ରାଜ୍ୟରେ କମୁଛି କରୋନା ସଂକ୍ରମଣ : ଡିଏମଇଟି କହିଲେ, କଟକ ଓ ଖୋର୍ଦ୍ଧା ସମେତ କିଛି ଜିଲ୍ଲାକୁ ଦିଆଯାଉଛି ସ୍ୱତନ୍ତ୍ର ଫୋକସ୍
କନକ ବ୍ୟୁରୋ : ଡିଏମଇଟି ସିବିକେ ମହାନ୍ତି ମଧ୍ୟ ରାଜ୍ୟରେ ସଂକ୍ରମଣ କମୁଥିବା କହିଛନ୍ତି । ଗତ କିଛି ଦିନର ସଂକ୍ରମଣ ସଂଖ୍ୟାକୁ ତୁଳନା କଲେ ବର୍ତ୍ତମାନର ସଂଖ୍ୟା କମିକମି ଆସୁଛି । ଏଥିପାଇଁ କଟକ ଓ ଖୋର୍ଦ୍ଧା ସମେତ କିଛି ଜିଲ୍ଲାକୁ ଫୋକସ ଦିଆଯାଉଛି । ଦୈନିକ ସଂକ୍ରମଣ ହାର ଓ ଅନ୍ୟାନ୍ୟ ତଥ୍ୟ ଆଧାରରେ ସରକାର ଅନଲକ ସଂପର୍କରେ ନିଷ୍ପତ୍ତି ନେବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ସଂକ୍ରମଣ ବଢୁଥିବା ରାଜ୍ୟରୁ ଆସୁଥିବା ଲୋକେ ପୁଣି ଥରେ ବିପଦ ସୃଷ୍ଟି କରିବା ସମ୍ଭାବନା ରହିଛି ବୋଲି କହିଛନ୍ତି ଡିଏମଇଟି । ସଂକ୍ରମଣ ବଢୁଥିବା ରାଜ୍ୟରୁ ଆସୁଥିବା ଲୋକମାନଙ୍କ ଉପରେ କଟକଣା ରହିବା ଦରକାର । କେନ୍ଦ୍ର ସରକାର ଏହା ଉପରେ ଆବଶ୍ୟକ ପଦକ୍ଷେପ ନେବା ଦରକାର ।
ଅନ୍ୟପକ୍ଷରେ, ସେପ୍ଟେମ୍ବର ୧୨ରୁ ନିଟ ପରୀକ୍ଷା ଆରମ୍ଭ ହେବ । କେନ୍ଦ୍ର ସରକାର ଯାହା ଗାଇଡ଼ଲାଇନ ଦେବେ ସେଇ ଅନୁଯାୟୀ ପରୀକ୍ଷା କରାଯିବ । ସାନିଟାଇଜସେନ, ସାମାଜିକ ଦୂରତା, ଓ ମାକ୍ସ ପିନ୍ଧି ପରୀକ୍ଷା କରାଯିବ । ସବୁ ପରୀକ୍ଷା ବନ୍ଦ କରି ହେବନି । ଛାତ୍ରଛାତ୍ରୀଙ୍କ ଭବିଷ୍ୟତକୁ ଆଖି ଆଗରେ ରଖି କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି ।