ଗଧଙ୍କୁ ପୁଲିସ ଦେଲା ସଜା ! ଜେଲରେ ରହିଲେ ଚାରିଦିନ । ଜାଣନ୍ତୁ କଣ ରହିଥିଲା ଅପରାଧ
ସାଧାରଣତଃ ଯଦି କୌଣସି ବ୍ୟକ୍ତି କୌଣସି ବି ପ୍ରକାରର ଅପରାଧ କରେ ତେବେ ତାଙ୍କୁ ଦଣ୍ଡ ବିଧାନ କରାଯାଇଥାଏ । ହେଲେ କେବେ ଶୁଣିଛନ୍ତି କି ମଣିଷ ପରି ପଶୁମାନଙ୍କୁ ବି ଏହାର ଅନ୍ତର୍ଭୁକ୍ତ ହୋଇପାରନ୍ତି ବୋଲି । ଆଜ୍ଞା ହଁ । ଏହା ବି ସମ୍ଭବ । ନିକଟରେ ଏଭଳି ଏକ ଘଟଣା ସମ୍ନାକୁ ଆସିଛି ଯାହା ଆପଣଙ୍କର ଚିନ୍ତାଧାରାକୁ ବଦଳାଇ ଦେଇଛି । ଯେଉଁଠି ଗଧମାନଙ୍କୁ କଏଦୀ ଭାବେ ଚାରି ଦିନ କାଳ ଜେଲ ଭିତରେ ରହିବାକୁ ପଡିଛି । ତେବେ ଏଭଳି ଘଟଣା ଘଟିଛି ଯୋଗୀ ଆଦିତ୍ୟ ନାଥଙ୍କ ଗଡରେ । ସେଠାକାର ପୁଲିସ କର୍ମୀ ଗଧମାନଙ୍କୁ ଜେଲ ମଧ୍ୟରେ ଅଟକ ରଖିଛନ୍ତି । ଏଠାରେ ଆମେ କହିରଖୁଛୁ କି, ଉତ୍ତରପ୍ରଦେଶ ପୁଲିସ ଆଇନ-କାନୁନ୍ ସହିତ କୌଣସି ବି ପ୍ରକାରେ ବୁଝାମଣା କରନ୍ତି ନାହିଁ । ଅପରାଧୀଙ୍କ ଦଣ୍ଡ ମିଳିବା ଏକପ୍ରକାରେ ସୁନିଶ୍ଚିତ । ତେବେ ସେ ମଣିଷ ହୋଇଥାନ୍ତୁ କିମ୍ବା ପଶୁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୟୁପିର ଜାଲୌନ ଜିଲ୍ଲାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପୁଲିସ ଦ୍ୱାରା କିଛି ଗଧଙ୍କୁ ସେମାନେ କରିଥିବା ଅପରାଧରେ ଦଣ୍ଡିତ କରାଯାଇଛି ଆଉ ଏହି ଗଧମାନଙ୍କ ଅପରାଧ ଥିଲା କି ସେମାନେ ଜେଲ ବାହାରେ ରଖାଯାଇ ଥିବା ବୃକ୍ଷ-ଲତାକୁ ନଷ୍ଟ କରିବାକୁ ଦୁଃସାହସ କରିଥିଲେ । କୁହାଯାଏ କି, କିଛି ଦିନ ପୂର୍ବରୁ ଜେଲ ପରିସର ମଧ୍ୟରେ ଏକ ସବୁଜପରିବେଶ ସୃଷ୍ଟି କରିବା ଉଦ୍ଦେଶ୍ୟରେ କିଛି ଗଛ ଲଗାଯିବା ପାଇଁ ଅଣାଯାଇଥିଲା । ଯାହାକୁ ବାହାରେ ବୁଲୁଥିବା ଏହି ଗଧମାନେ ନଷ୍ଟ କରିଦେଇଥିଲେ । ଆଉ ଏହି କାରଣରୁ ଜେଲର ଗଧମାନଙ୍କୁ ଜେଲରେ ପୁରାଇ ଦେଇଥିଲେ ।
ଖବର ମୁତାବକ, ଗଧମାନଙ୍କୁ ଜେଲ ଦଣ୍ଡରେ ଦଣ୍ଡିତ ହେବା ପରେ ସେମାନଙ୍କୁ ମୁକୁଳେଇବା ପାଇଁ ମାଲିକ, ଜେଲରଙ୍କୁ ଆକୁଳ ନିବେଦନ କରିଥିଲେ ହେଲେ କୌଣସି ସୁଫଳ ମିଳିପାରିନଥିଲା । ମାତ୍ର ପରବର୍ତ୍ତୀ ସମୟରେ ସେଠାକାର ଜଣେ ସ୍ଥାନୀୟ ନେତାଙ୍କ ଅନୁରୋଧ କ୍ରମେ ତଥା ଚାରି ଦିନ ପରେ ଗଧମାନଙ୍କୁ ଜେଲରୁ ଛଡା ଯାଇଥିଲା । ତେବେ ଗଧମାନଙ୍କୁ ଜେଲରୁ ବାହାରୁଥିବାର ଦେଖି ସେଠାରେ ଉପସ୍ଥିତ ଥିବା ଲୋକେ ବି ଆଶ୍ଚର୍ଯ୍ୟ ହୋଇଯାଇଥିଲେ ।