କନକ ବ୍ୟୁରୋ: ରାଜ୍ୟର ୫ଟି ଜିଲ୍ଲାରେ ସ୍ୱାଭାବିକ ଠାରୁ କମ୍ ହୋଇଛି ବର୍ଷା । ଏହି ଜିଲ୍ଲାଗୁଡ଼ିକରେ କୋରାପୁଟ, ଖୋର୍ଦ୍ଧା, ନବରଙ୍ଗପୁର, କଟକ ଏବଂ କଳାହାଣ୍ଡି ରହିଛି ବୋଲି ବିଧାନସଭାରେ ବିବୃତି ରଖିଛନ୍ତି ରାଜସ୍ୱମନ୍ତ୍ରୀ ସୁଦାମ ମାର୍ଣ୍ଡି । ସେହିପରି -୧୯% ରୁ +୧୯ ମଧ୍ୟରେ ଥିବା ୨୫ ଗୋଟି ଜିଲ୍ଲାରେ ବୃଷ୍ଟିପାତ କମ୍ ରହିଛି । ହେଲେ ବ୍ଲକ ସମୀକ୍ଷାରୁ ଜଣାଯାଏ ରାଜ୍ୟର ୩୧୪ଟି ବ୍ଲକ ମଧ୍ୟରୁ ୭୯ଟି ବ୍ଲକରେ ସ୍ୱାଭାବିକ ବର୍ଷା ହୋଇଥିବାବେଳେ ୨୩୫ ବ୍ଲକରେ ସ୍ୱାଭାବିକ ଠାରୁ କମ୍ ବୃଷ୍ଟିପାତ ହୋଇଛି । ଆଉ ୨୧ ଗୋଟି ବ୍ଲକରେ ସ୍ୱାଭାବିକ ବୃଷ୍ଟିପାତ ଠାରୁ ଶତକଡ଼ା ୫୯ ଭାରୁ କମ୍ ବର୍ଷା ହୋଇଛି ବୋଲି ବିବୃତି ରଖିଛନ୍ତି ବିଭାଗୀୟ ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଚିନ୍ତାଜନକ ବିଷୟ କି, ଜଳସମ୍ପଦ ବିଭାଗ ଠାରୁ ମିଳିଥିବା ତଥ୍ୟ ମୁତାବକ, ବର୍ଷାର ପରିମାଣ କମ୍ ରହିଥିବାରୁ ରାଜ୍ୟର ଅନେକ ନଦୀ, ନାଳ ଏବଂ ମଧ୍ୟମ କ୍ଷୁଦ୍ର ଜଳଭଣ୍ଡାରରେ ଆଶନୁରୂପ ଜଳପ୍ରବାହ ହେଉନାହିଁ । ତେଣୁ ଜଳଭଣ୍ଡାର ଗୁଡ଼ିକରେ ଜଳସେଚନ ଯୋଗାଇ ଦେବାପାଇଁ ଜଳ ଉପଲବ୍ଧ ନାହିଁ । ଏହାବାଦ୍ ୨ହଜାର ୬୯୯ଟି କ୍ଷୁଦ୍ର ଜଳ ଭଣ୍ଡାର ପ୍ରକଳ୍ପ ମଧ୍ୟରୁ ୨ ହଜାର ୧୬୦ଟି ପ୍ରକଳ୍ପରେ ଡେଡ୍ ଷ୍ଟୋରେଜ ତଳେ ଜଳ ପ୍ରବାହ କରୁଛି । ତେଣୁ ଅନେକ ସ୍ଥାନରେ ଜଳସେଚନ ହୋଇପାରୁ ନାହିଁ । ଏହାକୁ ଦୃଷ୍ଟିରେ ରଖି ଜଳସମ୍ପଦ ବିଭାଗ ଜଳର ସୁପରିଚାଳନା କରି ସଷମ ବଣ୍ଟନ କରିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ ଗରିଛନ୍ତି ।
ଅନ୍ୟପଟେ ସ୍ୱତନ୍ତ୍ର ରିଲିଫ୍ କମିଶନରଙ୍କ ଦ୍ୱାରା ପ୍ରତିଦିନ ବୃଷ୍ଟିପାତର ସମୀକ୍ଷାେ କରାଯାଉଛି । ଏପିସିଙ୍କ ଅଧ୍ୟକ୍ଷତାରେ ରାଜ୍ୟସ୍ତରୀୟ କମିଟି ଗଠନ କରାଯାଇଛି । ତେଣୁ କୃଷି ଓ କୃଷଙ୍କ ସଶକ୍ତିକରଣ ବିଭାଗ ଠାରୁ ପ୍ରାପ୍ତ ତଥ୍ୟ ଅନୁସାରେ, ଚଳିତ ଖରିଫ୍ ଋତୁରେ ୨୫ ଲକ୍ଷ ୮୦ ହଜାର ୫୭୯ ହେକ୍ଟର ଜମିରେ ଧାନ ଏବଂ ଅଣଧାନ ଫସଲ ହୋଇଛି । ଯାହାକି ସମ୍ପୂର୍ଣ୍ଣ କାର୍ଯ୍ୟକ୍ରମର ୪୧% ଭାଗ ଅଟେ । ଆଉ ଫସଲର ବୁଣା କାର୍ଯ୍ୟ ମଧ୍ୟ ଶେଷ ହୋଇଯାଇଛି । ତଳିଘେରା ପ୍ରସ୍ତୁତ ହୋଇ ତଳି ପଡ଼ିଛି । ପାଣିଥିବା ସ୍ଥାନରେ ଠାଏ ଠାଏ ରୁଆ ଚଲିଛି । ଆଉ ଫସଲକୁ ସୁରକ୍ଷା ଦେବାପାଇଁ ବିଭିନ୍ନ କୃଷି ପରାମର୍ଶ ଦୈନିକ ଖବରକାଗଜ ରେଡ଼ିଓ ଏବଂ ଦୂରଦର୍ଶନ ମାଧ୍ୟମରେ ଚାଷୀଙ୍କ ପାଇଁ ପ୍ରାସରଣ କରାଯାଉଛି ବୋଲି ମନ୍ତ୍ରୀ ବିବୃତି ରଖିଛନ୍ତି ।