କନକ ବ୍ୟୁରୋ : ବଲିଉଡ ଅଭିନେତା ସୋନୁଙ୍କ ସୁଦଙ୍କ ଅଡୁଆ ବଢି ଚାଲିଛି । ଆୟକର ବିଭାଗର ଲଗାତାର ସର୍ଭେ ପରେ ଏକ ସାଂଘାତିକ ତଥ୍ୟ ସାମ୍ନାକୁ ଆସିଛି । ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଆୟକର ବିଭାଗ ୨୮ଟି ସ୍ଥାନରେ ସର୍ଭେ କରିଛି । ଯେଉଁଥିରେ ମୁମ୍ବାଇ, ଲକ୍ଷ୍ନୌ, କାନପୁର, ଜୟପୁର, ଦିଲ୍ଲୀ ଓ ଗୁଡଗାଓଁରେ ଯାଞ୍ଚ କରିଛି । ସବୁଠୁ ବଡ କଥା ହେଲା, ଏହି ସର୍ଭେ ସମୟରେ ସୋନୁ ଓ ତାଙ୍କ ସହଯୋଗୀ ୨୦ କୋଟି ଟଙ୍କାର ଆୟକର ହେରଫେର କରିଥିବା ଘଟଣା ସାମ୍ନାକୁ ଆସିଛି । ଏହାଛଡା ୨.୧ କୋଟି ଟଙ୍କାର ଅବୈଧ ବିଦେଶୀ ଦାନ, ୬୫ କୋଟି ଟଙ୍କାର ଜାଲ୍ ନେଣଦେଣ ହୋଇଥିବା ଜଣାପଡିଛି । ସିବିଡିଟି ପକ୍ଷରୁ କୁହାଯାଇଛି ଯେ, ନକଲି ସଂସ୍ଥା ଦ୍ୱାରା ଜାଲିଆତି ଓ ଋଣ ଆକାରରେ କୋଟି କୋଟି ଟଙ୍କା ଜମା ରଖାଯାଇଥିଲା । ଏପରିକି ଏଫସିଆରଏ ନିୟମର ଉଲ୍ଲଂଘନ କରି ବିଦେଶରୁ କ୍ରାଉଡଫଣ୍ଡିଙ୍ଗ ଜରିଆରେ ୨.୧ କୋଟି ଟଙ୍କା ଦାନ ଆକାରରେ ସଂଗ୍ରହ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
I-T Dept conducted a search & seizure op at various premises of a prominent actor in Mumbai & also a Lucknow-based group of industries engaged in infrastructure development. 28 premises in Mumbai, Lucknow, Kanpur, Jaipur, Delhi, Gurugram covered: Central Board of Direct Taxes
— ANI (@ANI) September 18, 2021
ଏହାସହ ସୋନୁଙ୍କ ଠାରୁ ନଗଦ ୧.୮ କୋଟି ଟଙ୍କା ଜବତ ହୋଇଥିବା ନେଇ ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି । ଏହାବାଦ୍ ସୋନୁ ସୁଦ ଚ୍ୟାରିଟି ଫାଉଣ୍ଡେସନ ୧୮.୯୪ କୋଟି ଟଙ୍କା ଡୋନେସନ ପାଇଛି । ଯେଉଁଥିରୁ ବିଭିନ୍ନ କାର୍ଯ୍ୟ ପାଇଁ ୧.୯ କୋଟି ଟଙ୍କା ଖର୍ଚ୍ଚ କରାଯାଇଛି । ବଳକା ୧୭ କୋଟି ଟଙ୍କା ଏଯାଏଁ ଆକାଉଣ୍ଟରେ ରହିଛି । ସେହିଭଳି ଲକ୍ଷ୍ନୌର ଏକ ଇନଫ୍ରାଷ୍ଟ୍ରକଚର ଗ୍ରୁପ୍ ଯିଏ ସୋନୁ ସୁଦଙ୍କ ସହ ଯୋଡି ହୋଇ ରହିଛି ସେଠାରେ ତଲାସୀ ପରେ ୬୫ କୋଟି ଟଙ୍କାର ନେଣଦେଣରେ ଆୟକର ହେରଫେର ହୋଇଥିବା କୁହାଯାଉଛି । ଆୟକର ବିଭାଗ ପକ୍ଷରୁ ସର୍ଚ୍ଚ ଅପରେସନ ଜାରି ରହିଥିବା ବେଳେ ଆଗକୁ ଆହୁରି କିଛି ନୂଆ ତଥ୍ୟ ଆସିପାରେ ।