୭୭ ବର୍ଷ ପରେ ଠିକଣା ସ୍ଥାନରେ ପହଞ୍ଚିଲା ଜଣେ ସୈନିକଙ୍କ ଚିଠି । ପଢନ୍ତୁ, ଚିଠିରେ ନିଜ ମା’ଙ୍କ ଉଦ୍ଦେଶ୍ୟରେ କଣ ଲେଖିଥିଲେ ଯବାନ…
କନକ ବ୍ୟୁରୋ: ଆମେରିକାର ଜଣେ ସୈନିକ ମା’ଙ୍କ ନାମରେ ପଠାଇଥିବା ଚିଠି ୭୭ ବର୍ଷ ପରେ ଠିକଣାରେ ପହଞ୍ଚିଛି। କିନ୍ତୁ ଦୁଃଖର ବିଷୟ ଚିଠି ପହଞ୍ଚିଲା ବେଳକୁ ସୈନିକ ଓ ତାଙ୍କ ମା’ଙ୍କ ମୃତ୍ୟୁ ହୋଇଯାଇଛି। ଏହି ଚିଠିକୁ ସୈନିକଙ୍କ ୯୦ବର୍ଷର ପତ୍ନୀଙ୍କୁୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
‘ମୀରର ୟୁକେ’ ର ରିପୋର୍ଟ ମୁତାବକ ଏହି ଆମେରିକା ସୈନିକଙ୍କ ନାମ ଜନ ଗୋଞ୍ଜାବିଲସ । ସେ ୧୯୪୫ ମସିହା ଡିସେମ୍ବର ୬ ତାରିଖରେ ଅର୍ଥାତ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ନିଜ ମା’ ଙ୍କ ପାଖକୁ ଏକ ଚିଠି ଲେଖିଥିଲେ । ସେତେବେଳେ ଗୋଞ୍ଜାବିଲସଙ୍କୁ ମାତ୍ର ୨୨ ବର୍ଷ ହୋଇଥିବା ବେଳେ ସେ ଜର୍ମାନୀରେ ସେନା ବିଭାଗରେ ଚାକିରି କରୁଥିଲେ । ତେବେ ଦୀର୍ଘ ୭୭ ବର୍ଷ ପରେ ଗୋଞ୍ଜାବିଲସଙ୍କର ଏହି ହାତଲେଖା ଚିଠି ତାଙ୍କ ପତ୍ନୀଙ୍କ ପାଖରେ ପହଞ୍ଚିଛି । ୨୦୧୫ ମସିହାରେ ଗୋଞ୍ଜାବିଲସଙ୍କର ମୃତ୍ୟୁ ହୋଇଥିଲା । ଏହା ପୂର୍ବରୁ ତାଙ୍କ ମା’ ଙ୍କର ବି ଦେହାନ୍ତ ହୋଇଯାଇଥିଲା ।
ଗୋଞ୍ଜାବିଲସ ଏହି ଚିଠିରେ ଲେଖିଥିଲେ କି “ପ୍ରିୟ ମା ଆଜି ତୁମଠାରୁ ମୋତେ ଆଉ ଗୋଟିଏ ଚିଠି ମିଳିଛି, ଓ ଏହା ଜାଣି ମୁଁ ବେସ ଖୁସି କି ସବୁକିଛି ଠିକ ଠାକ ଚାଲିଛି । ମୁଁ ଏଠାରେ ଭଲରେ ଅଛି, ଏଠାରେ ଆମକୁ ଭଲ ଖାଦ୍ୟ ମିଳୁ ନାହିଁ ଆଶା କରୁଛି ଖୁବଶୀଘ୍ର ତୁମସହ ଭେଟ ହେବ, ମନ ଭରି ତୁମ ସହ କଥା ହେବି ।”