କନକ ବ୍ୟୁରୋ: ପରିବେଶ ପ୍ରଦୂଷଣ ବର୍ତମାନର ଏକ ବଡ଼ କାରଣ ପାଲଟିଛି । ବିଭିନ୍ନ ସ୍ଥାନରେ ଏବେ ଭିନ୍ନ ଭିନ୍ନ କାରଣରୁ ପରିବେଶ ପ୍ରଦୂଷଣ ହେଉଛି । ଲୋକମାନେ ଏହାଦ୍ୱାରା ବେଶ ପ୍ରଭାବିତ ହେଉଛନ୍ଚି । ଝାରସୁଗୁଡାରେ ବାୟୁ ପ୍ରଦୂଷଣର ମୁଖ୍ୟ କାରଣ କଳକାଖାନା । ‘ସେଭେନ ଷ୍ଟାର ଷ୍ଟିଲ କାରଖାନା’ ଯୋଗୁଁ ସ୍ଥାନୀୟ ଅଂଚଳରେ ପ୍ରଦୂଷଣମାତ୍ରା ବଢୁଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ଅଭିଯୋଗ ଅନୁସାରେ, ଝାରସୁଗୁଡ଼ା କଲେଣ୍ଡାମାଲ ଠାରେ ଥିବା ‘ସେଭେନ ଷ୍ଟାର କାରଖାନା’ ଯୋଗୁଁ ସ୍ଥାନୀୟ ଅଂଚଳରେ ପ୍ରଦୂଷଣ ମାତ୍ରା ବଢୁଛି । ୧୫ ବର୍ଷ ହେଲା କମ୍ପାନୀରୁ ବାହାରୁଥିବା ଧୂଳି-ଧୂଆଁ, ବର୍ଯ୍ୟବସ୍ତୁ ଓ ରସାୟନ ଯୁ୍କ୍ତ ପାଣି ବାୟୁ ସହ ଚାଷ ଜମି ନଷ୍ଟ ହେଉଛି । କଲେଣ୍ଡାମାଲ ପଂଚାୟତର କେଲଡାଗୁଡି, କଲେଣ୍ଡାମାଲ, ସିଆଲରମା ଆଦି ଅଂଚଳର ଗଛପତ୍ର, ଘରଦ୍ୱାର ସବୁ ଧୂଳିରେ ଢାଙ୍କି ହୋଇପଡୁଥିବା ବେଳେ ଲୋକଙ୍କ ଜୀବନ ଜୀବିକା ପ୍ରଭାବିତ ହୋଇଛି ।
କମ୍ପାନୀ, ପ୍ରଦୂଷଣ ନିୟମ ଉଲଂଘନ କରି ଖୋଲା ସ୍ଥାନରେ ବର୍ଜ୍ୟବସ୍ତୁ ପକାଉଛି । ତେଣୁ ପ୍ରଦୂଷଣ ବଢ଼ିବା ସହ ଲୋକେ ବିଭିନ୍ନ ରୋଗର ଶିକାର ହେଉଛନ୍ତି । ଅନେକ ମୃତ୍ୟୁ ମୁଖରେ ପଡୁଥିବା ଅଭିଯୋଗ ହୋଇଛି । ସେହିପରି କାରଖାନା ପକ୍ଷରୁ ଜଳ ସଂରକ୍ଷଣ ବ୍ୟବସ୍ଥା ନାହିଁ । ପାରିପାର୍ଶ୍ୱକ ଉନ୍ନୟନ ଓ ସାମାଜିକ ଦାୟିତ୍ୱବୋଧ ନିର୍ବାହ ପାଇଁ ଅର୍ଥ ଖର୍ଚ୍ଚ କରାଯାଉ ନାହିଁ ‘ସେଭେନ ଷ୍ଟାର ଷ୍ଟିଲ କାରଖାନା’ । ତେଣୁ କମ୍ପାନୀ ବିରୋଧରେ, ଜିଲ୍ଲା ପ୍ରଶାସନ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ସ୍ଥାନୀୟ ଲୋକେ ।
କମ୍ପାନୀ ବିରୁଦ୍ଧରେ ଗ୍ରାମବାସୀ ଜିଲ୍ଲା ପ୍ରଶାସନର ଦ୍ୱାରସ୍ଥ ହୋଇଛନ୍ତି । ହେଲେ କୌଣସି ପ୍ରଶାସନିକ ଅଧିକାରୀ ଲୋକଙ୍କ ସମସ୍ୟା ବୁଝୁନଥିବା ଅଭିଯୋଗ କରିଛନ୍ତି ଗ୍ରାମବାସୀ ।