ପରିବାର ସହ ନଥିଲା ସୁଶାନ୍ତ ସିଂହ ରାଜପୁତଙ୍କ ଭଲ ସମ୍ପର୍କ । ବଡ଼ ବୟାନ ରଖିଲେ ଶିବସେନା ନେତା ସଞ୍ଜୟ ରାଉତ ।
କନକ ବ୍ୟୁରୋ : ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ଏବେ ରାଜନୀତିର ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହୋଇଛି । ଏହା ବାବଦରେ ଶିବସେନା ନେତା ସଞ୍ଜୟ ରାଓତ ମୁଖପତ୍ର ସାମନାରେ ଅନେକ ଅଭିଯୋଗ କରିଛନ୍ତି । ସଞ୍ଜୟ ରାଓତ ବିହାର ପୁଲିସ ଏବଂ କେନ୍ଦ୍ରକୁ ମହାରାଷ୍ଟ୍ର ସରକାରଙ୍କ ବିରୋଧରେ ଷଡଯନ୍ତ୍ର କରିଥିବା ଅଭିଯୋଗ କରିଛନ୍ତି । ଏଥିସହ ସେ ଅଭିଯୋଗ କରିଛନ୍ତି ଯେ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ ଜଣେ ବିଜେପି କର୍ମୀ ଏବଂ ୨୦୦୯ ମସିହାରେ ତାଙ୍କ ବିରୋଧରେ ଅନେକ ଅଭିଯୋଗ ଆସିଥିଲା । ରାଓତ ଲେଖିଛନ୍ତି ଯେ ସୁଶାନ୍ତ ସିଂ ରାଜପୁତ ମାମଲାର ତଦନ୍ତ ବର୍ତ୍ତମାନ ସିବିଆଇ ହାତରେ ପହଞ୍ଚିଛି ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇ ପୁଲିସର ତଦନ୍ତ ଆରମ୍ଭ ହୋଇଥିବାବେଳେ ବିହାର ସରକାର ସିବିଆଇ ତଦନ୍ତ ଦାବିକୁ କେନ୍ଦ୍ର ସରକାର ତୁରନ୍ତ ଅନୁମୋଦନ କରିଛନ୍ତି । ଏକ ମାମଲାକୁ ରାଜନୀତିକରଣ କରିବା ପାଇଁ, ସିବିଆଇ, ଇଡି ପରି କେନ୍ଦ୍ରୀୟ ସଂସ୍ଥାକୁ ବ୍ୟବହାର କରାଯାଇଛି । ସେ ତାଙ୍କ ଆଲେଖ୍ୟରେ ଲେଖିଛନ୍ତି ଯେ ସୁଶାନ୍ତ ସିଂ ରାଜପୁତ ମାମଲାରେ ବିହାର ସରକାର ହସ୍ତକ୍ଷେପ କରିବାର କୌଣସି ଆବଶ୍ୟକତା ନାହିଁ ।
କିଛି ବର୍ଷ ମଧ୍ୟରେ, ସୁଶାନ୍ତ ମୁମ୍ବାଇବାସୀ ହୋଇଯାଇଥିଲେ । ତାଙ୍କର ବିହାର ସହିତ କୌଣସି ସମ୍ପର୍କ ନଥିଲା । ମୁମ୍ବାଇ ତାଙ୍କୁ ସମ୍ପୂର୍ଣ୍ଣ ଗୌରବ ଦେଇଥିଲା । ସଂଘର୍ଷ ସମୟରେ ବିହାର ତାଙ୍କ ପଛରେ ନଥିଲା । ସୁଶାନ୍ତଙ୍କର ତାଙ୍କ ବାପାଙ୍କ ସହ ସମ୍ପର୍କ ଭଲ ନଥିଲା । ପିତାଙ୍କ ଦ୍ୱିତୀୟ ବିବାହକୁ ସୁଶାନ୍ତ ପସନ୍ଦ କରୁନଥିଲେ । ଆଉ ଏବେ ତାଙ୍କ ବାପାଙ୍କୁ କୁହାଯାଇ ଏତଲା ଦିଆଯାଇଛି ଓ ସିବିଆଇ ତଦନ୍ତ କରାଯାଉଛି ।