ହାଓଡା ବ୍ରିଜ୍ ସହ ଜଡିତ ଏହି ରାଜ୍ ! ଯାହା ଉଡାଇ ଦେବ ଆପଣଙ୍କ ହୋସ୍
କଲିକତାରେ ଥିବା ହାଓଡା ବ୍ରିଜର ଚର୍ଚ୍ଚା କେବଳ ଭାରତରେ ନୁହେଁ ବିଦେଶରେ ମଧ୍ୟ ଶୁଣିବାକୁ ମିଳିଛି । ଏହା ଏକ ଏଭଳି ବ୍ରିଜ୍ ଯାହା ବିନା ପିଲରରେ ତିଆରି କରାଯାଇଛି । ପବନରେ ଏହି ବ୍ରିଜଟି ଝୁଲିଥିବାର ଦୃଶ୍ୟକୁ ଦେଖିଲା ପରେ ସମସ୍ତଙ୍କ ମନରେ ଉଙ୍କି ମାରି ଥାଏ ଅନେକ ପ୍ରଶ୍ନ । ତେବେ ଏହାକୁ ମଧ୍ୟ ‘ରବୀନ୍ଦ୍ର ସେତୁ’ ନାମରେ ଜଣାଯାଏ ।
Kanak News is now on WhatsApp
Join and get latest news updates delivered to you via WhatsApp
ହାଓଡା ବ୍ରିଜର ନିର୍ମାଣ ୧୯୩୭ରେ ଆରମ୍ଭ ହୋଇଯାଇଥିଲା ମାତ୍ର ୧୯୪୩ରେ ବ୍ରିଟିଶ ଶାସନ କାଳରେ ହିଁ ସଂପୂର୍ଣ୍ଣ ହୋଇଥିଲା । ତେବେ ଏହାର ଓଜନ ୨୬ ହଜାର ଟନ୍ ହୋଇଥିବା ବେଳେ ଲମ୍ବ ୪ ୫୭.୦୫ ଅଟେ ଏବଂ ଉଚ୍ଚତା ରହିଛି ୧୫୦୧ ଫୁଟ୍ । କୁହାଯାଏ ଏହି ବ୍ରିଜ୍ ଉପରେ ପ୍ରତିଦିନ ହଜାର ହଜାର ସଂଖ୍ୟକ ଯାନବାହନ ଗତି କରିଥାଏ । ମାତ୍ର ଏହାର କୌଣସି ବି କ୍ଷତି ଘଟିନଥାଏ । ଦୂରରୁ ଦେଖିଲେ ଏହି ବ୍ରିଜଟି କୌଣସି ଆଶ୍ଚର୍ଯ୍ୟରୁ କମ୍ ଲାଗେନାହିଁ । ଏଭଳି ବହୁତ କମ୍ ବ୍ରିଜ ରହିଛି ଯେଉଁଠି ବଲିଉଡ୍ ସିନେମା ସୁଟିଂ ହୋଇଛି ତେବେ ଏହି ବ୍ରିଜର ବିଶେଷତ୍ୱ ହେଲା ଏହା ଉପରେ ବଲିଉଡ୍ ସିନେମା ସୁଟିଂ ହେବା ସହ ହଲିଉଡ ସିନେମା ମଧ୍ୟ ସୁଟିଂ ହୋଇସାରିଛି । ଯେଉଁଥିରୁ ସ୍ପଷ୍ଟ ବାରି ହୋଇପଡେ ଏହା କେତେ ଲୋକପ୍ରିୟ ବୋଲି ।
କୁହାଯାଏ, ହାଓଡା ଏବଂ କଲିକତାକୁ ସଂଯୋଗ କରୁଥିବା ଏହି ବ୍ରିଜଟି ଯେତେବେଳେ ଏହା ୧୯୪୩ରେ ସଂପୂର୍ଣ୍ଣ ହୋଇଥିଲା ସେତେବେଳେ ଏହାର ନାଁ ନିୟୁ ହାଓଡା ରଖାଯାଇଥିଲା ମାତ୍ର ସମୟ ଅନୁସାରେ ଏହାର ନାଁ ପୁଣି ଥରେ ପରିବର୍ତ୍ତନ ହୋଇ ୪ ଜୁନ୍ ୧୯୬୫ରେ ବଙ୍ଗଳା ଲେଖକ ରବୀନ୍ଦ୍ର ନାଥ ଟାଗୋରଙ୍କ ନାମରେ ତଥା ‘ରବୀନ୍ଦ୍ର ସେତୁ’ ରଖାଯାଇଥିଲା ।
ସୂଚନା ମିଳିଛି, ଏହି ବ୍ରିଜଟି ଭୁଶୁଡିବା ଉପରେ । ଯାହାର ମୁଖ୍ୟ କାରଣ ରହିଛି, ପାନ ଛେପ । ଆଜ୍ଞା ହଁ ! କଥାଟା ହୁଏତ ଆପଣଙ୍କୁ ଟିକେ ଅଜବ ଲାଗୁଥିବ ମାତ୍ର ଏହା ହିଁ ସତ୍ୟ । ଏକ ରିପୋର୍ଟରେ ଏହା ଦର୍ଶାଯାଇଛି କି, ଅଧିକାଂଶ ସମୟରେ ଲୋକେ ପାନ ତଥା ଗୁଟଖା ଆଦି ସେବନ କରି ଛେପ ବ୍ରିଜ ଉପରେ ଫିଙ୍ଗିବା ଦ୍ୱାରା ବ୍ରିଜରେ ଲାଗିଥିବା ହ୍ୟାଙ୍ଗର ଗୁଡିକ ଧିରେ ଧିରେ ନଷ୍ଟ ହେବାକୁ ଲାଗିଛି । ଆଉ ଏହା କୌଣସି ବି ମୁହୂର୍ତ୍ତରେ ଭୁଶୁଡିପାରେ । ଯାହା ଭବିଷ୍ୟତରେ ଏକ ବଡ ଦୁର୍ଘଟଣାର ରୂପ ନେଇପାରେ ବୋଲି ସ୍ପଷ୍ଟ ହୋଇ ସାରିଛି ।