କଂଗ୍ରେସର ଅଧ୍ୟକ୍ଷ ପଦ ସମ୍ଭାଳିବାକୁ ମନା କଲେ ରାହୁଲ ଗାନ୍ଧୀ, ଜାଣନ୍ତୁ କିଏ ଧରିପାରନ୍ତି ଦଳର ମଙ୍ଗ ?

କନକ ବ୍ୟୁରୋ : ସାରା ଦେଶରେ କଂଗ୍ରେସ ଏବେ ନିଜର ସ୍ଥିତି ଜାହିର କରିବାକୁ କଂଗ୍ରେସ ଚେଷ୍ଟା ଚଳାଇଛି । ହେଲେ କିଛିଦିନ ମଧ୍ୟରେ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କ କାର୍ଯ୍ୟକାଳ ଶେଷ ହେଉଥିବାରୁ ତାଙ୍କ ପରେ କିଏ ଦଳର ମଙ୍ଗ ସମ୍ଭାଳିବ ତାକୁ ନେଇ ଚର୍ଚ୍ଚା ଜୋର ଧରିଛି । କହିରଖୁ କି ୨୦୧୯ ସାଧାରଣ ନିର୍ବାଚନରେ ଦଳର ପରାଜୟ ପରେ ରାହୁଲ ଗାନ୍ଧୀ ନିଜର କତ୍ତର୍ବ୍ୟ ଦୃଷ୍ଟିରୁ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ । ଏହାପରେ ସୋନିଆ ଗାନ୍ଧୀ ଦଳର ଅନ୍ତରୀଣ ଅଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ । ହେଲେ ଏବେ ସୋନିଆ ଗାନ୍ଧୀଙ୍କ ସମେତ ଦଳର ଅନେକ ବରିଷ୍ଠ ନେତା ଚାହୁଁଛନ୍ତି କି ୨୦୨୪ ସାଧରଣ ନିର୍ବାଚନ ପୂର୍ବରୁ ଦଳର ମଙ୍ଗ ରାହୁଲ ଗାନ୍ଧୀ ସମ୍ଭାଳନ୍ତୁ । ନେତୃତ୍ୱମାନେ ରାହୁଲ ଗାନ୍ଧୀଙ୍କ ହଁ କୁ ଅପେକ୍ଷା କରିଥିବା ବେଳେ ରାହୁଲ ଗାନ୍ଧୀ କିନ୍ତୁ ଏବେ ବି ମନା କରୁଛନ୍ତି ।

ସେପଟେ ନିଜର ସ୍ୱାସ୍ଥ୍ୟଗତ କାରଣ ଦର୍ଶାଇ ସୋନିଆ ଗାନ୍ଧୀ ପୁଣିଥରେ ଦଳର ଅଧ୍ୟକ୍ଷ ହେବାକୁ ମନା କରିଛନ୍ତି । ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ଦଳର ମଙ୍ଗ ଧରିବାକୁ ରାଜି ହେଉନଥିବାରୁ ଏବେ ଦଳର ସମସ୍ତ ନେତାଙ୍କ ନଜର ପ୍ରିୟଙ୍କା ଗାନ୍ଧୀଙ୍କ ଉପରେ ରହିଛି । କାରଣ ୧୩୬ ବର୍ଷର ପୁରୁଣା ସଂଗଠନର ଅଧିକାଂଶ ସଦସ୍ୟ ଚାହୁଁଛନ୍ତି କି ଦଳର ନେତା ଗାନ୍ଧୀ ପରିବାର ଭିତରୁ କେହି ହୁଅନ୍ତୁ । ହେଲେ ଉତ୍ତର ପ୍ରଦେଶ ନିର୍ବାଚନ ପ୍ରିୟଙ୍କାଙ୍କ ନେତୃତ୍ୱରେ କଂଗ୍ରେସ ଲଢିଥିଲା । ହେଲେ ସେଠାରେ କଂଗ୍ରେସ ଯେଭଳି ଭାବେ ଖରାପ ପ୍ରଦର୍ଶନ କଲା ତାହା ଉପରେ ବି କିଛି ନେତାଙ୍କ ନଜର ରହିଛି ।

ଅନ୍ୟପଟେ ଆସନ୍ତା କାଲି (ରବିବାର) ଦିନ କଂଗ୍ରେସ ଅଧ୍ୟକ୍ଷ ପଦ ନିର୍ବାଚନ ନେଇ କାର୍ଯ୍ୟକ୍ରମ ଆରମ୍ଭ ହେବାକୁ ଯାଉଛି । ହେଲେ କିଏ ହେବ ଅଧ୍ୟକ୍ଷ ତାହାକୁ ନେଇ ସସ୍ପେନ୍ସ ଜାରି ରହିଥିବା କଂଗ୍ରେସ ନେତା ଭକ୍ତ ଚରଣ ଦାସ ରାହୁଲ ଗାନ୍ଧୀ ଅଧ୍ୟକ୍ଷ ହେବା ନେଇ କୌଣସି ଆଗ୍ରହ ଦେଖାଉ ନାହାଁନ୍ତି । ହେଲେ ଆମେ ତାଙ୍କୁ ପଦଭାର ସମ୍ଭାଳିବାକୁ ଅନୁରୋଧ କରୁଛୁ ।