ରାହୁଲ ଗାନ୍ଧୀଙ୍କ ସାଂସଦ ପଦ ରଦ୍ଦ । ମାନହାନି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ରାହୁଲ, ୨ ବର୍ଷ ସଜା କାରଣରୁ ସାଂସଦ ପଦ ହେଲା ରଦ୍ଦ ।
କନକ ବ୍ୟୁରୋ : ରାହୁଲ ଗାନ୍ଧୀଙ୍କ ଲୋକସଭା ସାଂସଦ ପଦ ରଦ୍ଦ । ଲୋକସଭା ସଚିବାଳୟରୁ ଏନେଇ ଜାରି ହୋଇଛି ନୋଟିସ । ମାନହାନି ମାମଲାରେ ରାହୁଲଙ୍କ ସଦସ୍ୟତା ପଦ ରଦ୍ଦ ହୋଇଥିବା ସ୍ପଷ୍ଟ ହୋଇଛି । ଗତକାଲି ମାନହାନି ମାମଲାରେ ରାହୁଲଙ୍କୁ ଦୋଷୀ ସାବ୍ୟସ୍ତ କରିଥିଲେ । ୨ ବର୍ଷର ଦଣ୍ଡାଦେଶ ଶୁଣାଇଥିଲେ କୋର୍ଟ । ତେବେ ରାହୁଲଙ୍କୁ ତୁରନ୍ତ ଜାମିନ ମଧ୍ୟ ମିଳିଯାଇଥିଲା । ତେବେ ୨ ବର୍ଷ ସଜା ହୋଇଥିବାରୁ ରାହୁଲଙ୍କ ସଦସ୍ୟତା ପଦ ରଦ୍ଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ଗାନ୍ଧୀ ଗତ ୨୦୧୯ ସାଧାରଣ ନିର୍ବାଚନରେ ଏକ ପ୍ରଚାର ସଭାରେ କହିଥିଲେ, ନୀରବ ମୋଦୀ, ଲଳିତ ମୋଦୀ ଓ ନରେନ୍ଦ୍ର ମୋଦୀଙ୍କ ସରନେମ ସମାନ କାହିଁକି? ସବୁ ଚୋରଙ୍କ ସରନେମ କଣ ମୋଦୀ କାହିଁକି ହୋଇଥାଏ? ଏହି ବୟାନକୁ ନେଇ ବିଜେପି ବିଧାୟକ ପୂର୍ଣ୍ଣେଶ ମୋଦୀ ରାହୁଲଙ୍କ ବିରୋଧରେ ମାନହାନି ମୋକଦ୍ଦମା ରୁଜୁ କରିଥିଲେ । ଯାହାର ଚୂଡାନ୍ତ ଶୁଣାଣି ଗତକାଲି ହୋଇଥିଲା । ଯେଉଁଥିରେ ରାହୁଲ ଗାନ୍ଧୀଙ୍କୁ ଦୋଷୀ ସାବ୍ୟସ୍ତ କରାଯିବା ସହ ୨ ବର୍ଷର ଜେଲ ଦଣ୍ଡ ହୋଇଥିଲା । ତେବେ ତୁରନ୍ତ ରାହୁଙ୍କୁ ଜାମିନ ମଧ୍ୟ ମିଳିଥିଲା ।