ତିହାର ଜେଲରେ ମନ୍ତ୍ରୀ ସତ୍ୟେନ୍ଦ୍ର ଜେନଙ୍କୁ ମାଲିସ : ସାମ୍ନାକୁ ଆସିଲା ଭିଡିଓ; ସମାଲୋଚନା କଲା ବିଜେପି
କନକ ବ୍ୟୁରୋ : ତିହାର ଜେଲରୁ ଏପରି ଏକ ଭିଡିଓ ଆସିଛି ଯାହାକୁ ଦେଖିଲେ ଆପଣଙ୍କର ଆଇନକାନୁନ ଉପରେ ଭରସା ଉଠିଯିବ । ଦେଖନ୍ତୁ ଏ ଦୃଶ୍ୟକୁ । ଏ ଦୃଶ୍ୟ ହେଉଛି ଦିଲ୍ଲୀର ତିହାର ସେଣ୍ଟ୍ରାଲ ଜେଲ ଭିତରର । ମସାଜ ନେଉଥିବା ଏହି ବାବୁ ଜଣଙ୍କ ହେଉଛନ୍ତି ଦିଲ୍ଲୀର ସବୁଠୁ ପାୱାରଫୁଲ ମନ୍ତ୍ରୀ ସତ୍ୟେନ୍ଦ୍ର ଜୈନ । ବେଆଇନ ଭାବେ ତିନି କମ୍ପାନିକୁ ଅନୁକମ୍ପା ଦେଖାଇ ଲାଞ୍ଚ ନେବା ଅଭିଯୋଗରେ ଇଡି ତାଙ୍କୁ ଗିରଫ କରିଥିଲା । ସେ ଏବେ ତିହାର ଜେଲରେ ଅଛନ୍ତି । ଜେଲ ଭିତରେ ଜଣେ ବ୍ୟକ୍ତି ତାଙ୍କ ଗୋଡ ଏବଂ ମୁଣ୍ଡକୁ ମସାଜ କରୁଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଜେଲରେ ଏହି ଆପ୍ ନେତାଙ୍କୁ ଭିଆଇପି ସୁବିଧା ମିଳୁଥିବା ନେଇ ବୁଧବାର ପ୍ରବର୍ତନ ନିର୍ଦ୍ଦେଶାଳୟ ଇଡି କୋର୍ଟରେ ଅଭିଯୋଗ କରିଥିଲା । ଆଉ ଏହାର ଦିନକ ପରେ ଆପର ଏହି ନେତାଙ୍କ ଭିଡିଓ ଭାଇରାଲ ହେଉଛି । କରୋନା ଭାଇରସ ପାଇଁ କର୍ଫ୍ୟୁ ଲାଗୁ ହୋଇଥିବା ବେଳେ ମନ୍ତ୍ରଙ୍କୁ ସ୍ପେଶାଲ ଖାଇବା ଦିଆଯାଉଥିଲା ବୋଲି ଇଡି କହିଛି । ଜେଲ ଭିତରେ ଖଟରେ ଶୋଇ ମନ୍ତ୍ରୀ ପେପର ପଢୁଛନ୍ତି । ଆଉ ଜଣେ ବ୍ୟକ୍ତି ତାଙ୍କ ଗୋଡକୁ ମାଲିସ କରୁଛନ୍ତି । ଜୈନଙ୍କ ଏହି ଭିଡିଓ ଭାଇରାଲ ହେଉଥିବା ବେଳେ ଆପ୍ ପକ୍ଷରୁ କୌଣସି ନେତାଙ୍କ ବୟାନ ଆସିନାହିଁ ।