ଚଳିତ ବର୍ଷ ଭକ୍ତଙ୍କ ଗ୍ରହଣରେ ହୋଇପାରେ ବିଶ୍ୱପ୍ରସିଦ୍ଧ ରଥଯାତ୍ରା । ସମନ୍ୱୟ କମିଟି ବୈଠକରେ ସଙ୍କେତ ଦେଲେ ପୁରୀ ଜିଲ୍ଲାପାଳ
କନକ ବ୍ୟୁରୋ : ଚଳିତ ବର୍ଷ ଭକ୍ତଙ୍କ ଗହଣରେ ହୋଇପାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ଘୋଷଯାତ୍ରା । ଏନେଇ ଆଜି ସମନ୍ୱୟ ବୈଠକରେ ସଙ୍କେତ ଦେଇଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା । ଏପରିକି ସେହି ଦିଗରେ ପ୍ରସ୍ତୁତି କରୁଛି ପୁରୀ ଜିଲ୍ଲା ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
କରୋନା ଯୋଗୁ ଗତ ଦୁଇ ବର୍ଷ ଧରି ବିନା ଭକ୍ତରେ ରଥଯାତ୍ରା ହୋଇଥିବା ବେଳେ ଏଥର ପ୍ରବଳ ଭକ୍ତଙ୍କ ସମାଗମ ହେବା ସମ୍ଭାବନା ରହିଛି । ୨୦୧୫ ନବକଳେବର ସମୟରେ ପୁରୀରେ ଯେଭଳି ଭକ୍ତଙ୍କ ସମାଗମ ହୋଇଥିଲା, ଏଥର ମଧ୍ୟ ସେହିପରି ଭିଡ଼ ହେବା ଅନୁମାନ କରାଯାଉଛି । ତେଣୁ ୧୦ରୁ ୧୫ ଲକ୍ଷ ଭକ୍ତ ପୁରୀକୁ ଆସିବା ନେଇ ସମ୍ଭାବନା ଥିବାରୁ ସେହି ଅନୁସାରେ ବିଭିନ୍ନ ବିଭାଗକୁ ପ୍ରସ୍ତୁତ ରହିବା ପାଇଁ କୁହାଯାଇଛି ।
ସେହିପରି ଚଳିତ ବର୍ଷ ସ୍ନାନପୂର୍ଣ୍ଣିମାରେ ମଧ୍ୟ ଭକ୍ତଙ୍କ ସମାଗମ ହେବ । ଦୁଇ ବର୍ଷ ପରେ ଭକ୍ତଙ୍କ ସହ ସ୍ନାନ ପୂର୍ଣ୍ଣିମା କରାଯିବ । ରଥଯାତ୍ରା ପୂର୍ବରୁ ଆଜି ପ୍ରଥମ ସମନ୍ୱୟ ବୈଠକ ବସିଛି । ଏଥିରେ ରଥଯାତ୍ରା ସମ୍ପର୍କରେ ଏହି ବୈଠକରେ ସ୍ୱାସ୍ଥ୍ୟ ବିଭାଗ, ପୌର ସଂସ୍ଥା ଓ ଜନସ୍ୱାସ୍ଥ୍ୟ ବିଭାଗ ଆଦିକୁ ଆକ୍ସନ ରିପୋର୍ଟ ପ୍ରସ୍ତୁତ କରିବା ପାଇଁ ନିର୍ଦ୍ଦେଶ ଦିଆଯିବ । ଏହା ସହ ବୈଠକରେ ରଥକାଠ, କନା ଓ ଦଉଡି ଯୋଗାଣ, ରଥ ନିର୍ମାଣ, ସ୍ୱାସ୍ଥ୍ୟ, ପରିମଳ ଓ ଗମନାଗମନ ଆଦି ପ୍ରସଙ୍ଗରେ ଆଲୋଚନା କରାଯାଉଛି ।