ଭଦ୍ରକ ବେଲଗଡିଆ ସ୍କୁଲରେ ପାଠ ପଢାଲଲେ ସରପଞ୍ଚ ବାବୁ। ସୋସିଆଲ ମିଡିଆରେ ଭିଡିଓ ଭାଇରାଲ।
କନକ ବ୍ୟୁରୋ: ସ୍କୁଲରେ ପାଠପଢାଉଛନ୍ତି ସରପଞ୍ଚ । ଭଦ୍ରକ ଜିଲ୍ଲା ବେଲଗଡିଆ ଉଚ୍ଚବିଦ୍ୟାଳୟରେ ଭଣ୍ଡାରପୋଖରୀ ବ୍ଲକର ରହଣିଆ ସରପଞ୍ଚ ପହଞ୍ଚି ପିଲାମାନଙ୍କୁ ପାଠପଢାଇଛନ୍ତି । ସରପଞ୍ଚ ରଞ୍ଜନ ପରିଡା ନିଜ ପଞ୍ଚାୟତ ଅଧିନରେ ଥିବା ବିଭିନ୍ନ ସ୍କୁଲ ପରିଦର୍ଶନ କରିବାକୁ ଯାଇ ସ୍ଥିତି ଅନୁଧ୍ୟାନ କରୁଛନ୍ତି । ତେବେ ସେ ଏହି ସ୍କୁଲରେ ପହଞ୍ଚିବା ପରେ ଦେଖିଥିଲେ ଏଠାରେ ଶିକ୍ଷକଙ୍କ ଅଭାବ ରହିଛି, ପାନୀୟ ଜଳ, ଶ୍ରେଣୀଗୃହର ସମସ୍ୟା ରହିଛି । ଏହାକୁ ଦେଖି ସେ କିଛି ସମୟ ଛାତ୍ରଛାତ୍ରୀଙ୍କୁ ପାଠ ପଢାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସ୍କୁଲରେ ଷଷ୍ଠ ଶ୍ରେଣୀରୁ ଦଶମ ଶ୍ରେଣୀ ଥିବା ବେଲେ ରଞ୍ଜନ ପିିଲାଙ୍କ ଦକ୍ଷତା ମାପିବା ସହ ପାଠପଢାଇଥିଲେ । ପରେ ସ୍କୁଲର ଶିକ୍ଷକଙ୍କ ସହ ବିଭିନ୍ନ ସମସ୍ୟା ନେଇ ଆଲୋଚନା କରିଥିଲେ। ପାଠପଢା ଶେଷ ପରେ ସେ ସ୍କୁଲରୁ ବାହରିଥିଲେ, ଯିବାବେଳେ ପିଲାଙ୍କୁ ଉତ୍ସାହିତ କରିବା ପାଇଁ ପାଠ୍ୟ ଉପକରଣ ଏବଂ ଚକଲେଟ ମଧ୍ୟ ବଣ୍ଟନ କରିଥିଲେ । ବର୍ତ୍ତମାନ ସରପଞ୍ଚ ବାବୁଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଲୋକ ମଧ୍ୟ ତାଙ୍କ ପ୍ରଂଶସାରେ ଶତମୁଖ ।