ଟେଲିକମ ଜଗତରେ ଶେଷ ହେବାକୁ ଯାଉଛି ଲଙ୍ଗ ଟର୍ମ ଭ୍ୟାଲିଡିଟିର ଯୁଗ । ଦିନ ଥିଲା କଂପାନୀମାନେ ଗ୍ରାହକଙ୍କୁ ନିଜ ନିଜ ନେଟୱର୍କରେ ଯୋଡି ରଖିବା ପାଇଁ ଲାଇଫ ଟାଇମ୍ ରିଚାର୍ଜ ପ୍ଲାନ ଭଳି ଅନେକ ଆକର୍ଷଣୀୟ ଅଫରମାନ ଭେଟି ଦେଉଥିଲେ । କିନ୍ତୁ ବର୍ତ୍ତମାନ ଆପଣଙ୍କ ମୋବାଇଲରେ ଯେତେ ଟଙ୍କା ବି ବାଲାନ୍ସ ରଖିଥାଉ ନା କାହିଁକି ନେଟୱର୍କ ସହ ଯୋଡି ରହିବା ପାଇଁ ହେଲେ ଅତି କମରେ ୩୫ ଟଙ୍କା ପ୍ରତିମାସ ରିଚାର୍ଜ କରିବାକୁ ବାଧ୍ୟ । ହେଲେ ଆଗାମୀ ଦିନମାନଙ୍କରେ ଆପଣଙ୍କୁ ଏଥିପାଇଁ ପ୍ରତିମାସ ଅତି କମରେ ୭୫ ଟଙ୍କା ରିଚାର୍ଜ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଟେଲିକମ କଂପାନୀ ଭାରତୀ ଏୟାରଟେଲର ସିଏମଡି ସୁନୀଲ ଭାରତୀ ମିତଲଙ୍କ ଏନେଇ ସେଭଳି କୌଣସି ସ୍ପଷ୍ଟ ମତ ଦେଇନଥିଲେ ସୁଧା, ସେ ଇଙ୍ଗିତ ଦେଇଛନ୍ତି କି, ନ୍ୟୁନତମ ତଥା ସର୍ବନିମ୍ନ ରିଚାର୍ଜ ପ୍ଲାନକୁ ଆଗାମୀ ଦିନମାନଙ୍କରେ ୭୫ ଟଙ୍କାକୁ ବୃଦ୍ଧି କରାଯାଇପାରେ । ଉଲ୍ଲେଖ ଥାଉ କି, ନଭେମ୍ବରରେ କଂପାନୀ ତାର ସର୍ବନିମ୍ନ ରିଚାର୍ଜ ପ୍ଲାନ ୩୫ ଟଙ୍କା କରିଦେଇଥିଲା ।ପୂର୍ବରୁ ଭାରତୀ ଏୟାରଟେଲ ନଭେମ୍ବରରେ ନିଜର ସମସ୍ତ ପ୍ଲାନରେ ପରିବର୍ତନ ଆଣିଥିଲା । ଏହାପରେ ଭୋଡାଫୋନ, ଆଇଡିଆ ମଧ୍ୟ ନିଜ ନିଜ ଅଫର ପ୍ଲାନକୁ ବଦଳାଇ ଅତି କମରେ ୩୫ ଟଙ୍କା ପ୍ରତିମାସ ରିଚାର୍ଜ ପ୍ଲାନ କରିଥିଲେ ।
ମିଳିଥିବା ସୂଚନା ଅନୁଯାୟୀ, କଂପାନୀମାନେ ସର୍ବନିମ୍ନ ଦରକୁ ଯଦି ବୃଦ୍ଧି କରନ୍ତି ତେବେ ଏହାପ୍ସିଧା ପ୍ରଭାବ ଉଭୟ ଡିଜିଟାଲ ଇଣ୍ଡିଆ ଏବଂ ଗ୍ରାମୀଣ କ୍ଷେତ୍ରମାନଙ୍କର ଲୋକଙ୍କର କନେକ୍ଟିଭିଟି ଉପରେ ହିଁ ପଡିବ । ଡିସେମ୍ବରରେ ଟେଲିକମ ରେଗ୍ୟୁଲେଟର ଅଥରିଟି ଅଫ ଇଣ୍ଡିଆ (ଟ୍ରାଇ)ତରଫରୁ ଟେଲିକମ କଂପାନୀମାନଙ୍କର ଏଭଳି ମନମୁଖୀ ନିଷ୍ପତିକୁ ନେଇ ନୋଟିସ ଜାରି କରିଥିଲା କିନ୍ତୁ ପରବର୍ତ୍ତୀ ସମୟରେ ଟ୍ରାଇ ପକ୍ଷରୁ କଂପାନୀମଗୁଡିକ ବିରୋଧରେ ସେଭଳି କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା ।