ସର୍ପଙ୍କ ମଧ୍ୟରେ ବିଷ୍ଣୁଙ୍କ ଶୟନ ! ଜାଣନ୍ତୁ ଏହାର ପ୍ରକୃତ କାରଣ
ହିନ୍ଦୁ ଧର୍ମ ଅନୁସାରେ,ଭଗବାନ ବିଷ୍ଣୁଙ୍କ ସାପଙ୍କ ଉପରେ ଶୟନକୁ ଅନନ୍ତ ଶୟନ ବୋଲି କୁହାଯାଇଥାଏ । ତେବେ ଏହି ବିଶାଳକାୟ ସର୍ପ ହେଉଛନ୍ତି ଶେଷନାଗ । ଏବଂ ଭଗବାନ ବିଷ୍ଣୁ ତାଙ୍କ ଉପରେ ବିଶ୍ରାମ ନିଅନ୍ତି । ଗରୁଡକୁ ସାଧାରଣତଃ ଭଗବାନ ବିଷ୍ଣୁଙ୍କ ବାହନ ବୋଲି କୁହାଯାଏ, କିନ୍ତୁ ଶେଷନାଗ ମଧ୍ୟ ତାଙ୍କ ବାହନ ଅଟନ୍ତି । ଭଗବାନ ବିଷ୍ଣୁଙ୍କ ପ୍ରତ୍ୟେକ ଜନ୍ମରେ ଶେଷନାଗ ତାଙ୍କ ସହ ଜଡିତ ଥାନ୍ତି । ତେବେ ଜାଣନ୍ତୁ ଏହାର ପ୍ରକୃତ ରହସ୍ୟ ।
Kanak News is now on WhatsApp
Join and get latest news updates delivered to you via WhatsApp
ଶାସ୍ତ୍ର ଅନୁସାରେ, ଯେତେବେଳେ ପୃଥିବୀ ପୃଷ୍ଠରେ ପାପର ଭାର ବଢିଯାଏ ,ପାପୀଙ୍କ ସଂଘାର ପାଇଁ ସ୍ୱୟଂ ଭଗବାନ ବିଷ୍ଣୁ ଧରା ପୃଷ୍ଠରେ ଜନ୍ମ ନେଇଥାନ୍ତି ଏବଂ ସେମାନଙ୍କ ବିନାଶ କରି ପୁଣି ଥରେ ଧର୍ମର ସ୍ଥାପନା କରିଥାନ୍ତି । ତେବେ ଶେଷନାଗ ଭଗବାନ ବିଷ୍ଣୁଙ୍କ ଉର୍ଜାର ପ୍ରତୀକ ଅଟନ୍ତି । କାରଣ ଶେଷନାଗଙ୍କ ଆୟତ୍ତରେ ରହିଛି ବିଶ୍ୱର ସମସ୍ତ ଗ୍ରହ ଏବଂ ନକ୍ଷତ୍ର । ଏଥିସହ ସେ ଅନବରତ ଭଗବାନ ବିଷ୍ଣୁଙ୍କ ମହାମନ୍ତ୍ର ଉଚ୍ଚାରଣ କରିଥାନ୍ତି । ଯଦି ଭଗବାନ ବିଷ୍ଣୁ ସମସ୍ତ ବ୍ରହ୍ମାଣ୍ଡ,ଗ୍ରହ ଏବଂ ନକ୍ଷତ୍ରଙ୍କ ପ୍ରତୀକ ଅଟନ୍ତି ତେବେ ଅନୁରୂପ ଭାବେ ଶେଷନାଗ ମଧ୍ୟ ତାଙ୍କ ସାଦୃଶ୍ୟ ଅଟନ୍ତି ।
କଳି ଯୁଗରେ କଳକୀ ଅବତାର ! ମିଳିଲା ପ୍ରମାଣ, କେବେ ଏବଂ କେଉଁଠି ଜନ୍ମ ନେବେ ଭଗବାନ ବିଷ୍ଣୁ
ଏହାଛଡା, ଶେଷନାଗ ଭଗବାନ ବିଷ୍ଣୁଙ୍କୁ ଖାଲି ଯେ କେବଳ ବିଶ୍ରାମ ପାଇଁ ଜାଗା ଦେଇଥାନ୍ତି ତାହା ନୁହେଁ ବରଂ ସେ ତାଙ୍କୁ ସବୁ ବିପଦରୁ ମଧ୍ୟ ରକ୍ଷା କରିଥାନ୍ତି । ଯାହାର ବଡ ଉଦାହରଣ ଥିଲା, ଯେତେବେଳେ ଭଗବାନ ବିଷ୍ଣୁ କୃଷ୍ଣ ରୂପରେ ଜନ୍ମ ନେଇଥିଲେ ସେତେବେଳେ କୃଷ୍ଣଙ୍କ ପିତା ବସୁଦେବ ତାଙ୍କୁ ନନ୍ଦରାଜାଙ୍କ ଘରେ ଛାଡିବାକୁ ନେଇଯାଉଥିଲେ । ଆଉ ସେତେବେଳେ ଶେଷନାଗ ଭଗବାନ କୃଷ୍ଣଙ୍କୁ ଝଡ ତୋଫାନରୁ ରକ୍ଷା କରିଥିଲେ । ଏହାବ୍ୟତୀତ, ଶେଷନାଗ ତେତୟା ଯୁଗରେ ପ୍ରଭୁଙ୍କ ଭାଇ ତଥା ଲକ୍ଷ୍ମଣଙ୍କ ରୂପରେ ଜନ୍ମ ନେଇଥିବାବେଳେ ଦ୍ୱାପର ଯୁଗରେ ପ୍ରଭୁ ବଳରାମ ହୋଇ ଜନ୍ମ ନେଇ ଭଗବାନ ବିଷ୍ଣୁଙ୍କୁ ରକ୍ଷା କରିଥିଲେ ।
ଜଣେ ସାହସୀ ସ୍ତ୍ରୀର କର୍ତ୍ତବ୍ୟନିଷ୍ଠାର କାହାଣୀ ! ନ୍ୟୁଜ୍ ଷ୍ଟୁଡିଓରୁ ପଢିଲେ ସ୍ୱାମୀଙ୍କ ମୃତ୍ୟୁ ଖବର