ମୃତ୍ୟୁ ପରେ ବି ଦୁନିଆ ଦେଖିବ ରାଇମୋହନଙ୍କ ଆଖି । ସଫଳତାର ସହ ଜଣେ ଦୃଷ୍ଟିହୀନଙ୍କଠାରେ ଚକ୍ଷୁ ପ୍ରତିରୋପଣ ହୋଇଛି କହିଲେ ଟେକ୍ନିସିଆନ ।
କନକ ବ୍ୟୁରୋ: ମୃତ୍ୟୁ ପରେ ବି ଅମର ହୋଇଯାଇଛନ୍ତି ରାଇମୋହନ । ରାଇମୋହନଙ୍କ ଆଖିରେ ଦୁନିଆ ଦେଖିବେ ଜଣେ ବ୍ୟକ୍ତି । ତାଙ୍କ ଆଖିକୁ ଅନ୍ୟ ଜଣେ ବ୍ୟକ୍ତିଙ୍କ ଠାରେ ପ୍ରତିରୋପଣ କରାଯାଇଛି । ନିୟମ ଅନୁସାରେ, ସେହି ବ୍ୟକ୍ତିଙ୍କ ପରିଚୟକୁ ଗୋପନ ରଖାଯାଇଛି । ରାଇମୋହନ ତାଙ୍କର ଆଖିଦାନ କରିବାକୁ ଇଛାପ୍ରକାଶ କରଥିଲେ । ଆଉ ମୃତ୍ୟୁ ପରେ ତାଙ୍କ ଆଖିକୁ ନେଇଥିଲେ ଭୁବନେଶ୍ୱରର ଏକ ଘରୋଇ ମେଡିକାଲ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ରାଇମୋହନଙ୍କ ଆତ୍ମହତ୍ୟାର କାରଣ ଖୋଜା ଚାଲିଥିବାବେଳେ ଆଉ ଗୋଟିଏ ପଟେ ଚାଲିଥିଲା ଆଉ ଜଣକ ଦେହରେ ରାଇମୋହନଙ୍କ ଆଖି ପ୍ରତ୍ୟାରୋପଣ । ଏ କଥା ଆପଣଙ୍କୁ ଆଶ୍ଚର୍ଯ୍ୟ କରିଦେଇପାରେ ଯେ ରାଇମୋହନଙ୍କ ଆଖି ଆଉ ଜଣକ ଦେହରେ ଲାଗିସାରିଛି ଏବଂ ସେ ବ୍ୟକ୍ତି ରାଇମୋହନଙ୍କ ଆଖିରେ ଏବେ ଦୁନିଆ ଦେଖୁଥିବେ ।
ମୃତ୍ୟୁ ପରେ ସେ ନିଜ ଦୁଇ ଆଖିକୁ ଦାନ କରିବାକୁ ନିଷ୍ପତ୍ତି ନେଇଥିଲେ । ରାଜଧାନୀର ଏଲଭି ପ୍ରସାଦ ଆଇ ଇନିଷ୍ଟିଚ୍ୟୁଟର ଏହି ମହିଳା ଟେକନିସିଆନଙ୍କୁ ସେ ଏ ବିଷୟରେ କହିଥିଲେ । କିନ୍ତୁ ଏ ନେଇ ଲେଖାପଢା ହୋଇନଥିଲା । ରାଇମୋହନଙ୍କ ମୃତ୍ୟୁ ପରେ ଏହି ମହିଳା ଜଣକ ରାଇମୋହନଙ୍କ ପରିବାର ଲୋକଙ୍କୁ ଏ ନେଇ ବୁଝାଇବାକୁ ଚେଷ୍ଟା କରିଥିଲେ । ଶେଷରେ ରାଇମୋହନଙ୍କ ପରିବାର ରାଜି ହୋଇଯାଇଥିଲେ । ଆଉ ସେହି ଅନୁସାରେ ତାଙ୍କ ଦୁଇ ଆଖିକୁ ଭୁବନେଶ୍ୱରର ଏକ ଘରୋଇ ମେଡିକାଲରେ ଅନ୍ୟ ଲୋକଙ୍କ ଆଖିରେ ପ୍ରତ୍ୟାରୋପଣ କରିଛନ୍ତି ।