୫୦ ଲକ୍ଷ ଗର୍ଭବତୀ ଏବଂ ନୂଆ କରି ମାତୃତ୍ୱ ଲାଭ କରିଥିବା ମହିଳାଙ୍କ ପାଇଁ ସରକାର ଆଣିଲେ ଉପହାର ! ଶିଶୁ ଗର୍ଭରେ ରହିବାଠାରୁ ଆରମ୍ଭ କରି ଜନ୍ମହେବା ପର୍ଯ୍ୟନ୍ତ କିସ୍ତିରେ ମିଳିବ ୬୦୦୦ ଟଙ୍କା ।
କେନ୍ଦ୍ର ମହିଳା ଏବଂ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କେନ୍ଦ୍ର ସରକାରଙ୍କ ଯୋଜନାର ଲାଭ ୫୦ ଲକ୍ଷ ଗର୍ଭବତୀ ଏବଂ ନବମାତୃତ୍ୱ ଲାଭ କରିଥିବା ମହିଳାଙ୍କୁ ମିଳିବା କଥା କହିଛନ୍ତି । ପ୍ରଧାନମନ୍ତ୍ରୀ ମାତୃ ବନ୍ଦନ ଯୋଜନାର ସଂନ୍ଦର୍ଭରେ ସେ ଏହି କଥା ରଖିଛନ୍ତି । ଏହି ଯୋଜନା ୨୦୧୭ ମସିହାରେ ଆରମ୍ଭ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ସଂସଦରେ ସ୍ମୃତି ଇରାନୀ କହିଥିଲେ ଯେ ଏହି ଯୋଜନା ଅନୁସାରେ ମାତୃତ୍ୱ ଲାଭ କରିବା ପାଇଁ ଗର୍ଭବତୀ ତଥା ନବମାତୃତ୍ୱ ଲାଭ କରିଥିବା ମହିଳାଙ୍କୁ ୫ ହଜାର ଟଙ୍କା କିସ୍ତିରେ ଦିଆଯାଏ । ଏହି ସ୍କିମ୍ ଅନୁସାରେ , ୪୯,୫୮,୧୭୨ ଗର୍ଭବତୀ ମହିଳା ଏବଂ ନୂଆ କରି ମା’ ହୋଇଥିବା ମହିଳାଙ୍କୁ ୩ କିସ୍ତିରେ ଟଙ୍କା ଦିଆଯାଏ । ଶିଶୁ ଗର୍ଭରେ ରହିବା ଠାରୁ ଜନ୍ମ ହେବା ପର୍ଯ୍ୟନ୍ତ ଏହି ଯୋଜନାର ଲାଭ ମହିଳା ମାନେ ଉଠାଇପାରିବେ ।
ଓଡିଶା ଏବଂ ତେଲେଙ୍ଗାନାରେ ମହିଳାଙ୍କ ପାଇଁ ରହିଛି ଭିନ୍ନ ଯୋଜନା :
କେନ୍ଦ୍ର ମହିଳା ଏବଂ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କହିଛନ୍ତି ଯେ ଏଥିପାଇଁ ଯୋଗ୍ୟ ମହିଳାଙ୍କୁ ପ୍ରଥମେ ନିୟମ ମୁତାବକ କ୍ୟାଶ୍ ମଧ୍ୟ ଦିଆଯିବାର ସୁବିଧା ରହିଛି । ଏହି ଟଙ୍କା ହେଉଛି ଜନନୀ ସୁରକ୍ଷା ଯୋଜନାରେ ଦିଆଯାଉଥିବା ଟଙ୍କା । ଯାହାର ଦାୟିତ୍ୱ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରାଳୟ ଉପରେ ନ୍ୟସ୍ତ ଥାଏ । ଏହି ମନ୍ତ୍ରାଳୟ ପକ୍ଷରୁ ପ୍ରତି ଗର୍ଭବତୀ ମହିଳାଙ୍କୁ ଶିଶୁଜନ୍ମ ପରେ ୬୦୦୦ ଟଙ୍କା ଦେବାକୁ ପଡିଥାଏ । ଓଡିଶା ଏବଂ ତେଲେଙ୍ଗାନାରେ ମା’ମାନଙ୍କ ପାଇଁ ଏଭଳି ଲାଭକାରୀ ଯୋଜନା ଚାଲୁ ରହିଛି ।
ମନ୍ତ୍ରୀ ସ୍ମୃତି ଇରାନୀ କହିଛନ୍ତି ଯେ , ଏହି ଯୋଜନାର ଅଧିକ ଲାଭ ଉତ୍ତରପ୍ରଦେଶର ଗର୍ଭବତୀ ମହିଳାମାନେ ଉଠାଇଥାନ୍ତି । ଉତ୍ତରପ୍ରଦେଶରୁ ଆସୁଥିବା ମହିଳାଙ୍କ ସଂଖ୍ୟା ୮,୧୯,୮୯୩ ଏବଂ ଆନ୍ଧ୍ରପ୍ରଦେଶରୁ ୪,୧୦,୧୩୪ ମହିଳାଙ୍କ ସଂଖ୍ୟା ଆସିଥାଏ । ଏହି ଯୋଜନାର ଲାଭ ଉଠାଇବାରେ ପଛରେ ରହିଛନ୍ତି ତାମିଲନାଡୁର ମହିଳା । ଏଠାରୁ ମାତ୍ର ୧୨୯ ମହିଳାଙ୍କୁ ଏହି ଲାଭ ମିଳୁୁଛି ।