ସାରା ବିଶ୍ୱକୁ ଗ୍ରାସ କରୁୁଛି ମାନ୍ଦାବସ୍ଥା । ମହାମାରୀ ପରେ ରୁଷ-ୟୁକ୍ରେନ ଯୁଦ୍ଧ ଆଣିଦେଲା ଆର୍ଥିକ ସଙ୍କଟ ।
କନକ ବ୍ୟୁରୋ: ସଙ୍କଟ ଆଣିଛି ଋଷ-ୟୁକ୍ରେନ ଯୁଦ୍ଧ । ଆଉ ଏହାରି ଭିତରେ ସାରା ଦୁନିଆକୁ ଏବେ ଘାରିଛି ଆର୍ଥିକ ମାନ୍ଦାବସ୍ଥାର ଭୟ । ଋଷ-ୟୁକ୍ରେନ ଯୁଦ୍ଧକୁ ଅଢେଇ ମାସରୁ ଅଧିକ ହେଲାଣି । କିନ୍ତୁ ଯୁଦ୍ଧ ଥମିବାର ନାଁ ନେଉନାହିଁ । ଯୁଦ୍ଧ ଯୋଗୁଁ ସାରା ବିଶ୍ୱରେ ଏବେ ଯୋଗାଣ ବ୍ୟାହତ ହୋଇଛି । ତୈଳ, ଖାଇବା ତେଲ, ଗ୍ୟାସ ଓ ଅନ୍ୟ ସାମଗ୍ରୀ ଯୋଗାଣ ଗୁରୁତର ଭାବେ ବାଧାପ୍ରାପ୍ତ ହୋଇଛି । ତେଣୁ କୁହାଯାଉଛି ଆମେରିକା ସମେତ ସାରା ବିଶ୍ୱ ଏବେ ମାନ୍ଦାବସ୍ଥା ଆଡକୁ ଗତି କରୁଛି । ସାଧାରଣତଃ କୌଣସି ଦେଶର ଜିଡିପି କ୍ରମାଗତ ଭାବେ କମିଲେ ଏହାକୁ ଆର୍ଥିକ ମାନ୍ଦାବସ୍ଥା କୁହାଯାଇଥାଏ । ଏଥିପାଇଁ ୫ଟି କାରଣକୁ ମୁଖତଃ ଦାୟୀ ବୋଲି କୁହାଯାଉଛି । ୧୯୩୦ରେ ବିଶ୍ୱର ଭୟାବହ ମାନ୍ଦାବସ୍ଥା ଦେଖାଦେଇଥିଲା । ଏବେ ଆସନ୍ତୁ ଜାଣିବା ମାନ୍ଦାବସ୍ଥା ପଛରେ ପ୍ରମୁଖ ୫ଟି କାରଣ ।
Kanak News is now on WhatsApp
Join and get latest news updates delivered to you via WhatsApp
କରୋନା ମହାମାରୀ
- ୨୦୧୯ରେ କରୋନା ମହାମାରୀ ଆସିବା ପରେ ସାରା ବିଶ୍ୱ ଆର୍ଥିକ ମାନ୍ଦାବସ୍ଥା ଦେଇ ଗତି କରୁଛି ।
- ଚୀନରେ ପୁଣି କରୋନା ଲହର ଆସିଛି ।
- ସାଂଘାଇ ସମେତ କିଛି ସ୍ଥାନରେ ଲକଡାଉନ ହୋଇଛି
- ଶିଳ୍ପସଂସ୍ଥା ବନ୍ଦ ହେବା ଫଳରେ ସପ୍ଲାଇ ଚେନ ବାଧାପ୍ରାପ୍ତ ହୋଇଛି
ଋଷ-ୟୁକ୍ରେନ ଯୁଦ୍ଧ
- ଯୁଦ୍ଧ ଯୋଗୁଁ ସାରା ବିଶ୍ୱରେ ଅତ୍ୟାବଶ୍ୟକ ସାମଗ୍ରୀର ସଙ୍କଟ ସୃଷ୍ଟି ହୋଇଛି ।
- ଗହମ, ତୈଳ ଉତ୍ପାଦନ ଓ ଯୋଗାଣ ବାଧାପ୍ରାପ୍ତ ହୋଇଛି
ମହଙ୍ଗା ମାଡ
- ଭାରତ ଭଳି ଦେଶରେ ବିଭିନ୍ନ ଅତ୍ୟାବଶ୍ୟକ ସାମଗ୍ରୀ ଦର ହୁ ହୁ ହୋଇ ବଢିଛି
- ତୈଳ, ଖାଇବା ସାମଗ୍ରୀ, ଖାଇବା ତେଲ ଦର ଆକାଶଛୁଆଁ ହୋଇଛି
- ଆମେରିକାରେ ମଧ୍ୟ ମୁଦ୍ରାସ୍ପୀତି ୮.୫ ପ୍ରତିଶତ ରହିଛି, ଯାହା ୪୧ ବର୍ଷରେ ସବୁଠାରୁ ଅଧିକ
ସୁଧହାର ବଢୁଛି
- ମହଙ୍ଗା ମାଡ ଯୋଗୁଁ ବ୍ୟାଙ୍କଗୁଡିକ ସୁଧହାର ବଢାଇଚାଲିଛନ୍ତି
- ରିଜର୍ଭ ବ୍ୟାଙ୍କ ବି ରେପୋ ରେଟ ବଢାଇଛି
- ଆମେରିକାର ରିଜର୍ଭ ଫେଡରାଲ ବ୍ୟାଙ୍କ ବି ସୁଧହାର ବଢାଇଛି
ଅଶୋଧିତ ତୈଳ ଦର ବୃଦ୍ଧି
- ବିଶ୍ୱରେ ଅଶୋଧିତ ତୈଳ ଦର ବଢିବାରେ ଲାଗିଛି
- ବ୍ୟାରେଲ ପିଚ୍ଛା ଏହା ଏକହଜାର ଡଲାର ଉପରେ ରହୁଛି
- ଭାରତ ଭଳି ବିକାଶଶୀଳ ଦେଶ ଏହା ଦ୍ୱାରା ଅନେକ ପ୍ରଭାବିତ ହୋଇଛନ୍ତି