ମୋଦିଙ୍କ ମିଶନ କାଶ୍ମୀର ପରେ ମିଶନ ‘ରାମ ମନ୍ଦିର’କୁ ନେଇ ଚର୍ଚ୍ଚା ? ସୋସିଆଲ ମିଡିଆରେ ମୋଦି ସରକାରଙ୍କୁ ସୋମବାର ସହ ଯୋଡିଲେ ୟୁଜର୍ସ
କନକ ବ୍ୟୁରୋ: ସରକାରର ୨ୟ ପାଳିରେ ମାଷ୍ଟରଷ୍ଟ୍ରୋକ ମାରିଲେ ମୋଦି । ଦୀର୍ଘ ୭୦ ବର୍ଷ ଧରି କାଶ୍ମୀର ଯେଉଁ ସ୍ୱପ୍ନ ଦେଖୁଥିଲା ଆଜି ତାହା ସାକାର କରିଛନ୍ତି ମୋଦି ସରକାର । କାଶ୍ମୀରରୁ ୩୭୦ ଧାରାକୁ ଉଚ୍ଛେଦ କରିଛନ୍ତି କେନ୍ଦ୍ର ସରକାର । ତେବେ ୨ ପାଳିରେ ଆସିବା ପରେ ମୋଦି ସରକାର ଅଧିକ ସକ୍ରିୟ ହୋଇଛନ୍ତି । ପଡି ରହିଥିବା ବଡ ବଡ ବିବାଦର ସମାଧାନ କରିବା ସହ ଦେଶ ପାଇଁ ବଡ ନିଷ୍ପତ୍ତି ନେଇଛନ୍ତି ମୋଦି ସରକାର । କାଶ୍ମୀର ପ୍ରସଙ୍ଗରେ ଆଜି ଐତିହାସିକ ନିଷ୍ପତ୍ତି ନେବା ପରେ ସାରା ଦେଶରେ ଶୁଭିଛି ମୋଦିଙ୍କ ଜୟ ଜୟକାର ।
Kanak News is now on WhatsApp
Join and get latest news updates delivered to you via WhatsApp
ତେବେ ମୋଦିଙ୍କ ମିଶନ କାଶ୍ମୀର ସଫଳ ହେବା ପରେ ବାକି ରହିଥିବା ବିବାଦ ଖୁବ ଶୀଘ୍ର ସମାଧାନ ହେବ ବୋଲି ଚର୍ଚ୍ଚା ହେଉଛି । ମୋଦି ଗୋଟିଏ ପରେ ଗୋଟିଏ ବିବାଦକୁ ସମାଧାନ କରିବାରେ ସଫଳ ହେଉଥିବାରୁ ଖୁବ ଶୀଘ୍ର ରାମ ମନ୍ଦିର ବିବାଦ ସମାଧାନ ହେବ ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି । ଦୀର୍ଘ ଦଶନ୍ଧି ଧରି ରାମ ଜନ୍ମଭୂମିକୁ ନେଇ ବିବାଦ ଲାଗି ରହିଥିବା ବେଳେ ଆଗାମୀ ଦିନରେ ଏହା ସମାଧାନ ହେବ ବୋଲି ଚର୍ଚ୍ଚା ହେଉଛି ।
ତେବେ ସୋସିଆଲ ମିଡିଆରେ ରାମ ମନ୍ଦିର ବିବାଦ ସାମାଧାନ ମୋଦିଙ୍କ ପରବର୍ତ୍ତୀ ପଦକ୍ଷେପ ବୋଲି ୟୁଜର୍ସ ନିଜ ନିଜ ଆକାଉଣ୍ଟରେ ପୋଷ୍ଟ କରିଛନ୍ତି । ସବୁଠାରୁ ବଡ କଥା ହେଉଛି ମୋଦିଙ୍କ ମହାନିଷ୍ପତ୍ତିକୁ ମହାଦେବଙ୍କ ବାର ସହ ତୁଳନା କରା ଯାଇଛି ।
ମୋଦି ପ୍ରତି ସୋମବାର କିଛି ନା କିଛି ବଡ ନିଷ୍ପତ୍ତି ନେଉଛନ୍ତି । ଶ୍ରାବଣ ମାସର ଗୋଟିଏ ସୋମବାରରେ ମୋଦି ତିନି ତଲାକ ବିଲ୍ ପାସ୍ କଲେ । ୨ୟ ସୋମବାରରେ କାଶ୍ମୀରରୁ ଧାରା ୩୭୦ ହଟାଇଲେ । ଆଉ ପରବର୍ତ୍ତୀ ସୋମବାରରେ ମୋଦି ସରକାର ରାମ ମନ୍ଦିର ଉପରେ ବଡ ନିଷ୍ପତ୍ତି ନେଇପାରନ୍ତି ବୋଲି ଚର୍ଚ୍ଚା ହେଉଛି ।
