ସାଂସଦ ପଦ ଯିବା ପରେ ପରେ ଏବେ ଘର ଛାଡିବାକୁ ନୋଟିସ୍ । ସରକାରୀ ଆବାସ ଛାଡିବାକୁ ରାହୁଲଙଅକୁ ନୋଟିସ୍ କଲା ଲୋକସଭା ଆବାସ ସମିତି ।
କନକ ବ୍ୟୁରୋ: ଲୋକସଭା ସାଂସଦ ପଦରୁ ଅଯୋଗ୍ୟ ଘୋଷିତ ହେବା ପରେ ଏବେ ଲୋକସଭା ଆବାସ ସମିତି ରାହୁଲ ଗାନ୍ଧୀଙ୍କୁ ନିଜ ସରକାରୀ ବଙ୍ଗଳା ଖାଲି କରିବାକୁ ନୋଟିସ୍ ଦେଇଛି । ନୋଟିସ୍ ମୁତାବକ ଆସନ୍ତା ଏପ୍ରିଲ ୨୨ ତାରିଖ ସୁଦ୍ଧା ରାହୁଲଙ୍କୁ ନିଜର ସରକାରୀ ଆବାସ ଖାଲି କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଲୋକସଭା ସଚିବାଳୟ ତରଫରୁ ବିଜ୍ଞପ୍ତି ଜାରି କରାଯିବା ସହିତ ରାହୁଲଙ୍କ ସଦସ୍ୟତା ରଦ୍ଦ ନେଇ ଘୋଷଣା କରାଯାଇଥିଲା । କେରଳର ୱାୟନାଡରୁ ସାଂସଦ ଥିବା ରାହୁଲଙ୍କୁ ୨ ବର୍ଷ ଜେଲ ଦଣ୍ଡାଦେଶ ହେବା ପରେ ଏପରି ପଦକ୍ଷେପ ଗ୍ରହଣ କରାଯାଇଥିଲା । ତେବେ ଏହାପରେ ଏବେ ରାହୁଲଙ୍କୁ ସରକାରୀ ଆବାସ ଖାଲି କରିବାକୁ ନୋଟିସ୍ ଦିଆଯାଇଛି ।
କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସୁରତର କୋର୍ଟ ମୋଦୀ ସରନେମକୁ ନେଇ ସଜ୍ଜା ଶୁଣାଇଥିଲେ । ଏଙି ମାନହାନୀ ମକଦ୍ଦମାରେ କୋର୍ଟ ରାହୁଲଙ୍କୁ ଦୋଷୀ ସାବ୍ୟସ୍ତ କରିବା ସହିତ ୨ ବର୍ଷ ପାଇଁ ଜେଲ୍ ଦଣ୍ଡାଦେଶ ଶୁଣାଇଥିଲେ । ତେବେ ଏହାପରେ ଜନପ୍ରତିନିଧି ଆଇନ୍ ଅନୁସାରେ ରାହୁଲଙ୍କୁ ସଂସଦର ସଦସ୍ୟ ପଦକୁ ରଦ୍ଦ କରିଦିଆଯାଇଥିଲା । ସୂଚନାଯୋଗ୍ୟ ଯେ, ରାହୁଲ ଗାନ୍ଧୀ ଏବେ ଲୁଟିୟନ୍ସ ଦିଲ୍ଲୀର ୧୨, ତୁଗଲକ ଲେନ୍ ସ୍ଥିତ ସରକାରୀ ବଙ୍ଗଳାରେ ରହୁଛନ୍ତି । ୨୦୦୪ରେ ରାହୁଲ ଗାନ୍ଧୀଙ୍କୁ ଏହି ସରକାରୀ ଆବାସ ଆବଣ୍ଟିତ କରାଯାଇଥିଲା । ଏବେ ଏହି ଘରକୁ ଖାଲି କରିବେ ରାହୁଲ ଗାନ୍ଧୀ ।