କନକ ବ୍ୟୁରୋ: ସୋସିଆଲ ମିଡିଆରେ ଜଣେ ମହିଳା ଆରପିଏଫଙ୍କ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ବାସ୍ତବରେ ଏହି ମହିଳା ଆରପିଏଫ ଜଣକ ଏପରି କାମ କରିଛନ୍ତି ଯେଉଁଥିପାଇଁ ତାଙ୍କୁ ଭୁରିଭୁରି ପ୍ରଶଂସା କରାଯାଉଛି। ଏହି ଭିଡିଓ ବିଶାଖାପାଟନମ୍ ରେଳ ଷ୍ଟେସନରୁ ଆସିଛି। ଯେଉଁଥିରେ ଚଳନ୍ତା ଟ୍ରେନରେ ଚଢ଼ୁଥିବା ବେଳେ ଖସି ପଡ଼ୁଥିବା ଯାତ୍ରୀଙ୍କୁ ଉପସ୍ଥିତ ବୁଦ୍ଧି ଖଟାଇ ଜଣେ ମହିଳା ଆରପିଏଫ ତୁରନ୍ତ ଉଦ୍ଧାର କରି ନେଉଥିବା ଦେଖିବାକୁ ମିଳିଛି। ଏହି ଭିଡିଓରେ ମହିଳା ଆରପିଏଫଙ୍କ କାମକୁ ଦେଖି ରେଳ ମନ୍ତ୍ରଣାଳୟ ନିଜର ଅଫିସିଆଲ୍ ଟ୍ୱିଟର ଆକାଉଣ୍ଟରେ ଏହାକୁ ସେୟାର କରିବା ସହିତ ମହିଳା ଆରପିଏଫଙ୍କୁ ପ୍ରଶଂସା କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
Serving Humanity First:
An alert RPF woman constable of “Meri Saheli” team at Visakhapatnam Railway station rescued a passenger falling under a moving train.
The episode was caught on the body-worn camera of RPF personnel. pic.twitter.com/05FJvP8Xju— Ministry of Railways (@RailMinIndia) February 10, 2021
ଜଣେ ବ୍ୟକ୍ତି ଚଳନ୍ତା ଟ୍ରେନରେ ଚଢ଼ିବାକୁ ଚେଷ୍ଟା କରୁଥିଲେ। ଏହି ସମୟରେ ହଠାତ୍ ତାଙ୍କ ଗୋଡ ଖସି ଯିବାରୁ ସେ ତଳେ ପଡ଼ି ଯାଇଥିଲେ। ଏତିକିବେଳେ ସେଠାରେ ଡ୍ୟୁଟିରେ ନିୟୋଜିତ ଥିବା ମହିଳା ଆରପିଏଫ୍ ଦୌଡ଼ି ଯାଇ ଉକ୍ତ ବ୍ୟକ୍ତିଙ୍କୁ ମୃତ୍ୟୁମୁଖରୁ ବଞ୍ଚାଇ ଦେଇଥିଲେ। ରେଳ ମନ୍ତ୍ରଣାଳୟ ଏହି ଭିଡିଓ କ୍ଲିପ୍ ସେୟାର୍ କରି ଲେଖିଛି, “ପ୍ରଥମେ ମାନବ ସେବା କରିବା: ବିଶାଖାପାଟନମ୍ ରେଳ ଷ୍ଟେସନରେ ଆରପିଏଫର ଜଣେ ସତର୍କ ମହିଳା କନଷ୍ଟେବଳ ଜଣେ ଯାତ୍ରୀଙ୍କୁ ଚଳନ୍ତା ଟ୍ରେନ୍ ତଳେ ପଡ଼ିଯିବାରୁ ରକ୍ଷା କରିଛନ୍ତି। ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି ।