ରେଲୱେ ପରୀକ୍ଷାରେ ଅନିୟମିତତା ନେଇ ଉଗ୍ର ହେଉଛି ଛାତ୍ର ଆନ୍ଦୋଳନ, ରେଳ ବଗିରେ ନିଆଁ ଲଗାଇଦେଲେ ଆନ୍ଦୋଳନକାରୀ
କନକ ବ୍ୟୁରୋ : ରେଲୱେ ଆରଆରବି ଏନଟିପିସି ପରୀକ୍ଷା ଫଳରେ ଅନିୟମିତତା ଦର୍ଶାଇ ଦେଶରେ ଛାତ୍ର ଆନ୍ଦୋଳନ ତେଜିବାରେ ଲାଗିଛି । ଉତ୍ତର ପ୍ରଦେଶ ପରେ ଏବେ ବିହାରରେ ଆନ୍ଦୋଳନକାରୀ ଛାତ୍ରଛାତ୍ରୀମାନେ ଉଗରୂପ ଧାରଣ କରିଛନ୍ତି । ଏହି କ୍ରମରେ ବୁଧବାରଦିନ ହଜାର ହଜାର ସଂଖ୍ୟାର ଛାତ୍ର ଗୟା ଷ୍ଟେସନ ଠାରେ ପହଂଚି ନାରାବାଜି କରିବା ସହ ପୋଲିସ ଉପରକୁ ଟେକା ପଥର ମାଡ କରିଛନ୍ତି । ଏହାସହ ରେଳ ଷ୍ଟେସନର ବିଭିନ୍ନ ସ୍ଥାନରେ ଭଙ୍ଗାରୁଜା କରିବା ସହ ଗୋଟିଏ ଟ୍ରେନରେ ନିଆଁ ଲଗାଇ ଦେଇଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଗୟା ଷ୍ଟେସନରେ ଆନ୍ଦୋଳନ କରୁଥିବା ଛାତ୍ରମାନେ ପ୍ରଥମେ କରିମଗଞ୍ଜ ଷ୍ଟେସନରେ ଠିଆ ହୋଇଥିବା ଏକ ଟ୍ରେନକୁ ଟାର୍ଗେଟ କରିଥିଲେ । ଟେନଟିରେ ନିଆଁ ଲଗାଇଦେବା ଫଳରେ ଆଖିପିଛୁଳାକେ ଟ୍ରେନର ଅନେକ ବଗି ଜଳି ଯାଇଥିବା ଦେଖିବାକୁ ମିଳିଛି । ଅଣାୟତ ହେଉଥିବା ପରିସ୍ଥିତିକୁ ଦେଖି ଜିଲ୍ଲା ପୋଲିସ ଓ ରେଲୱେ ପୋଲିସ ପକ୍ଷରୁ ଲୁହବୋହା ଗ୍ୟାସ ଛାଡିବା ସହ ଛାତ୍ର ଛାତ୍ରୀମାନଙ୍କୁ ଘଉଡାଇବାକୁ ଲାଠିଚାର୍ଜ କରାଯାଇଛି ।
Gaya, Bihar | Aspirants vandalized train over alleged irregularities in Railway exam
CBT 2 exam date was not notified; no update on Railway exam which was notified in 2019…Result is still awaited…We demand cancellation of CBT 2 exam & release of exam result: Protester pic.twitter.com/9eyW8JphYa
— ANI (@ANI) January 26, 2022
କହିରଖୁ କି ଏହାପୂର୍ବରୁ ମଙ୍ଗଳବାର ଦିନ ଆରା, ନାବାଦା, ମୋତିହାରୀ, ସୀତାମାଢି ସହିତ ବିହାରର ବିଭିନ୍ନ ସ୍ଥାନରେ ଛାତ୍ରମାନେ ବିରୋଧ ପ୍ରଦର୍ଶନ କରିଥିଲେ । ଭାରତୀୟ ରେଳ ବିଭାଗର ଆରଆରବି ଏନଟିପିସି ପରୀକ୍ଷାରେ ଅନିୟମିତତା ହୋଇଥିବା ଦର୍ଶାଇ ଛାତ୍ରମାନେ ଏଭଳି ବିକ୍ଷୋଭ କରୁଥିବା ଜଣାପଡିଛି । ଏନେଇ ରେଳ ମନ୍ତ୍ରଣାଳୟ ଅସନ୍ତୋଷ ଜାହିର କରିବା ସହ ପ୍ରଥମ ପର୍ଯ୍ୟାୟ ପରୀକ୍ଷା ବାତିଲ କରିବା ସହ ଛାତ୍ରମାନଙ୍କୁ ଚେତାବନୀ ଦେଇଛି । ରେଳମନ୍ତ୍ରଣାଳୟ ଏକ ଇ-ମେଲ ଜାରି କରି କହିଛି ଯେ ଯେଉଁ ଛାତ୍ର ଛାତ୍ରୀମାନଙ୍କର ସମସ୍ୟା ରହିଛି ଓ ଏହାର ସମାଧାନର ବାଟ କଣ ହେବା ଉଚିତ ସେମାନେ ଏହି ଇ-ମେଲ ସହାୟତାରେ ଜଣାଇପାରିବେ ।