କନକ ବ୍ୟୁରୋ : ଖାଲିଦେହର ଫଟୋ ଉଠାଇ ତାହାକୁ ପୋଷ୍ଟ କରିବା ପରେ ବଲିଉଡ ଅଭିନେତା ରଣବୀର ସିଂଙ୍କ ପାଇଁ ଅଡୁଆ ବଢିବାରେ ଲାଗିଛି । ଏନେଇ ଏବେ ମୁମ୍ବାଇର ଚେମ୍ବୁର ଥାନାରେ ମାମଲା ରୁଜୁ ହୋଇଛି । ଅଭିଯୋଗରେ କୁହାଯାଇଛି କି, ଏଭଳି ଫଟୋ ମହିଳାମାନଙ୍କ ଭାବନା ପ୍ରତି ଆଘାତ ପହଂଚାଇଛି ।
Kanak News is now on WhatsApp
Join and get latest news updates delivered to you via WhatsApp
ରଣବୀର ସିଂ ଖାଲି ଦେହରେ ପ୍ରଥମେ ଫଟୋ ସୁଟ କରି ଏହାକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଥିଲେ । ଏହାପରେ ଏହାକୁ ନେଇ କିଛି ଲୋମ ମିମ୍ କରିବା ସହ କିଛି କଳାକାର ବି ଏହାକୁ ସପୋର୍ଟ କରିଥିଲେ । ପ୍ରଥମେ ଏହି ଫଟୋକୁ ନେଇ ବିବାଦ ଦେଖାଦେବା ପରେ ଅର୍ଜୁନ କପୁର ଓ ଆଲିଆ ଭଟ୍ଟ ରଣବୀରଙ୍କ ସମର୍ଥନରେ ବାହାରିଥିଲେ । ଏନେଇ ଆଲିଆ କହିଥିଲେ କି ‘ମୋ ପସନ୍ଦର ଅଭିନେତାଙ୍କ ବିରୋଧରେ ନା ମୁଁ କିଛି ଶୁଣିପାରିବି ନା ତାଙ୍କୁ ନେଇ ପ୍ରଶ୍ନ ଉଠିଲେ ମୁଁ ସହ୍ୟ କରିପାରିବି’ । ସେପଟେ ଅର୍ଜୁନ କପୁର କହିଛନ୍ତି କି ରଣବୀର ଯାହା କରିଛନ୍ତି ତାହା ତାଙ୍କ ଇଚ୍ଛାରେ କରିଛନ୍ତି । ତାଙ୍କୁ ଜାହା ଠିକ୍ ଲାଗିଲା ତାହା ସେ କରିଛନ୍ତି । ତେଣୁ ତାଙ୍କୁ ନେଇ ପ୍ରଶ୍ନ ଉଠାଇବାର ଆବଶ୍ୟକତା ନାହିଁ ।
କେବଳ ସେତିକି ନୁହେଁ ଏଭଳି ଫଟୋକୁ ନେଇ ରାଜନୀତି ମଧ୍ୟ ଆରମ୍ଭ ହୋଇଯାଇଛି । ସମାଜବାଦୀ ପାର୍ଟି ମହାରାଷ୍ଟ୍ର ମୁଖ୍ୟ ଅବୁ ଆଜମୀ ଟ୍ୱିଟ କରି ଏଭଳି ଫଟୋକୁ ନେଇ ପ୍ରଶ୍ନ ଉଠାଇଛନ୍ତି । ସେ ଲେଖିଛନ୍ତି ସର୍ବସାଧାରଣରେ ଖୋଲା ଦେହରେ ଫଟୋ ଉଠାଇବା କଳା ନା ସ୍ୱାଧୀନତା ? ଯଦି ଏଭଳି କରାଯାଇ ପାରିବ ତେବେ ହିଜାବ ଉପରେ ସରକାର କାହିଁକି ଚାପ ପକାଉଛନ୍ତି ।