ଚଳନ୍ତା ଟ୍ରେନରୁ ଖସିପଡୁଥିଲେ ମହିଳା ! ପୋଲିସବାବୁ ଦେଖାଇଲେ ସାହସିକତା, ନିଜ ଜୀବନ ବାଜି ଲଗାଇ ବଞ୍ଚାଇଲେ ମହିଳାଙ୍କ ଜୀବନ ।
ମୁମ୍ବାଇଠାରେ ପ୍ରାୟ ୨୦ ବର୍ଷ ମଧ୍ୟରେ ଅନେକ ଜୀବନ କେବଳ ଯତ୍ନହୀନତା ଓ ଖାମଖିଆଲି ହେତୁ ଯାଇଛି । ଏଥିମଧ୍ୟରୁ ଅଧିକାଂଶ ଜୀବନ ରେଳ ଧାରଣାରେ ଯାଇଥିବା ଦେଖିବାକୁ ମିଳିଛି । ୨୦୧୭ରେ ଏକ ରିପୋର୍ଟରୁ ଜାଣିବାକୁ ମିଳିଛି ଯେ ସେହି ବର୍ଷ ପ୍ରାୟ ୩,୨୦୨ ଯାତ୍ରୀ ରେଳଧାରଣାରେ ନିଜ ଜୀବନ ହରାଇଛନ୍ତି । ଏହି ସବୁ ଘଟଣା ହେତୁ ମୁମ୍ବାଇ ପ୍ଲାଟଫର୍ମ ଏବେ ‘କିଲର୍ ପ୍ଲାଟଫମ’ ନାମରେ ଦେଶରେ ପରିଚିତ ହୋଇଗଲାଣି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ନିକଟରେ ଇଣ୍ଟରନେଟରେ ଏପରି ଏକ ଭିଡିଓ ଭାଇରାଲ୍ ହୋଇଛି ଯାହା ଦେଖିବା ପରେ ଆପଣ ଏକଦମ ଖୁସି ହୋଇଯିବେ । ଭିଡିଓଟିରେ ଦେଖିବାକୁ ମିଳୁଛି ଯେ ଜଣେ ରେଲୱେ ପୁଲିସ୍ ଫୋର୍ସ (ଆରପିଏଫ) ଯବାନ ନିଜ ଜୀବନକୁ ବାଜି ଲଗାଇ ରେଳଧାରଣାରୁ ଖସି ଚଳନ୍ତା ରେଳ ତଳକୁ ଚାଲି ଯାଉଥିବା ଜଣେ ମହିଳାଙ୍କ ଜୀବନ ବଞ୍ଚାଇଛନ୍ତି ।
ଓହ୍ଲାଇବା ସମୟରେ ମହିଳା ଜଣଙ୍କର ଶାଢ଼ି ଟ୍ରେନରେ ଲାଗିଯିବାରୁ ସେ ଚଳନ୍ତା ଟ୍ରେନ୍ ଅଡ଼କୁ ଭିଡି ହୋଇ ଚାଲି ଯାଉଥିଲେ । ଏଣେ ଶାଢ଼ିଟି ଟ୍ରେନରେ ଲାଗିଥିବାରୁ ସେ ଘୋଷାରି ହୋଇ ଯାଉଥିବାର ଭିଡିଓରେ ଦେଖିବାକୁ ମିଳୁଛି । ମାତ୍ର ସେହି ସମୟରେ ଆରପିଏଫ୍ କର୍ମୀ ଜଣକ ଦୌଡ଼ି ଦୌଡ଼ି ମହିଳାଙ୍କୁ ଭିଡି ନେଇ ସେହି ବିପଦକୁ ମୁକ୍ତ କରି ତାଙ୍କୁ ବାହାରକୁ ଟାଣି ଆଣୁଥିବାର ଦେଖିବାକୁ ମିଳୁଛି ।