କନକ ବ୍ୟୁରୋ : ଆରମ୍ଭ ହେଲା ୨ହଜାର ଟଙ୍କିଆ ନୋଟ ବଦଳାଇବା ପ୍ରକ୍ରିୟା । ବ୍ୟାଙ୍କ ଖୋଲିବା ସହ ଲୋକେ ନିଜ ପାଖରେ ଥିବା ୨ହଜାର ଟଙ୍କିଆ ନୋଟ୍ ବଦଳାଇବା ପାଇଁ ବ୍ୟାଙ୍କରେ ପହଂଚିବା ଆରମ୍ଭ କରିଦେଇଛନ୍ତି । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନୋଟକୁ ବଦଳାଇବା ପାଇଁ ଗାଇଡଲାଇନ୍ ଜାରି କରିଛି । ଜଣେ ବ୍ୟକ୍ତି ଏକାଥରକେ ୨୦ହଜାର ଟଙ୍କା ବ୍ୟାଙ୍କରେ ନୋଟ୍ ବଦଳାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବ୍ୟାଙ୍କ ଆକାଉଂଟରେ ୨ହଜାର ଟଙ୍କିଆ ନୋଟ୍ ଜମା ମଧ୍ୟ କରିବା ପାଇଁ କୌଣସି ଲିମିଟ୍ ନଥିବା କହିଛନ୍ତି ବ୍ୟାଙ୍କ କର୍ତୃପକ୍ଷ । ବ୍ୟାଙ୍କରେ ୨ହଜାର ଟଙ୍କିଆ ନୋଟ୍ ବଦଳାଇବା ପାଇଁ କୌଣସି ଫର୍ମ ପୂରଣ କରିବାକୁ ପଡ଼ିବ ନାହିଁ ବୋଲି ଆରବିଆଇ ସୂଚନା ଦେଇସାରିଛି । ତେବେ ୫୦ହଜାର ଟଙ୍କାରୁୁ ଅଧିକ ୨ହଜାର ଟଙ୍କିଆ ନୋଟ ବଦଳାଇଲେ ପାନକାର୍ଡ ତଥ୍ୟ ଦେବାକୁ ପଡିବ । ଭୁବନେଶ୍ୱର ଏସବିଆଇ ମୁଖ୍ୟ ଶାଖାରେ ୨ହଜାର ଟଙ୍କିଆ ନୋଟ୍ ବଦଳାଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ଓଡ଼ିଶାର ଏସବିଆଇ ପାଖରେ ୧୨ହଜାର କୋଟି ଟଙ୍କା ମହଜୁଦ ରହିଛି । ଏସବିଆଇର ୬୪ଟି କରେନ୍ସି ଚେଷ୍ଟରେ ୫୦୦, ୨୦୦ ଓ ୧୦୦ ଟଙ୍କିଆ ଆକାରରେ ମହଜୁତ ରହିଛି । ରାଜ୍ୟରେ ଥିବା ସମସ୍ତ ୮୯୦ଟି ଶାଖାରେ ଏସବିଆଇ ନୋଟ୍ ବଦଳାଇବା ପାଇଁ ବ୍ୟବସ୍ଥା କରାଯାଇଥିବା ସୂଚନା ଦେଇଛନ୍ତି ଏସବିଆଇ ମୁଖ୍ୟ ମହାପ୍ରବନ୍ଧକ ଚନ୍ଦ୍ରଶେଖର ଶର୍ମା । ସେହିପରି ଓଲିଉଡର ବରିଷ୍ଠ ହାସ୍ୟଭିନେତା ହରିହର ମହାପାତ୍ର ମଧ୍ୟ ବ୍ୟାଙ୍କକୁ ଯାଇ ୨ ହଜାର ଟଙ୍କିଆ ନୋଟ ଫେରାଇଛନ୍ତି ।