ସକ୍ରିୟ ରାଜନୀତିରୁ ସନ୍ୟାସ ନେଲେ ପ୍ରଣବ ମୁଖାର୍ଜୀଙ୍କ ଝିଅ ସର୍ମିଷ୍ଠା ମୁଖାର୍ଜୀ, କିହିଲେ କଂଗ୍ରେସର ସଦସ୍ୟ ହୋଇ ରହିବି
କନକ ବ୍ୟୁରୋ : ପଶ୍ଚିମବଙ୍ଗରେ କଂଗ୍ରେସକୁ ପୁଣି ଏକ ଝଟକା ଲାଗିଛି । ପୂର୍ବତନ ରାଷ୍ଟ୍ରପତି ତଥା କଂଗ୍ରେସର ଦିବଙ୍ଗତ ବରିଷ୍ଠ ନେତା ପ୍ରଣବ ମୁଖାର୍ଜୀଙ୍କ ଝିଅ ସର୍ମିଷ୍ଠା ମୁଖାର୍ଜୀ ସକ୍ରିୟ ରାଜନୀତିରୁ ସନ୍ୟାସ ନେଇଛନ୍ତି । ଏନେଇ ସେ ଘୋଷଣା କରିବା ବେଳେ କହିଛନ୍ତି କି ସେ ସକ୍ରିୟ ରାଜନୀତିରୁ ସନ୍ୟାସ ନେଉଥିଲେ ବି କଂଗ୍ରେସର ସାଧାରଣ ସଦସ୍ୟ ହୋଇ ରହିବେ । ଅନ୍ୟପଟେ ପ୍ରଣବ ମୁଖାର୍ଜୀଙ୍କ ପୁଅ ତଥା ସର୍ମିଷ୍ଠାଙ୍କ ଭାଇ ଅଭିଜିତ ମୁଖାର୍ଜୀ କିଛିଦିନ ପୂର୍ବରୁ କଂଗ୍ରେସ ହାତ ଛାଡି ଟିଏମସିରେ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସର୍ମିିଷ୍ଠା ସକ୍ରିୟ ରାଜନୀତିରୁ ସନ୍ୟାସ ନେଉଥିବା ନେଇ ଟ୍ୱିଟ ଯୋଗେ ସୂଚନା ଦେଇଛନ୍ତି । ସେ କହିଛନ୍ତି କି କେହି ଯଦି ଦେଶର ସେବା କରିବାକୁ ଚାହିଁବ ତେବେ ସେ ଅନ୍ୟ ତରିକାରେ ବି ଦେଶମାତୃକାର ସେବା କରିପାରିବ । ସେ ଆହୁରି କହିଛନ୍ତି କି ବର୍ତମାନ ଯେଭଳି ରାଜନୀତି ଚାଲିଛି ତାହା ମୋ ପାଇଁ ପ୍ରଯୁଜ୍ୟ ନୁହେଁ । ମୁଁ ଅନ୍ୟ କାମରେ ବ୍ୟସ୍ତ ରହୁଥିବାରୁ ସଂଗଠନ ପାଇଁ ସମୟ ଦେଇପାରୁ ନାହିଁ । ସର୍ମିଷ୍ଠା କହିଛନ୍ତି କି“ ବିଶେଷ ଭାବେ ବିରୋଧ ରାଜନୀତି କରିବାକୁ ବହୁତ ଭୋକର ଆବଶ୍ୟକତା ରହିଛି, ହେଲେ ମୁଁ ଅନୁଭବ କରୁଛି କି ମୋ ଭିତରେ ସେଭଳି ଭୋକ ନାହିଁ ” ଏଣୁ ସକ୍ରିୟ ରାଜନୀତିରେ ମୋର ରହିବାର ମାନେ କିଛି ନାହିଁ ବୋଲି ସେ କହିଛନ୍ତି ।
Thanks.Politics was a great learning experience & I thank my party 4 giving me d opportunity 2 work.I too gave my best.But I realised it’s not me!Vision of a democratic pluralistic inclusive India is not exclusive domain of politics! Each one of us can contribute in our own way🙏 https://t.co/zG92kXWs3B
— Sharmistha Mukherjee (@Sharmistha_GK) September 26, 2021
କହିରଖୁ କି ପ୍ରଣବ ମୁଖାର୍ଜୀ କଂଗ୍ରେସ ଦଳରେ ଜଣେ ବରିଷ୍ଠ ନେତା ଭାବେ ପ୍ରାୟ ୫ ଦଶନ୍ଧି କାମ କରିଛନ୍ତି । ସେ କଂଗ୍ରେସ ସରକାର ସମୟରେ ବିଭିନ୍ନ ବିଭାଗର ମନ୍ତ୍ରୀ ଭାବେ ଦାୟିତ୍ୱ ତୁଲାଇଛନ୍ତି । ଏହାସହ ୨୦୦୦ ରୁ ୨୦୦୪ ମଧ୍ୟରେ ଯେତେବେଳେ ମନମୋହନ ସିଂ ପ୍ରଧାନମନ୍ତ୍ରୀ ହୋଇଥିଲେ ସେତେବେଳେ ବି ପ୍ରଧାନମନ୍ତ୍ରୀ ପାଇଁ ପ୍ରଣବ ମୁଖାର୍ଜୀଙ୍କ ନାମକୁ ନେଇ ବେସ୍ ଚର୍ଚ୍ଚା ହୋଇଥିଲା । ହେଲେ ଦଳ ତାଙ୍କୁ ରାଷ୍ଟ୍ରପତି ଆସନରେ ବସିବାର ସୁଯୋଗ ଦେଇ ତାଙ୍କ ରାଜନୈତିକ କ୍ୟାରିଅର ଶେଷ କରିଦେଇଥିଲା ।