ଏସିଆ କପ୍ କ୍ରିକେଟ୍ କାର୍ଯ୍ୟସୂଚୀ ! ସେପ୍ଟେମ୍ବର ୧୯ ତାରିଖରେ ମୁହାଁମୁହିଁ ହେବେ ଭାରତ-ପାକିସ୍ତାନ, ଦୁବାଇରେ ଲଢିବେ ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ।
ପୁଣି ମୁହାଁମୁହିଁ ହେବେ ଭାରତ ପାକିସ୍ତାନ । ମଙ୍ଗଳବାର ଏସିଆ କପ୍ ୨୦୧୮ ପାଇଁ ଆଇସିସି ପକ୍ଷରୁ କ୍ରୀଡାସୂଚା ପ୍ରକାଶ ପାଇଛି । ସେପ୍ଟେମ୍ବର ୧୬ ତାରିଖରୁ ଦୁବାଇ ଠାରେ ଏସିଆ କପ ଆରମ୍ଭ ହେବା ନେଇ ଧାର୍ଯ୍ୟ କରାଯାଇଛି । ସେହିପରି ସେପ୍ଟେମ୍ବର ୨୬ ତାରିଖରେ ଦୁବାଇଠାରେ ଫାଇନାଲ ମ୍ୟାଚ୍ ଖେଳାଯିବ । ତେବେ ସେପ୍ଟେମ୍ବର ୧୯ ତାରିଖରେ ଭାରତ ଏବଂ ପାକିସ୍ତାନ ମୁହାଁମୁହିଁ ହେବେ ।
୨୦୧୭ ମସିହା ଚାମ୍ପିୟନ୍ସ ଟ୍ରଫିରେ ଶେଷ ଥର ପାଇଁ ମୁହାଁମୁହିଁ ହୋଇଥିଲେ ଭାରତ ପାକିସ୍ତାନ । ଯେଉଁଥିରେ ଭାରତକୁ ଫାଇନାଲ ମ୍ୟାଚରେ ପାକିସ୍ତାନଠାରୁ ପରାଜୟର ସ୍ୱାଦ ଚାଖିବାକୁ ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ପୁଣି ଥରେ ଭାରତ ପାକିସ୍ତାନ ଏସିଆ କପ ୨୦୧୮ରେ ମୁହାଁମୁହିଁ ହେବାକୁ ଯାଉଥିବା ବେଳେ ଚାମ୍ପିୟନ୍ସ ଟ୍ରଫି ବଦଲା ନେବା ଲକ୍ଷ୍ୟରେ ରହିବ ଟିମ୍ ଇଣ୍ଡିଆ । ପ୍ରଥମ ଥର ପାଇଁ ବିରାଟ କୋହଲିଙ୍କ ନେତୃତ୍ୱରେ ଏସିଆ କପ ପାଇଁ ପଡିଆକୁ ଓହ୍ଲାଇବ ଦଳ । ଭାରତ, ପାକିସ୍ତାନ ସମେତ ଶ୍ରୀଲଙ୍କା, ବାଲାଂଦେଶ ଏବଂ ଆଫଗାନିସ୍ତାନ ଅଂଶଗ୍ରହଣ କରୁଥିବା ବେଳେ ୟୁଏଇ, ସିଙ୍ଗାପୁର, ଓମାନ, ନେପାଳ, ମାଲେସିଆ ଏବଂ ହଂକଂ ମଧ୍ୟରୁ ଗୋଟିଏ ଦଳ ପ୍ରତିଯୋଗିତାରେ ପ୍ରବେଶ କରିବ । ଏସିଆ କପ ପାଇଁ ଦୁଇଟି ଗ୍ରୁପ କରାଯାଇଛି । ଗ୍ରୁପ ଏ ରେ ଭାରତ, ପାକିସ୍ତାନ ଏବଂ କ୍ୱାଲିଫାୟାର ଦଳ ରହିଥିବା ବେଳେ ଗ୍ରୁପ ବି ରେ ଶ୍ରୀଲଙ୍କା, ବାଲାଂଦେଶ ଏବଂ ଆଫଗାନିସ୍ତାନ ରହିଛନ୍ତି ।