‘ଆଜି ହେବ ନାହିଁ ରାତି’ ! ଜାଣନ୍ତୁ ସୋସିଆଲ୍ ମିଡିଆରେ ଦ୍ରୁତ ଗତିରେ ଭାଇରାଲ୍ ହୋଇଥିବା ଏହି ଖବରଟିର ସତ୍ୟତା
ଅଗଷ୍ଟ ୧୨ ତଥା ଆଜି ହେବ ନାହିଁ ରାତି । ଏଭଳି ଚାଂଚଲ୍ୟକର ଖବର ଏବେ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ଖବର ଆସିଛି କି, ଆଜି ତଥା ୧୨ ଅଗଷ୍ଟରେ ରାତି ହେବ ନାହିଁ ଏବଂ ୨୪ ଘଂଟା ପୃଥିବୀ ଆଲୋକମୟ ଦେଖାଯିବ । ଅର୍ଥାତ୍ ଆଜି ରାତ୍ରି ସମୟରେ ବି ପୃଥିବୀ ଦିନ ଭଳି ଉଜ୍ଜଳ ଦେଖାଯିବ । ଏଥିସହିତ ଏହା ମଧ୍ୟ ଖବର ଭାଇରାଲ୍ ହେବାରେ ଲାଗିିଛି କି, ୯୬ ବର୍ଷର ଇତିହାସରେ ଏଭଳି ଚମତ୍କାର ପ୍ରଥମ ଥର ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବାରଣାସୀ, ଗୋରଖପୁର, ଆହ୍ଲାବାଦ ଏବଂ କାନପୁର ଭଳି ସହରମାନଙ୍କରେ ପ୍ରକାଶ ପାଇଥିବା ଖବରକାଗଜମାନଙ୍କର ପ୍ରଥମ ପୃଷ୍ଠାରେ ବଡ ବଡ ଅକ୍ଷରରେ ଲେଖା ଯାଇଛି ୯୬ ବର୍ଷରେ ପ୍ରଥମ ଥର ୧୨ ଅଗଷ୍ଟ ତଥା ଆଜି ରାତି ହେବ ନାହିଁ ବୋଲି । ଏଥିରରେ ପୁଣି ମଧ୍ୟ କୁହାଯାଇଛି କି, ବିଶ୍ୱର ସବୁଠାରୁ ବଡ ବୈଜ୍ଞାନିକ ଅନୁଷ୍ଠାନ ନାସା ଏହା ସୂଚିତ କରିଛି ଯେ, ଏଭଳି ଚମତ୍କାର ଦୁନିଆରେ ପ୍ରଥମ ଥର ପାଇଁ ହେବାକୁ ଯାଉଛି ବୋଲି । ସେହିପରି ଅନ୍ୟ ଏକ ଖବର ଲୋକଙ୍କୁ ଚକିତ କରିଦେବା ଭଳି ରହିଛି । ସେଥିରେ କୁହାଯାଇଛି କି, ଏହା ଅତ୍ୟନ୍ତ ଭୟାଙ୍କର ହୋଇପାରେ ବୋଲି ।
ଜାତୀୟ ଗଣମାଧ୍ୟମ ଏବିପି ନ୍ୟୁଜ୍ ଏହାର ଗବେଷଣା କରିଥିଲା ଏବଂ ଏସଂପର୍କରେ ଅନ୍ତରୀକ୍ଷ ବୈଜ୍ଞାନିକ ସିବି ଦେବଗଣଙ୍କ ସହ ଆଲୋଚନା ମଧ୍ୟ କରିଥିଲା । ତେବେ ସିବି ଦେବଗଣଙ୍କ ସୂଚନା ଅନୁସାରେ, ଅଗଷ୍ଟ ୧୨ ତାରିଖରେ ବା ଆଜି ଦିନରେ ଉଲକାପାତ ହେବ । ଯାହାକୁ ସାଧାରଣତଃ ଉଲକାପିଣ୍ଡ ବୋଲି କହିଥାଉଁ ଆଉ ନାସା ସୂଚିତ କରିଛି କି ୧୨ ତାରଖ ଦିନ ଏତିକି ସମୟରୁ ଏତିକି ସମୟ ମଧ୍ୟରେ ଏହି ଉଲକାପାତ ହେବ ବୋଲି ।
