ଉଦୟପୁର ହତ୍ୟା ଘଟଣାକୁ ନେଇ ସାରା ଦେଶରେ ପ୍ରଦର୍ଶନ ଜାରି, ମୃତକଙ୍କ ପରିବାରକୁ ଭେଟି ୫୧ ଲକ୍ଷ ଟଙ୍କାର ସହାୟତା ରାଶି ପ୍ରଦାନକଲେ ମୁଖ୍ୟମନ୍ତ୍ରୀ
କନକ ବ୍ୟୁରୋ : ରାଜସ୍ଥାନର ଉଦୟପୁରରେ କହ୍ନେୟାଲାଲଙ୍କ ହତ୍ୟାକୁ ନେଇ ସାରା ଦେଶରେ ବିରୋଧ ପ୍ରଦର୍ଶନ ଜାରି ରହିଛି । ହରିଆଣା, ରାଜସ୍ଥାନ, ମଧ୍ୟ ପ୍ରଦେଶ ସମେତ ଦେଶର ଅନେକ ସ୍ଥାନରେ ହିନ୍ଦୁ ସଂଗଠନମାନେ ବିକ୍ଷୋଭ ପ୍ରଦର୍ଶନ କରୁଛନ୍ତି । ଏହାରି ମଧ୍ୟରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ମୃତ କହ୍ନେୟାଲାଲଙ୍କ ପରିବାର ନିକଟରେ ପହଂଚିଛନ୍ତି । ସେଠାରେ ସେ କହ୍ନେୟାଙ୍କ ପରିବାରକୁ ସମବେଦନା ଜଣାଇବା ସହ ୫୧ ଲକ୍ଷ ଟଙ୍କାର ସହାୟତା ପ୍ରଦାନ କରିଛନ୍ତି । ଏହା ପୂର୍ବରୁ ଗେହଲଟ ରାଜ୍ୟବାସୀଙ୍କୁ ଶାନ୍ତି ବଜାୟ ରଖିବାକୁ ଅନୁରୋଧ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଭିତରେ ରାଜନୈତିକ ବୟାନବାଜି ଜୋର ଧରିଛି । କେନ୍ଦ୍ରମନ୍ତ୍ରୀ ତଥା ବିଜେପି ନେତା ଗଜେନ୍ଦ୍ରସିଂ ଶେଖାୱତ କହିଛନ୍ତି କି ଉଦୟପୁର ଘଟଣା ସହ ଗେହଲଟ ସରକାର ସମୟରେ ହୋଇଥିବା ସମସ୍ତ ଭିଡ ହତ୍ୟା ଉପରେ ପୁଙ୍ଖାନୁପୁଙ୍ଖ ତଦନ୍ତ ହେବାର ଆବଶ୍ୟକତା ରହିଛି । ରାଜସ୍ଥାନ ପୋଲିସ ଉପରେ ରାଜ୍ୟ ସରକାରଙ୍କ ଚାପ ରହୁଥିବା କଥା ସେ ଅଭିଯୋଗ କରିଛନ୍ତି ।
#WATCH | Rajasthan CM Ashok Gehlot meets the family members of #KanhaiyaLal, who was killed by two men on June 28 in Udaipur pic.twitter.com/rQzra6Wqpd
— ANI MP/CG/Rajasthan (@ANI_MP_CG_RJ) June 30, 2022
ସେପଟେ କଂଗ୍ରେସ ନେତ୍ରୀ ଅଳକା ଲାମ୍ବା ଉଦୟପୁର ହତ୍ୟାକାଣ୍ଡକୁ ନେଇ ବିଜେପିକୁ ଟାର୍ଗେଟ କରିଛନ୍ତି । ସେ କହିଛନ୍ତି କି ଉଦୟପୁର ହିଂସା ବିଜେପିର ଏକ ପ୍ରାୟୋଜିତ କାର୍ଯ୍ୟକ୍ରମ । ବିଜେପିର ଘୃଣା ରାଜନୀତି ଏବେ ଦେଶରେ ଅହିଂସାର ବାତାବରଣ ସୃଷ୍ଟି କରିଛି । ଏହାସହ ବିଜେପି ନିର୍ବାଚନ ଜିତିବାକୁ ଦେଶରେ ଏଭଳି ସାଂପ୍ରଦାୟିକ ହିଂସା ଭିଆଉଛୁ ବୋଲି ଅଳକା ଲାମ୍ବା ଅଭିଯୋଗ କରିଛନ୍ତି ।