ବାଲୁକା କଳାରେ ବାର୍ତ୍ତା । ବାତ୍ୟା ‘ତିତଲି’ ପାଇଁ ସଜାଗ ରୁହ, ସତର୍କ ରୁହ ।
କନକ ବ୍ୟୁରୋ: ସମ୍ଭାବ୍ୟ ବାତ୍ୟା ‘ତିତଲି’କୁ ନେଇ ଏବେ ରାଜ୍ୟବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । କାରଣ ଭାରତୀୟ ପାଣିପାଗ ସୂଚନା ଅନୁସାରେ ସାମୁଦ୍ରିକ ଝଡ଼ ତିତଲୀ ସ୍ଥଳଭାଗକୁ ଛୁଇଁଲା ବେଳେ ଏହାର ପବନର ବେଗ ଅଧିକ ବଢ଼ିବ । ତେବେ ବାତ୍ୟାକୁ ନେଇ ଲୋକମାନଙ୍କ ମନରେ ଭୟ ଖେଲିଥିବାବେଳେ ଏହି ସମ୍ଭାବ୍ୟ ବାତ୍ୟା ପରିସ୍ଥିତିର ମୁକାବିଲା ଦରକାର । ଭୟ ଦ୍ୱାରା ନୁହେଁ ବର ସାହସ ଯୋଗାଡ଼ କରିବାକୁ ବାଲୁକା ଶିଳ୍ପଦ୍ୱାରା ଅନୁରୋଧ କରିଛନ୍ତି ପଦ୍ମଶ୍ରୀ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ପୁରୀ ସମୁଦ୍ର ବେଳାଭୂମିରେ ଏନେଇ ଏକ ବିଶାଳ ବାଲୁକା ଚିତ୍ର କରିଛନ୍ତି ସୁଦର୍ଶନ ପଟ୍ଟନାୟକ। ତେବେ ଏହି ବାଲୁକା କଳାକୁ ନିଜର ଟ୍ୱିଟର ଜରିଆରେ ଶେୟାର କରିଛନ୍ତି ସୁଦର୍ଶନ । ସେ କହିଛନ୍ତି ଯେ, “ଭୟ କରନ୍ତୁ ନାହିଁ ବରଂ ସାହସ ଏକଜୁଟ୍ କରନ୍ତୁ’ । ପରିସ୍ଥିତିକୁ ମୁକାବିଲା କରିବା ପାଇଁ ଅନ୍ୟକୁ ସାହସ ଓ ସାହାଯ୍ୟ ଯୋଗାଇବା ଦରକାର । ଭୟ ଆବଶ୍ୟକ ନୁହେଁ ବୋଲି ସୁଦର୍ଶନ ବାର୍ତ୍ତା ଦେଇଛନ୍ତି ।
ସେପଟେ ମିଳିଥିବା ସୂଚନା ଅନୁସାରେ ବର୍ତମାନ ସମୟରେ ବାତ୍ୟା ତିତଲି ଗୋପାଳପୁରଠାରୁ ମାତ୍ର ୩୭୦ କିଲୋମିଟର ଦୂରରେ ରହିଛି । ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ବାତ୍ୟା ବର୍ତମାନ ସମୟରେ ଘଣ୍ଟାପ୍ରତି ମାତ୍ର ୧୦ କମି ବେଗରେ ସ୍ଥଳ ଭାଗ ଆଡକୁ ମୁହାଁଉଛି । ତେବେ ଏହା ପ୍ରଭାବରେ ଓଡିଶାରେ ବର୍ଷା ଆରମ୍ଭ ହୋଇଯିବା ସହ ୧୪୫ କିମି ବେଗରେ ପବନ ବୋହିବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଆଜିରାତି ୧୧.୩୦ରେ ବାତ୍ୟା ଭୟଙ୍କର ସାମୁଦ୍ରିକ ଝଡର ରୂପ ନେବ ବୋଲି ସୂଚନା ମିଳିଛି ।