ସାମ୍ନାକୁ ଆସିଲା ତାଲିବାନର ଆଉ ଏକ ବର୍ବରତା, ଆଫଗାନ ସେନାର ରାଲି ଉପରେ ଆଖିବୁଜା ଗୁଳିମାଡ, ଅନେକ ନିହତ
କନକ ବ୍ୟୁରୋ : ତାଲିବାନୀମାନେ ଆଫଗାନିସ୍ତାନ ଦଖଲ କରିନେବା ପରେ ଏବେ ସେଠାରେ ଦମନଲୀଳା ଆରମ୍ଭ କରିଛନ୍ତି ତାଲିବାନୀ ଯୋଦ୍ଧା । ଗୁରୁବାର ଦିନ ଆଫଗାନିସ୍ତାନର ଅସଦାବାଦ ସହରରେ କିଛି ଲୋକ ସ୍ୱାଧୀନତା ଦିବସ ଅବସରରେ ରାଲି କରୁଥିବା ବେଳେ ତାଲିବାନୀ ଯୋଦ୍ଧାମାନେ ସେମାନଙ୍କ ଉପରକୁ ଆଖିବୁଜା ଗୁଳି ଚଳାଇଛନ୍ତି । ଏହା ଫଳରେ ଅନେକ ଆଫଗାନ ଲୋକ ମୃତ୍ୟୁବରଣ କରିଥିବା ସୂଚନା ମିଳିଛି । ଏଭଳି ଘଟଣା ପରେ ପୁଣିଥରେ ସ୍ପଷ୍ଟ ହୋଇଛି କି, ତାଲିବାନୀମାନେ ନିଜର ଛବି ସୁଧାରିବାକୁ ଯେତେ ଚେଷ୍ଟା କରୁଥିଲେ ବି ହତ୍ୟା ଲୁଣ୍ଠନ ଭଳି ଚରିତ୍ରରୁ ବାହାରି ପାରୁନାହାନ୍ତି ସେମାନେ ।
Kanak News is now on WhatsApp
Join and get latest news updates delivered to you via WhatsApp
ସମାଚାର ଏଜେନ୍ସ ରୟଟର୍ସ ମୁତାବକ ଅସଦାବାଦରେ ଆଫଗାନିସ୍ତାନର ସ୍ୱାଧୀନତା ଦିବସ ଅବସରରେ କିଛି ଲୋକ ରାଲି ବାହାର କରିଥିଲେ । ଏହି ଅବସରରେ ଦେଶର ପତାକା ଉତ୍ତୋଳନ କରୁଥିବା କିଛି ଲୋକଙ୍କ ଉପରେ ତାଲିବାନୀ ଯୋଦ୍ଧାମାନେ ଗୁଳି ଚଳାଇଥିଲେ । ଏହାପରେ ଲୋକମାନେ ସେଠାରେ ପଳାଇବାକୁ ଚେଷ୍ଟା କରିଥିଲେ । ଅନ୍ୟପଟେ ଏପର୍ଯ୍ୟନ୍ତ ତାଲିବାନ ପକ୍ଷରୁ ଏନେଇ କୌଣସି ବୟାନ ଜାରି କରାଯାଇ ନାହିଁ ।
Several people were killed in the Afghan city of Asadabad when Taliban fighters fired on people waving the national flag at an Independence Day rally: Reuters #Afghanishtan
— ANI (@ANI) August 19, 2021
କହିରଖୁ କି ପ୍ରତିବର୍ଷ ଅଗଷ୍ଟ ୧୯ ତାରିଖକୁ ଆଫଗାନବାସୀ ସ୍ୱାଧୀନତା ଦିବସ ଭାବେ ପାଳନ କରିଥାନ୍ତି । ଏହାପୂର୍ବରୁ ଗତକାଲି ତାଲିବାନୀ ଯୋଦ୍ଧାମାନେ କାବୁଲ ବିମାନବନ୍ଦରରେ ମହିଳା ଓ ଶିଶୁମାନଙ୍କ ଉପରେ ଆକ୍ରମଣ କରିଥିଲେ ।