୍ୟାଗ ଭର୍ତି ୫୦୦ ଓ ହଜାର ଟଙ୍କିଆ ନୋଟ
କୋଲକୋତା : କୋଲକୋତାର ଗଲ୍ଫ କ୍ଲବ୍ ଅଂଚଳରୁ ଏକ ବ୍ୟାଗ ଭର୍ତି ପୁରୁଣା ୫୦୦ ଓ ୧୦୦୦ଟଙ୍କିଆ ନୋଟ୍ ଉଦ୍ଧାର କରାଯାଇଛି । ନୋଟ୍ ଗୁଡିକୁ ଖଣ୍ଡ ଖଣ୍ଡ କରି କେହି ବ୍ୟାଗରେ ଭର୍ତି କରି ଫୋପାଡି ଥିବାର ଦେଖାଯାଇଛି । ଗଲ୍ଫ କ୍ଲବର ଜଙ୍ଗଲିଆ ଅଂଚଳ ଭିତରେ ଏହି ବ୍ୟାଗ ପଡିଥିବାର ଲୋକମାନେ ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବାପରେ ପୋଲିସ ପହଁଚି ବ୍ୟାଗକୁ ଜବତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଅଧିକ ତଦନ୍ତ ଚଳାଇଛି ପଶ୍ଚିମବଙ୍ଗ ପୋଲିସ । କଳାଧନ ଉପରେ ରୋକ ଲଗାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୁଣା ୫୦୦ ଓ ୧୦୦୦ଟଙ୍କିଆ ନୋଟକୁ ଅଚଳ ଘୋଷଣା କରିବା ପରେ ପ୍ରତ୍ୟକ ଦିନ ଏଭଳି ଘଟଣା ଦେଖିବାକୁ ମିଳୁଛି ।
ଦୁଇ ଦିନ ତଳେ ୟୁପିର ବରେଲୀରେ ଦୁଇ ବସ୍ତା ନୋଟ୍ ପୋଡି ଦିଆଯିବା ଅବସ୍ଥାରେ ଜବତ କରିଥିଲା ପୋଲିସ । ସେହିପରି ଗତକାଲି ଗଙ୍ଗା ନଦୀରେ ଟଙ୍କା ଭାସୁଥିବାର ଦେଖିବାକୁ ମିଳିଥିଲା ।
ଏହାସହ ଦେଖନ୍ତୁ –ଆତଙ୍କିତ କଳାଟଙ୍କା ମହଜୁଦକାରୀ : ପୋଡିଲେ ବସ୍ତା ବସ୍ତା ଟଙ୍କାର ନୋଟ