କନକ ବ୍ୟୁରୋ: ଏବେ ଚାରିଆଡେ କରୋନାର ତୃତୀୟ ଲହର ଭୟ । କେହି କୁଆଡେ ଯିବାକୁ ଡରୁଛନ୍ତି । କିଛି ଗୁରୁତ୍ୱପୂର୍ଣ୍ଣ ସେବା ପାଇଁ ବାହାରକୁ ବାହାରିବାକୁ ବାଧ୍ୟ ହେଉଛନ୍ତି ଲୋକେ । ହେଲେ ଏନେଇ ଲୋକଙ୍କୁ ଆଶ୍ୱସ୍ତ କରିଛି ଭାରତର ସବୁଠୁ ବଡ ଜାତୀୟ ବ୍ୟାଙ୍କ ଏସବିଆଇ । ଏସବିଆଇ ନିଜ ଗ୍ରାହକଙ୍କ ପାଇଁ ଆଣିଛି ଏକ ନୂଆ ସେବା । ଯାହାଦ୍ୱାରା ଏହି ବ୍ୟାଙ୍କର ଗ୍ରାହକମାନେ ଅତି ଗୁରୁତ୍ୱପୂର୍ଣ୍ଣ ତଥ୍ୟ ବାବଦରେ ଜାଣିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏସବିଆଇ ଦେଇଛି ‘‘Stay safe at home’’ର ସ୍ଲୋଗାନ୍ । ଗ୍ରାହକ କିପରି ଘରେ ସୁରକ୍ଷିତ ରହି ବ୍ୟାଙ୍କର ଅନେକ ଗୁରୁତ୍ୱପୂର୍ଣ୍ଣ କାର୍ଯ୍ୟ ଘରୁ ହିଁ କରିପାରିବେ ସେଥିପାଇଁ ଏସବିିଆଇ ଆରମ୍ଭ କରିଛି ଏକ ନୂଆ ସର୍ଭିସ୍ । ନିଜ ଗ୍ରାହକଙ୍କ ପାଇଁ ଜାରି କରିଛି ଏକ ଟୋଲଫ୍ରି ନମ୍ବର । ଟୋଲ ଫ୍ରି ନମ୍ବର ୧୮୦୦ ୧୨୩୪ ଜରିଆରେ ଗ୍ରାହକମାନେ ବ୍ୟାଙ୍କକୁ ନଯାଇ ଘରେ ନିଜର ଗୁରୁତ୍ୱପୂର୍ଣ୍ଣ ବ୍ୟାଙ୍କ କାର୍ଯ୍ୟ କରିପାରିବେ ।
Stay safe at home, we are there to serve you. SBI provides you a contactless service that will help you with your urgent banking needs.
Call our toll free number 1800 1234.#SBIAapkeSaath #StayStrongIndia #SBI #StateBankOfIndia #IVR #AzadiKaAmritMahotsavWithSBI #AmritMahotsav pic.twitter.com/QZNzVgPzYd
— State Bank of India (@TheOfficialSBI) January 20, 2022
ଭାରତୀୟ ଷ୍ଟେଟବ୍ୟାଙ୍କ ତରଫରୁ ଦିଆଯାଇଥିବା ସୂଚନା ମୁତାବକ, ଏହି ଟୋଲଫ୍ରି ନମ୍ବରରେ କଲ୍ କରି ଗ୍ରାହକ ନିଜ ଆକାଉଣ୍ଟ ସମ୍ପର୍କିତ ସମସ୍ତ ତଥ୍ୟ ପାଇପାରିବେ । ଆସନ୍ତୁ ଜାଣିବା ଏହି ନମ୍ବର ଆଧାରରେ ଗ୍ରାହକ ପାଉଥିବା ଅନ୍ୟାନ୍ୟ ସୁବିଧା ବାବଦରେ ।
ଏସବିଆର ଏହି ଟୋଲ ଫ୍ରି ନମ୍ବର ଜରିଆରେ ଆପଣ ନିଜର ବ୍ୟାଙ୍କ ବାଲାନ୍ସ ଜାଣିପାରିବେ ।
ଏସବିଆଇର ଟୋଲ ଫ୍ରି ନମ୍ବର ୧୯୦୦ ୧୨୩୪ ରେ ମ୍ୟାସେଜ କରି ଆପଣ ନିଜର ପୂର୍ବ ୫ଟି ଟ୍ରାନଜାକ୍ସନ୍ ବାବଦରେ ସବିଶେଷ ବିବରଣୀ ପାଇପାରିବେ ।
ଏହି ନମ୍ବର ଜରିଆରେ ଆପଣ ନିଜର ଏଟିଏମ କାର୍ଡ ବ୍ଲକ କରିପାରିବେ ।
କେବଳ ଏତିକି ନୁହେଁ ଏହି ଟୋଲ ଫ୍ରି ନମ୍ବରରେ କଲ କରି ଆପଣ ଏଟିଏମ କାର୍ଡ ପାଇଁ ଆବେଦନ କରିପାରିବେ ।
ଏହାସହ ଏହି ନମ୍ବର ସହାୟତାରେ ଆପଣ ଘରେ ବସି ନୂଆ ଏଟିଏମ କାର୍ଡର ପିନ୍ ନମ୍ବର ଜେନେରଟ କରିପାରିବେ ।
କିନ୍ତୁ ମନେ ରଖନ୍ତୁ କୌଣସି ଏଟିଏମ କାର୍ଡକୁ ବ୍ଲକ କରିବା ପରେ ଯାଇ ନୂଆ କାର୍ଡ ପାଇଁ ଆପ୍ଲାଏ କରିପାରିବେ, ଯାହାସବୁ ଆପଣ ଏହି ନମ୍ବରରେ କଲ କରି କରିପାରିବେ ।
ଏସବିଆଇ ଗ୍ରାହକମାନେ ଉପରୋକ୍ତ ସମସ୍ତ ସୁବିଧା ଏହି ଟୋଲ ଫ୍ରି ନମ୍ବରରେ କଲ କରି କିମ୍ବା ମ୍ୟାସେଜ କରି ପାଇପାରିବେ ।