ସିଦ୍ଧୁ ମୁସେୱାଲା ହତ୍ୟାକାଣ୍ଡ : ତଦନ୍ତ ପରେ ବଡ ଖୁଲାସା, ହତ୍ୟାପାଇଁ ରାଜସ୍ଥାନରୁ ଆସିଥିଲା ଗାଡି
କନକ ବ୍ୟୁରୋ : ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ହତ୍ୟାକାଣ୍ଡର ଯାଂଚ କରୁଥିବା ପୋଲିସ ଦୈନିକ ନୂଆ ନୂଆ ତଥ୍ୟ ଖୁଲାସା କରିବାରେ ଲାଗିଛି । ଏହି ହତ୍ୟାକାଣ୍ଡରେ ଏପର୍ଯ୍ୟନ୍ତ କିଛି ଲୋକଙ୍କ ଗିରଫ କରାଯାଇଛି । ହେଲେ ଏବେ ଯାଂଚ ଟିମ୍ ଖୁଲାସା କରିଛି କି ହତ୍ୟାକାଣ୍ଡରେ ବ୍ୟବହୃତ ହୋଇଥିବା ଗାଡିଗୁଡିକୁ ଅପରାଧୀମାନେ ରାଜସ୍ଥାନର ସିକରରୁ ମଗାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସିଦ୍ଧୁ ମୁସେୱାଲାଙ୍କୁ ଯେଉଁ ସ୍ଥାନରେ ହତ୍ୟା କରାଯାଇଥିଲା ସେହି ନିକଟରେ ଥିବା ଏକ ପେଟ୍ରୋଲ ପମ୍ପର ସିସିଟିଭି ଫୁଟେଜ ଆଧାରରେ ପୋଲିସ ତାର ଯାଂଚ କରୁଛି । ଫୁଟେଜରେ ଦେଖିବାକୁ ମିଳିଛି କି କିଛି ସନ୍ଦିଗ୍ଧ ବୋଲେରୋ ଗାଡିରେ ତେଲ ପକାଉଛନ୍ତି । ପୋଲିସ ସନ୍ଦେହ କରିଛି କି ଏହି ଗାଡିରେ ଅପରାଧୀମାନେ ଆସି ସିଦ୍ଧୁ ମୁସେୱାଲାଙ୍କୁ ହତ୍ୟା କରିଛନ୍ତି ।
ଏହି ସନ୍ଦେହରେ ପଞ୍ଜାବ ପୋଲିସ ଗତକାଲି ମଧ୍ୟରାତ୍ରରେ ହରିଆଣାର ଫତେହାବାଦରେ ଚଢାଉ କରି ୨ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି । ସେପଟେ ଏହାପୂର୍ବରୁ ପୋଲିସ ରାଜସ୍ଥାନର ସରଦାରଶହର ଓ ସୀକରରେ ଚଢାଉ କରିଥିଲା । ସରଦାରଶହର ପୋଲିସ ସ୍ପଷ୍ଟ କରିଛି କି ବୋଲେରୋ ଗାଡିଟି ସୀକର ସହରର ବୋଲି ।
ସବୁଠାରୁ ଆଶ୍ଚର୍ଯ୍ୟ କଥା ଅପରାଧୀମାନେ ମୁସେୱାଲାଙ୍କୁ ହତ୍ୟା କରିବା ପରେ ବନ୍ଧୁକ ମୂନରେ ଏକ ଅଲ୍ଟୋ ଗାଡିକୁ ଛଡାଇ ନେଇ ସେଥିରେ ଫେରାର ହୋଇଯାଇଥିଲେ । ହେଲେ ଏହି କାରକୁ ଏବେ ପୋଲିସ ଜବତ କରିଛି ।