ବୈଜ୍ଞାନିକଙ୍କ ମତରେ, ଏହି ଉଲକାପାତ କାଳରେ ୧ ଘଂଟା ମଧ୍ୟରେ ପାଖାପାଖି ୭୦ ରୁ ୮୦ ପାର୍ଟିକିଲ୍ ବା କଣିିକାମାନ ଖସୁଥିବାର ଦେଖିବାକୁ ମିଳିପାରେ । ଯାହାଦ୍ୱାରା ପୃଥିବୀ ଆଲୋକମୟ ଦେଖାଯିବ । ଯେଉଁ ସମୟରେ ଉଲକାପାତ ହେବ ସେହି ସମୟରେ ଭାରତରେ ରାତି ହେବ ନାହିଁ ଯାହା ପାଖାପାଖି ୧୦.୩୦ ସମୟ ହୋଇଥିବ । ତେବେ ଏହି ଉଲକାପାତ ଭାରତଠାରୁ ଏତେ ଦୂରରେ ରହିବକି ଆମେ ତାକୁ ଦେଖିପାରିବା ନାହିଁ । ପଶ୍ଚିମ ଦେଶମାନଙ୍କରେ ଏହି ଉଲକାପାତ ସଂପୂର୍ଣ୍ଣ ସ୍ପଷ୍ଟ ଭାବେ ନଜର ଆସିବ । ମାତ୍ର ଏହା କୌଣସି ଦେଶରେ କେତେ ଦେଖାଯିବା କିମ୍ବା ନ ଦେଖାଯିବା ତାହା ପୃଥିବୀର ସ୍ଥିତି ଉପରେ ନିର୍ଭର କରିଥାଏ ।
ସମସ୍ତ ଖବର ମିଥ୍ୟା
• ଉଲକାପାତ ଭାରତଠାରୁ ବହୁତ ଦୂରରେ ଘଟିବା କାରଣରୁ ଏହା ନଜର ଆସିବ ନାହିଁ । ଏଥିପାଇଁ ଭାରତରେ ରାତି ରେ ବି ଦିନ ଭଳି ଉଜ୍ୱଳ ଦେଖାଯିବାର କଥା ପୁରାପୁରି ମିଛ ଅଟେ ।
• ଉଲକାପାତ ପାଖାପାଖି ପ୍ରତି ମାସରେ ହୋଇଥାଏ କିନ୍ତୁ କେତେବେଳେ ଏହା ଦେଖାଯାଇଥାଏ ତ ପୁଣି କେତେବେଳେ ଦେଖାଯାଇନଥାଏ । ତେଣୁ ୯୬ ବର୍ଷରେ ପ୍ରଥମ ଥର ପାଇଁ ଏଭଳି ଘଙ୍କିଣା ଘଟିବା ଖବରଟି ସଂପୂର୍ଣ୍ଣ ମିଥ୍ୟା ଅଟେ ।
• ତେବେ ଉଲକାପାତ କିଛି ସମୟ ଯାଏଁ ହୋଇଥାଏ । କିନ୍ତୁ କେବଳ ୧ରୁ ୨ ଘଂଟା ପାଇଁ । ଯେତେବେଳେ ସବୁଠାରୁ ଚମକୁଥିବା କଣିବା ବା ପାର୍ଟିକିଲ ଖସିଥାଏ ସେତେବଳେ ଏହା ସ୍ପଷ୍ଟ ଭାବେ ଦେଖାଯାଇଥାଏ ଏବଂ ଏଥିରୁ ଆଲୋକ ମଧ୍ୟ ବାହାରି ଥାଏ ।
• ନାସା କେବଳ ସୂଚିତ କରିଛି କି, ୧୨ ଅଗଷ୍ଟ ତଥା ଆଜି ଉଲକାପାତ ହେବ ଏବଂ ଏତିକି ସମୟରେ ହେବ ବୋଲି । ମାତ୍ର ନାସା କେଉଁଠାରେ ବି ସୂଚନା ଦେଇନାହିଁ କି ଏହି ଚମକ୍ରାର ବିଶ୍ୱରେ ପ୍ରଥମ ଥର ପାଇଁ ହେଉଛି ବୋଲି । କାରଣ ପ୍ରତି ବର୍ଷ ଅଗଷ୍ଟ ମାସରେ ହିଁ ଉଲକାପାତ ହୋଇଥାଏ ।