ପୁରୁଷ ବେଶରେ ଆସି ହୀରାମୁଦି ଲୁଟିନେଲେ ଯୁବତୀ : ସିସିଟିଭିରେ କଏଦ ହେଲା ଲୁଟର ଲାଇଭ ଚିତ୍ର
ପୁରୁଷ ବେଶରେ ଆସି ହୀରା ଲୁଟ
କନକ ବ୍ୟୁରୋ : ପୁରୀରେ ମାତିଛନ୍ତି ଲୁଟେରା । ପୁରୁଷ ବେଶରେ ଯୁବତୀ କରୁଛନ୍ତି ଲୁଟ । ଡିକି ଭାଙ୍ଗି ହୀରାମୁଦି ଲୁଟିନେଲେ ଯୁବତୀ । ସିସିଟିଭିରେ କଏଦ ହେଲା ଲୁଟର ଲାଇଭ ଚିତ୍ର । କୁମ୍ଭାରପଡ଼ା ଥାନା ଅଂଚଳର ବଡ଼ଦାଣ୍ଡରେ ମାର୍କେଟ ଛକ ନିକଟରେ ହୋଇଛି ଲୁଟ । ଲୁଟର ଶିକାର ହୋଇଥିବା ବ୍ୟାଙ୍କ କର୍ମଚାରୀ ସରିତା ସାମଲଙ୍କ ଗାଡ଼ି ଡିକିରୁ ହୀରାମୁଦି ଲୁଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଶୁକ୍ରବାର ରାତିରେ ବ୍ୟାଙ୍କ କର୍ମଚାରୀ ମାର୍କେଟ ଛକର ଏକ ଲଜ ସମ୍ମୁଖରେ ସ୍କୁଟି ପାର୍କିଂ କରି ଲଜକୁ ଯାଇଥିଲେ । ଗାଡ଼ି ଡିକିରେ ହୀରାମୁଦି ଥିବା ପର୍ସଟିକୁ ଛାଡ଼ି ଯାଇଥିଲେ । ଲୁଟେରା ଜଣଙ୍କ ହ୍ୟାପପ୍ୟାଣ୍ଡ ଓ ଟି-ସାର୍ଟ ପିନ୍ଧି ବେକରେ ଗାମୁଛା ପକାଇ ଚୋରୀ କରୁଥିବା ସିସିଟିଭିରେ ଦେଖିବାକୁ ମିଳିଛି । ବାସ୍ତବିକରେ ସେ ଜଣେ ଯୁବତୀ ବୋଲି ଜଣାପଡ଼ିଛି । ଏନେଇ କୁମ୍ଭାରପଡ଼ା ଥାନାରେ ଏତଲା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।