ଅଧୀରଙ୍କ ଅଶାଳୀନ ମନ୍ତବ୍ୟକୁ ନେଇ ମୁଖ୍ୟମନ୍ତ୍ରୀ କାହିଁକି ଚୁପ୍? ଟୁଇଟ୍ କରି ପ୍ରଶ୍ନ କଲେ ବିଷ୍ଣୁ ସେଠୀ । ପଢନ୍ତୁ, କଣ କହିଲେ ମନ୍ତ୍ରୀ ସମୀର ଦାଶ…
କନକ ବ୍ୟୁରୋ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପ୍ରତି କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କ ଅଶାଳୀନ ମନ୍ତବ୍ୟକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାହିଁକି ଚୁପ୍? ଏ ନେଇ ଟୁଇଟ କରି ପ୍ରଶ୍ନ ଉଠାଇଛନ୍ତି ବିରୋଧୀ ଦଳ ଉପନେତା ବିଷ୍ଣୁ ସେଠୀ । ମହାମହିମ ରାଷ୍ଟ୍ରପତିଙ୍କୁ ଓଡ଼ିଶାର ଗର୍ବ ଓ ନିଜର ଭଉଣୀ କହୁଛନ୍ତି, ହେଲେ ତାଙ୍କର ଅପମାନ ବେଳେ ମୁଖ୍ୟମନ୍ତ୍ରୀ କେମିତି ଚୁପ ରହିଛନ୍ତି ବୋଲି ବିଷ୍ଣୁ ସେଠୀ ପ୍ରଶ୍ନ କରିଛନ୍ତି । ବିଜେପି ବିଧାୟକ ମୋହନ ସେଠୀ ମଧ୍ୟ ସେହି କଥା ଦୋହରାଇଛନ୍ତି । ସେପଟେ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି ଅଧୀର ରଞ୍ଜନଙ୍କ ମନ୍ତବ୍ୟକୁ ବିଜେଡି ବିରୋଧ କରିଛି । ଦ୍ରୌପଦୀ ମୁର୍ମୁଙ୍କୁ ମୁଖ୍ୟମନ୍ତ୍ରୀ କିପରି ଭାବେ ସମର୍ଥନ ଦେଇଛନ୍ତି, ତାହା ସମସ୍ତେ ଜାଣିଛନ୍ତି ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ଅଧିର ରଞ୍ଜନ ଚୌଧୁରୀ ମହାମହିମ ରାଷ୍ଟ୍ରପତି ତଥା ଓଡ଼ିଆ ଝିଅ ଦ୍ରୌପଦୀ ମୁର୍ମୁଙ୍କ ପ୍ରତି ଅଶାଳୀନ ଶବ୍ଦ ବ୍ୟବହାର କଲେ । ସଂସଦରୁ ବିଧାନସଭା ଓ ରାସ୍ତାରେ ପ୍ରବଳ ପ୍ରତିବାଦ ହେଲା । ଆମେ ବିଜେପି ସଦସ୍ୟମାନେ କଂଗ୍ରେସ ନେତାଙ୍କ ମନ୍ତବ୍ୟର ଦୃଢ଼ ପ୍ରତିବାଦ କଲୁ ।
— Bishnu Sethi (@bsethibjp) July 28, 2022