ସାବଧାନ ! ୟୁଏସବି କେବୁଲ ଜରିଆରେ ବି ଲିକ୍ ହୋଇପାରେ ଆପଣଙ୍କ ତଥ୍ୟ
ସାଧାରଣତଃ ଅଧିକାଂଶ ଲୋକେ ୟୁଏସବି କେବୁଲର ବହୁଳ ମାତ୍ରାର ବ୍ୟବହାର ବିଶେଷ କରି ମୋବଇଲ୍ ଚାର୍ଜିଂଠାରୁ ଆରମ୍ଭ କରି କମ୍ପ୍ୟୁଟରକୁ ଅନ୍ୟ ଡିଭାଇସ୍ ସହିତ କନେକ୍ଟ କରିବା ଭଳି କାର୍ଯ୍ୟରେ ଉପଯୋଗ କରିଥାନ୍ତି । କିନ୍ତୁ ଆପଣ ଜାଣିଛନ୍ତି କି ଏପରି କରି ଆପଣ କେତେ ବଡ ସମସ୍ୟାକୁ ଡାକି ଆଣୁଛନ୍ତି ? ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି, ୟୁଏସବି କେବୁଲ ସହାୟତାରେ ବି ହ୍ୟାକର୍ସ ଆପଣଙ୍କ ସିଷ୍ଟମ ଯାଏଁ ପହଂଚି ପାରନ୍ତି ଆଉ ଏହାଦ୍ୱାରା ଆପଣଙ୍କ ଜରୁରୀ ତଥ୍ୟ ମଧ୍ୟ ଲିକ୍ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିକଟରେ ଅଷ୍ଟ୍ରେଲିଆର ଏକ ଗବେଷକ ଦଳ ୫୦ ଭିନ୍ନ ଭିନ୍ନ କମ୍ପ୍ୟୁଟର ଏବଂ ଏକ୍ସଟର୍ନାଲ୍ ୟୁଏସବି ଉପରେ ଗବେଷଣା କରିଥିଲେ ଏବଂ ଏଥିରୁ ଯେଉଁ ନିଷ୍କର୍ଷ ମିଳିଥିଲା ତାହା ବାସ୍ତବରେ ଚକିତ କରିଦେବା ଭଳି ଥିଲା । ତେବେ ସେମାନେ ଗବେଷଣା କରିଥିବା ଉକ୍ତ ଡିଭାଇସଗୁଡିକ ମଧ୍ୟରୁ ପାଖାପାଖି ୯୦ ପ୍ରତିଶତ ତଥ୍ୟଗୁଡିକର ଲିକ୍ ହ୍ୟାକର ଏହି ଏକ୍ସଟର୍ନାଲ ୟୁଏସବି କେବୁଲ ଜରିୟାରେ ପହଂଚିବାରେ ସଫଳ ହୋଇଛନ୍ତି ।
ଗବେଷକଙ୍କ ମତରେ, ୟୁଏସବିଠାରୁ ଜଡିତ ଉପକରଣଗୁଡିକରେ କିବୋର୍ଡ, କାର୍ଡସ୍ୱାଇପ୍ ଏବଂ ଫିଙ୍ଗରପ୍ରିଂଟ୍ ରିଡର୍ସ ସାମିଲ, ଯାହା ଅଧିକାଂଶ କମ୍ପ୍ୟୁଟରକୁ ସମ୍ବେଦନଶୀଳ ସୂଚନାମାନ ପ୍ରେରଣ କରିଥାନ୍ତି । ତେବେ ୟୁଏସବି କେବୁଲଦ୍ୱାରା ତଥ୍ୟ ଲିକ୍ ସେତେବେଳେ ସମ୍ଭବ ହୋଇଥାଏ, ଯେତେବେଳେ କି କମ୍ପ୍ୟୁଟରରେ ଏକାବେଳକେ ବହୁତଗୁଡିଏ କେବୁଲ୍ ସଂଯୋଗ କରାଯାଇଥାଏ ।
ସୂଚନା ମୁତାବକ, ଯଦି ଗୋଟିଏ ଭାଇରସ ତଥା ଇଫେକ୍ଟେଡ୍ ଡିଭାଇସ୍ ସେହି ଏକ୍ସଟର୍ନାଲ୍ କିମ୍ବା ଇଂଟରର୍ନାଲ୍ ୟୁଏସବି କେବୁଲ ସହ ସମାନ ଥିବା ଗ୍ରୁପରେ ସଂଯୋଗ କରାଯାଏ, ତେବେ ଏହାଦ୍ୱାରା ସମ୍ବେଦନଶୀଳ ସୂଚନାଗୁଡିକୁ ଅତି ସହଜରେ ଲିକ୍ କରାଯାଇପାରିବ ।
ସୌଜନ୍ୟ: ଅମର ଉଜାଲା