୨୦୨୧ ପ୍ରଥମ ମିଶନରେ ଇସ୍ରୋକୁ ସଫଳତା । ସତୀଶ ଧାୱନ ମହାକାଶ କେନ୍ଦ୍ରରୁ ସଫଳତାର ସହ ଉତକ୍ଷେପଣ ହେଲା ଉପଗ୍ରହ ଆମାଜୋନିଆ-୧
କନକ ବ୍ୟୁରୋ : ସରିଲା କାଉଣ୍ଟ ଡାଉନ୍ । ଆନ୍ଧ୍ରପ୍ରଦେଶର ନେଲୋର ଜିଲ୍ଲାର ଶ୍ରୀହରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ପୂର୍ବାହ୍ନ ୧୦.୨୪ ରେ ଉପଗ୍ରହ ଆମାଜୋନିଆ-୧ର ସଫଳ ଉତକ୍ଷେପଣ କରାଯାଇଛି । ୨୦୨୧ ମସିହାରେ ଏହା ଇସ୍ରୋର ପ୍ରଥମ ମିଶନ ହୋଇଥିବା ବେଳେ ଏହାର ସଫଳତାକୁ ନେଇ ଖୁସି ଅଛନ୍ତି ବୈଜ୍ଞାନିକ ମାନେ । ସୂଚନା ମୁତାବକ ପିଏସଏଲଭି –ସି-୫୧ ରକେଟ୍ ସହାୟତାରେ ବ୍ରାଜିଲର ଅପ୍ଟିକାଲ ଅବଜରଭେଶନ ସାଟେଲାଇଟକୁ ମହାକାଶକୁ ପଠାଯାଇଛି । ଏହା ପିଏସଏଲଭିର ୫୩ ତମ ମିଶନ ବୋଲି କୁହାଯାଇଛି । କେବଳ ଆମାଜୋନିଆ ନୁହେଁ ଏହାସହ ୧୮ ଟି ଉପଗ୍ରହକୁ ମଧ୍ୟ ପ୍ରଥମ ଲଂଚପ୍ୟାଡରୁ ସଫଳତାର ସହ ଉତକ୍ଷେପଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଉତକ୍ଷେପଣ ହୋଇଥିବା ଏହି ୧୮ ଟି ଉପଗ୍ରହ ମଧ୍ୟରେ ସ୍ପେସ୍ କିଡଜ୍ ଇଣ୍ଡିଆର ଏସଡି ସାଟ୍ (ସତୀଶ୍ ଧାୱନ୍ ସାଟ୍) ସହ କୋଇମ୍ବାଟୁରର ଶ୍ରୀ ଶକ୍ତି ଇନଷ୍ଟିଚ୍ୟୁଟ୍ ଅଫ୍ ଇଞ୍ଜିନିୟରିଂ ଆଣ୍ଡ୍ ଟେକ୍ନୋଲୋଜି, ଶ୍ରୀପେରୁମ୍ବୁଦୁରର ଜେପିଆର ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଓ ନାଗପୁରର ଜିଏଚ୍ ରାଇସୋନି କଲେଜ ଅଫ୍ ଇଞ୍ଜିନିୟରିଂ ଆଦି ୩ ଟି କଲେଜ ପକ୍ଷରୁ ମିଳିତ ଭାବେ ପ୍ରସ୍ତୁତ ହୋଇଥିବା ୟୁନିସାଟ୍ ର ମଧ୍ୟ ଉତକ୍ଷେପଣ କରାଯିବ । ଅନ୍ୟ ଉପଗ୍ରହ ମଧ୍ୟରେ ଭାରତର ସିନ୍ଧୁନେତ୍ର, ଆମେରିକାର ସାଇ-୧ ନାନୋକନେକ୍ଟ-୨, ୧୨ ଟି ସ୍ପେସ୍ ବିଇଇ ଉପଗ୍ରହ ରହିଛି ।