ବିଡ଼ିଓଙ୍କୁ ମାଡ ଅଭିଯୋଗ : ଥାନାରେ ଏତଲା ଦେଲେ ସତ୍ୟ ନାରାୟଣ ମେହେର
କନକ ବ୍ୟୁରୋ : ନବରଙ୍ଗପୁର ଜିଲ୍ଲା ଝରିଗାଁ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ କାର୍ଯ୍ୟାଳୟରେ ମାଡ ମାରିଥିବା ଅଭିଯୋଗ । ଏନେଇ ଝରିଗାଁ ଥାନାରେ ଅଭିଯୋଗ କରିଛନ୍ତି ବିଡିଓ ସତ୍ୟ ନାରାୟଣ ମେହେର । ପାଲିଆ ପଞ୍ଚାୟତର ସରପଞ୍ଚ ରାଧା ସାନ୍ତାଙ୍କ ସ୍ୱାମୀ ପବିତ୍ର ସାନ୍ତା ଓ ତାଙ୍କ ସହଯୋଗୀ ରମେଶ ହରିଜନ ମାଡ ମାରିଥିବା ଅଭିଯୋଗ କରିଛନ୍ତି ବିଡିଓ । ଅଭିଯୋଗ ଅନୁସାରେ ପବିତ୍ର ଓ ରମେଶ ବିଡିଓଙ୍କ କାର୍ଯ୍ୟାଳୟକୁ ପଶି ଆସି ପ୍ରଥମେ ସିସିଟିଭି କ୍ୟାମେରାକୁ ବନ୍ଦ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ କେସ ରେଜିଷ୍ଟର ମାଗି ସେଥିରେ ଦସ୍ତଖତ କରିବାକୁ କହି ମାଡ ମାରିଥିବା ଝରିଗାଁ ବିଡିଓ ଅଭିଯୋଗ ଆଣିଛନ୍ତି । ଅନ୍ୟପଟେ ପବିତ୍ର ସାନ୍ତା ଓ ରମେଶ ପାଲଟା ଅଭିଯୋଗ କରି କହିଛନ୍ତି ବିଡିଓ ଏକ କାମ ରିଲିଜ କରିବାକୁ ଦୁଇ ପ୍ରତିଶତ ଲାଞ୍ଚ ମାଗିଥିଲେ । ଲାଞ୍ଚ ନଦେବାକୁ ଅସଭ୍ୟ ଭାଷାରେ ଗାଳିଗଲୁଜ କରିିଥିବା ନେଇ ଝରିଗାଁ ଥାନାରେ ଲିଖିତ ଅଭିଯୋଗ କରିଛନ୍ତି । ଉଭୟ ପକ୍ଷରୁ ଏତଲା ପାଇବା ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।