ଖୁବଶୀଘ୍ର ୧୨-୧୭ ବର୍ଷର ପିଲାମାନଙ୍କୁ ଦିଆଯିବ କରୋନା ଟିକା, ଜରୁରୀକାଳୀନ ବ୍ୟବହାର ପାଇଁ ଡିସିଜିଆଇ ଦେଲା ମଞ୍ଜୁରୀ
କନକ ବ୍ୟୁରୋ : ଦେଶରେ ଏବେ କରୋନା ସଂକ୍ରମଣ କମିଥିଲେ ବି ଏହାର ଭୟାବହତାକୁ ନଜରରେ ରଖି ୧୨-୧୭ ବର୍ଷ ବୟସର ପିଲାମାନଙ୍କୁ କରୋନା ଟିକା ଦେବାକୁ ଡ୍ରଗ୍ସ କଣ୍ଟ୍ରୋଲର ଆଣ୍ଡ ଜେନରାଲ ଅଫ ଇଣ୍ଡିଆ ଏକ ଟିକାକୁ ମଞ୍ଜୁରୀ ପ୍ରଦାନ କରିଛନ୍ତି । ସେରମ ଇନଷ୍ଟିଚ୍ୟୁଟ ଦ୍ୱାରା ପ୍ରସ୍ତୁତ କୋଭଭାକ୍ସ ଟିକାକୁ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ପ୍ରଦାନ କରାଯାଇଛି । ଏନେଇ ସେରମ ଇନଷ୍ଟିଚ୍ୟୁଟର ମୁଖ୍ୟ ଅଦାର ପୁନାୱାଲା ଟ୍ୱିଟ୍ ଯୋଗେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶରେ ୧୮ ବର୍ଷରୁ କମ ବୟସର ପିଲାମାନଙ୍କ ପାଇଁ ଉପଲବ୍ଧ ହୋଇଥିବା କରୋନା ରୋଧୀ ଟିକାଭାବେ କୋଭଭାକ୍ସ ହେଉଛି ଚତୁର୍ଥ ଟିକା । ଭାରତୀୟ ଔଷଧୀ ମହାନିୟନ୍ତ୍ରକ (ଡିସିଜିଆଇ) କୋଭିଡ-୧୯ ସମ୍ବଧିତ ବିଶେଷଜ୍ଞ ସମିତିର ସୁପାରିଶ ଆଧାରରେ କୋଭଭାକ୍ସକୁ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ପ୍ରଦାନ କରିଥିବା କଥା କୁହାଯାଇଛି । ସେପଟେ କେନ୍ଦ୍ର ସରକାର ୧୫ ବର୍ଷରୁ କମ ବୟସର ପିଲାମାନଙ୍କୁ ଟିକା ଦେବା ନେଇ କୌଣସି ନିଷ୍ପତ୍ତି ନେଇ ନଥିବା କଥା କୁହାଯାଇଛି ।
Novavax in global trials has demonstrated more than 90% efficacy. @SerumInstIndia‘s brand Covovax has completed bridging studies in India & has been granted Emergency Use Authorisation by DCGI for adults & for children above the age of 12. Younger age groups will follow shortly.
— Adar Poonawalla (@adarpoonawalla) March 9, 2022
ଫେବୃଆରୀ ୨୧ ତାରିଖରେ ଡିସିଜିଆଇକୁ ଦିଆଯାଇଥିବା ଆବେଦନ ନେଇ ସେରମ ଇନଷ୍ଟିଚ୍ୟୁଟର ଜଣେ ଅଧିକାରୀ କହିଛନ୍ତି କି ୧୨-୧୭ ବର୍ଷ ମଧ୍ୟରେ ପାଖା ପାଖି ୨୭୦୭ ଜଣ ପିଲାଙ୍କ ଠାରେ ଏହି ଟିକା ପରୀକ୍ଷା କରାଯାଇଛି । ପରୀକ୍ଷାରୁ ଜଣାପଡିଛି କି ଏହି ଟିକା ବେସ ପ୍ରଭାବଶାଳୀ ଓ ଅଧିକ ପ୍ରତିରୋଧକ ଶକ୍ତି ଉତ୍ପନ କରୁଥିବା ଏକ ସୁରକ୍ଷିତ ଟିକା ।